PaliRoman Vol.32

Pancamo upalivaggo pathamam upalittherapadanam (41) [43] |43.1| Khinasavasahassehi parivuto lokanayako vivekamanuyutto so gacchate patisallitum. |43.2| Ajinena nivatthoham tidandaparicarano bhikkhusanghaparibyulham addasam lokanayakam. |43.3| Ekamsam ajinam katva sise katvana anjalim sambuddham abhivadetva santhavim lokanayakam. |43.4| Yathandaja ca samseda opapati jalambuja kakadipakkhino sabbe antalikkhe sada cara ^1-. |43.5| Ye keci panabhutatthi sannino va asannino sabbe te tava nanamhi anto honti samogadha. |43.6| Gandha ca pabbateyya ye himavante naguttame sabbe te tava silamhi kalayopi na yujjare. |43.7| Mohandhakarapakkhanno ^2- ayam loko sadevako tava nanamhi jotante andhakara vidhamsita. |43.8| Yatha atthangate suriye honti satta tamogata evam buddhe anuppanne hoti loko tamogato. |43.9| Yathodayanto adicco vinodeti tamam sada tatheva tvam buddhasettha viddhamsesi tamam sada. @Footnote: ¹ Yu. antalikkhe padesaga. ² Ma. mohandhakarapakkhando. Yu. ... pakkhanto. |43.10| Padhanam pahitattosi buddho loke sadevake tava kammabhiraddhena tosesi janatam bahum. |43.11| Tam sutva ^1- anumoditva padumuttaro mahamuni nabhe abbhuggami dhiro hamsarajava ambare. |43.12| Abbhuggantvana sambuddho mahesi padumuttaro antalikkhe thito sattha ima gatha abhasatha. |43.13| Yenidam thavitam nanam upamehi samayutam tamaham kittayissami sunatha mama bhasato. |43.14| Attharasanca khattum so devaraja bhavissati pathabya rajjam tisatam vasudham avasissati. |43.15| Pancavisatikkhattunca cakkavatti bhavissati padesarajjam vipulam gananato asankhayam. |43.16| Kappasatasahassamhi okkakakulasambhavo gotamo nama namena sattha loke bhavissati. |43.17| Tusitahi cavitvana sukkamulena codito hinova jatiya santo upali nama hessati. |43.18| So ca paccha pabbajitva virajitvana papakam sabbasave parinnaya nibbayissatyanasavo. |43.19| Tuttho ca gotamo buddho sakyaputto mahayaso vinayadhigatam tassa etadagge thapessati. @Footnote: ¹ Ma. Yu. sabbam. |43.20| Saddhayaham pabbajito katakicco anasavo sabbasave parinnaya viharami anasavo. |43.21| Bhagava canukampi mam vinayeham visarado sakakammabhiraddho ca viharami anasavo. |43.22| Samvuto patimokkhamhi indriyesu ca pancasu dharemi vinayam sabbam kevalam ratanakaram. |43.23| Mamanca gunamannaya sattha loke anuttaro bhikkhusanghe nisiditva etadagge thapesi mam. |43.24| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma upali thero ima gathayo abhasitthati. Upalittherassa apadanam samattam.

The Pali Tipitaka in Roman Character Volume 32 page 131-133. https://84000.org/tipitaka/read/roman_read.php?B=32&A=2706&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=2706&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=43&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=43 Study Atthakatha :- https://84000.org/tipitaka/attha/attha.php?b=32&i=43 The Pali Atthakatha in Thai :- https://84000.org/tipitaka/atthapali/read_th.php?B=50&A=1749 The Pali Atthakatha in Roman :- https://84000.org/tipitaka/atthapali/read_rm.php?B=50&A=1749 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32