PaliRoman Vol.32

Tatiyam bhaddiyakaligodhayaputtattherapadanam (43) [45] |45.54| Padumuttarasambuddham mettacittam mahamunim upeti janata sabba sabbalokagganayakam. |45.55| Sattukanca pavakanca ^1- amisampanabhojanam dadanti satthuno sabbe punnakkhette anuttare. |45.56| Ahampi danam dassami devadevassa tadino buddhasettham nimantetva sanghampi ca anuttaram. |45.57| Uyyojita maya cete nimantesum tathagatam kevalam bhikkhusanghanca punnakkhettam anuttaram. |45.58| Satasahassapallankam sovannam gonakatthatam tulikapatalikaya khomakappasikehi ca. Maharaham pannapayim asanam buddhayuttakam |45.59| padumuttaro lokavidu devadevo narasabho. Bhikkhusanghaparibyulho mama dvaram upagami |45.60| paccuggantvana sambuddham lokanatham yasassinam. Pasannacitto sumano atinamayi sagharam ^2- |45.61| bhikkhunam satasahassam buddhanca lokanayakam. Pasannacitto sumano paramannena tappayim |45.62| padumuttaro lokavidu ahutinam patiggaho. @Footnote: ¹ Ma. Yu. baddhakanca. ² Ma. abhinamayim sangharam. Yu. ... sagharam. Bhikkhusanghe nisiditva ima gatha abhasatha |45.63| yenidam asanam dinnam sovannam gonakatthatam. Tamaham kittayissami sunatha mama bhasato |45.64| catusattatikkhattum so devarajjam karissati. Anubhossati sampattim accharahi purakkhato |45.65| padesarajjam sahassam vasudham avasissati. Ekapannasakkhattunca cakkavatti bhavissati |45.66| sabbasu bhavayonisu uccakuli bhavissati. So ca paccha pabbajitva sukkamulena codito bhaddiyo nama namena hessati satthu savako. |45.67| Vivekamanuyuttomhi pantasenanivasaham phalam vadhigatam ^1- sabbam cittaklesomhi ajjaham. |45.68| Mama sabbam abhinnaya sabbannu lokanayako bhikkhusanghe nisiditva etadagge thapesi mam. |45.69| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma bhaddiyo kaligodhayaputto thero ima gathayo abhasitthati. Bhaddiyassa kaligodhayaputtattherassa apadanam samattam. @Footnote: ¹ Ma. cadhigatam. Yu. phalanca vigatam sabbam vattaklesomhi ajjaham.

The Pali Tipitaka in Roman Character Volume 32 page 137-138. https://84000.org/tipitaka/read/roman_read.php?B=32&A=2829&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=2829&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=45&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=45 Study Atthakatha :- https://84000.org/tipitaka/attha/attha.php?b=32&i=45 The Pali Atthakatha in Thai :- https://84000.org/tipitaka/atthapali/read_th.php?B=50&A=1811 The Pali Atthakatha in Roman :- https://84000.org/tipitaka/atthapali/read_rm.php?B=50&A=1811 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32