|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Catuttho kundadhanavaggo pathamam kundadhanattherapadanam (31) [33] |33.1| Sattaham patisallinam sayambhum aggapuggalam pasannacitto sumano buddhasettham upatthahim. |33.2| Vutthitam kalamannaya padumuttaram mahamunim mahantam kadalikannim gahetva upaganchaham. |33.3| Patiggahesi 1- bhagava sabbannu 2- lokanayako mama cittam pasadento paribhunji mahamuni. |33.4| Paribhunjitvana sambuddho satthavaho anuttaro sakasane nisiditva ima gatha abhasatha. |33.5| Ye ca santi samitaro 3- yakkha imamhi pabbate aranne bhutagana sabbe 4- sunantu vacanam mama. |33.6| Yo so buddham upatthasi migarajamva kesarim tamaham kittayissami sunatha mama bhasato. |33.7| Ekadasanca khattum so devaraja bhavissati catuttimsatikhattunca cakkavatti bhavissati. |33.8| Kappasatasahassamhi okkakakulasambhavo gotamo nama gottena sattha loke bhavissati. |33.9| Akkositvana samane silavante anasave papakammavipakena namadheyyam labhissati. |33.10| Tassa dhammesu dayado oraso dhammanimmito kundadhanoti namena savako so bhavissati. |33.11| Pavivekam anuyutto jhayi jhanarato aham tosayitvana sattharam viharami anasavo. |33.12| Savakehi 5- parivuto bhikkhusanghapurakkhato bhikkhusanghe nisiditva salakam gahayi jino. @Footnote: 1 Ma. Yu. patiggahetva. 2 Yu. tam phalam. 3 Yu. ye vasanti sametaro. @4 Ma. Yu. aranne bhutabhabyani. 5 Yu. savakaggehi. |33.13| Ekamsam civaram katva vanditva lokanayakam vadatam varassa purato pathamam aggahesaham. |33.14| Tena kammena bhagava dasasahassipakampako bhikkhusanghe nisiditva aggatthane thapesi mam. |33.15| Viriyam me dhuradhorayham yogakkhemadhivahanam dharemi antimam deham samma sambuddhasasane. |33.16| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma kundadhano thero ima gathayo abhasitthati. Kundadhanattherassa apadanam samattam.The Pali Tipitaka in Roman Character Volume 32 page 116-118. https://84000.org/tipitaka/read/roman_read.php?B=32&A=2417&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=2417&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=33&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=33 Study Atthakatha :- https://84000.org/tipitaka/attha/attha.php?b=32&i=33 The Pali Atthakatha in Thai :- https://84000.org/tipitaka/atthapali/read_th.php?B=50&A=1221 The Pali Atthakatha in Roman :- https://84000.org/tipitaka/atthapali/read_rm.php?B=50&A=1221 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]