บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Dutiyam upavanattherapadanam (22) [24] |24.53| Padumuttaro nama jino sabbadhammana paragu jalitva aggikkhandhova sambuddho parinibbuto. |24.54| Mahajana samagamma pujayitva tathagatam citam katvana sukatam sariram abhiropayum. |24.55| Sarirakiccam katvana dhatum tattha samanayum sadevamanussa sabbe buddhathupam akamsu te. |24.56| Pathama kancanamaya dutiyapi 1- manimaya tatiya rupiyamaya catuttha phalikamaya. |24.57| Tattha 2- pancami ya bhumi lohitangamaya ahu chattha masaragallassa sabbaratanamayupari. |24.58| Jangha manimaya asi vedika ratanamaya sabbasonnamayo thupo uddham yojanamuggato. |24.59| Deva tattha samagantva ekato mantayum tada mayampi thupam karissama 3- lokanathassa tadino. |24.60| Dhatu avenika natthi sariram ekapinditam imamhi buddhathupasmim karissama kancukam mayam. |24.61| Deva sattaratanehi annam vaddhesu yojanam thupo dviyojanubbedho timiram byapahanti yo 4-. @Footnote: 1 Ma. dutiyasi manimaya. 2 Ma. tatha pancamiya bhumi. 3 Ma. kassami. @4 Ma. Yu. so. |24.62| Naga tattha samagantva ekato mantayum tada manussa ceva deva ca buddhathupam akamsu te. |24.63| Ma no pamatta assumha appamatta sadevaka 1- mayampi thupam karissama lokanathassa tadino. |24.64| Indanilam mahanilam atho jotirasam manim ekato sannipatetva buddhathupam achadayum 2-. |24.65| Sabbam manimayam asi tavata buddhacetiyam tiyojanasamubbiddham alokakaranam tada. |24.66| Garula 3- ca samagantva ekato mantayum tada manussa devanaga ca buddhathupam akamsu te. |24.67| Ma no pamatta assumha appamatta sadevaka mayampi thupam karissama lokanathassa tadino. |24.68| Sabbam manimayam thupam akarum tava 4- kancukam yojanam tepi vaddhesum ayatam buddhacetiyam. |24.69| Catuyojanamubbedho buddhathupo virocati obhaseti disa sabba sataramsiva uggato. |24.70| Kumbhanda 5- ca samagantva ekato mantayum tada manussa ceva deva ca naga ca garula tada. |24.71| Paccekam buddhasetthassa akamsu thupamuttamam ma no pamatta assumha appamatta sadevaka. @Footnote: 1 Yu. sadevata. 2 Yu. acchadayum. 3 Po. Yu. kumbhanda. 4 Ma. te ca. @5 Po. Yu. yakkha tattha .... |24.72| Mayampi thupam karissama lokanathassa tadino ratanehi 1- chadayissama ayatam buddhacetiyam. |24.73| Yojanantepi vaddhesum ayatam buddhacetiyam pancayojanamubbedho thupo obhasati tada. |24.74| Yakkha 2- tattha samagantva ekato mantayum tada manuja devata naga kumbhanda garula tada. |24.75| Paccekam buddhasetthassa akamsu thupamuttamam ma no pamatta assumha appamatta sadevaka. |24.76| Mayampi thupam karissama lokanathassa tadino phalika 3- chadayissama ayatam buddhacetiyam. |24.77| Yojanantepi vaddhesum ayatam buddhacetiyam chayojanani ubbiddho thupo obhasati tada. |24.78| Gandhabba ca samagantva ekato mantayum tada manuja devata naga garula kumbhayakkhaka. 4- |24.79| Kata buddhathupam mayamettha akaraka mayampi thupam karissama lokanathassa tadino. |24.80| Vediyo satta katvana yava jangha akamsu te sabbasovannamayam thupam gandhabba karayum tada. |24.81| Sattayojanamubbedho thupo obhasate tada rattindiva na nayanti aloka 5- honti sabbada. @Footnote: 1 Po. Yu. phalika chadayissama. 2 Po. Yu. gandhabba ca .... 3 Ma. phalikahi. @4 Ma. sabbekamsu buddhathupam. 5 Ma. Yu. aloko hoti sabbada. |24.82| Abhibhonti na tassabha candasura sataraka samanta yojanasate padipo 1- pana pajjali. |24.83| Tena kalena yekeci thupam pujenti manusa na te thupam aruhanti ambare ukkhipanti te. |24.84| Devehi thapito yakkho abhisammatanamako dhajam va pupphadamam va abhiropeti uttari. |24.85| Na te passanti tam yakkham damam passanti gacchato etam 2- passitva gacchanti sabbe gacchanti suggatim. |24.86| Viruddha ye pavacane pasanna ye ca sasane patihiram datthukama thupam pujenti manusa. |24.87| Nagare hamsavatiya ahosim varako 3- tada amoditam janam disva evam cintesaham tada. |24.88| Olaro bhagava eso yassa dhatugharedisam ima ca janata tuttha karam kubbam na tappare. |24.89| Ahampi karam karissami lokanathassa tadino tassa dhammesu dayado bhavissami anagate. |24.90| Sudhotam rajakenaham uttareyya patam mama velugge 4- alaggetvana dhajam ukkhipi ambare. |24.91| Abhisammatako gayha ambare hasi me dhajam vateritam dhajam disva bhiyyo hasam janesaham. @Footnote: 1 Ma. padipopi na pajjali. 2 Ma. Yu. evam passitva gacchanta. 3 Ma. bhatako. @4 Ma. Yu. velagge. |24.92| Tattha cittam pasadetva samanam upasankamim tam bhikkhum abhivadetva vipakam pucchaham dhaje. |24.93| So me kathesi ananda pitisanjananam mama tassa dhajassa vipakam anubhossasi sabbada. |24.94| Hatthi assa ratha patti sena ca caturangini parivaressanti tam nicca dhajadanassidam phalam. |24.95| Satthi turiyasahassani bheriyo samalankata parivaressanti tam nicca dhajadanassidam phalam. |24.96| Chalasitisahassani nariyo samalankata vicittavatthabharana amuttamanikundala. |24.97| Alaramukha hasula susanna tanumajjhima parivaressanti tam nicca dhajadanassidam phalam. |24.98| Timsakappasahassani devaloke ramissasi asitikkhattum devindo devarajjam karissasi. |24.99| Sahassakkhattum rajapi 1- cakkavatti bhavissasi padesarajjam vipulam gananato asankhayam. |24.100| Kappasatasahassamhi okkakakulasambhavo gotamo nama namena sattha loke bhavissati. |24.101| Devaloka cavitvana sukkamulena codito punnakammena samyutto brahmabandhu bhavissasi. @Footnote: 1 Ma. raja ca. |24.102| Asitikotim chaddetva dasakammakare bahu gotamassa bhagavato sasane pabbajissasi. |24.103| Aradhayitva sambuddham gotamam sakyapungavam upavanoti namena hessasi satthusavako. |24.104| Satasahasse katam kammam phalam dassesi me idha sumutto saravegova kilese jhapayim mamam. |24.105| Cakkavattissa santassa catudipissarassa me tiniyojanasamanta ussissanti 1- dhaja sada. |24.106| Satasahasse ito kappe yam kammamakarim tada duggatim nabhijanami dhajadanassidam phalam. |24.107| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma upavano thero ima gathayo abhasitthati. Upavanattherassa apadanam samattam.The Pali Tipitaka in Roman Character Volume 32 page 100-105. https://84000.org/tipitaka/read/roman_read.php?B=32&A=2076&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=2076&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=24&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=24 Study Atthakatha :- https://84000.org/tipitaka/attha/attha.php?b=32&i=24 The Pali Atthakatha in Thai :- https://84000.org/tipitaka/atthapali/read_th.php?B=50&A=976 The Pali Atthakatha in Roman :- https://84000.org/tipitaka/atthapali/read_rm.php?B=50&A=976 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]