PaliRoman Vol.32

Navamam subhaddattherapadanam (49) [51] |51.101| Padumuttaro lokavidu ahutinam patiggaho janatam uddharitvana nibbayati mahayaso. |51.102| Nibbayante ca sambuddhe dasasahassi kampatha janakayo maha asi deva sannipatum tada. |51.103| Candanam purayitvana tagaramallikahi ca hattho hatthena cittena aropesim naruttamam. |51.104| Mama sankappamannaya sattha loke anuttaro nipannakova sambuddho ima gatha abhasatha. |51.105| Yo me pacchimake kale gandhamallena chadayi tamaham kittayissami sunatha mama bhasato. |51.106| Ito cuto ayam poso tusitakayam gamissati tattha rajjam karitvana nimmanam so gamissati. |51.107| Eteneva upayena datva mallam ^1- varuttamam sakakammabhiraddho so sampattim anubhossati. |51.108| Punapi ^2- tusite kaye nibbattissatiyam naro tamha kaya cavitvana manussattam gamissati. |51.109| Sakyaputto mahanago aggo loke sadevake bodhayitva bahu satte nibbayissati cakkhuma. |51.110| Tada sopagato santo ^3- sukkamulena codito upasankamma sambuddham panham pucchissati tada. |51.111| Hasayitvana sambuddho sabbannu lokanayako pubbakammamabhinnaya saccani vivarissati. |51.112| Araddho ca ayam panho tuttho ekaggamanaso sattharam abhivadetva pabbajjam yacayissati. |51.113| Pasannamanasam disva sakakammena tositam pabbajissati so buddho aggadhammassa kovido. |51.114| Vayamitvanayam poso samma sambuddhasasane sabbasave parinnaya nibbayissatyanasavo. Pancamam bhanavaram. @Footnote: ¹ Ma. malam. Yu. malayam. ² Yu. cutopi. ³ Yu. pabbajjupagato santo. |51.115| Pubbakammena samyutto ekaggo susamahito buddhassa oraso putto dhammatomhi sunimmito. |51.116| Dhammarajam upagamma apucchim panhamuttamam kathayanto ca me panham dhammasotam upanayi. |51.117| Tassaham dhammamannaya vihasim sasane rato sabbasave parinnaya viharami anasavo. |51.118| Satasahasse ito kappe jalajuttamanayako nibbayi anupadano dipova telasankhaya. |51.119| Sattayojanikam asi thupanca ratanamayam dhajam tattha apujesim sabbabhaddam manoramam. |51.120| Kassapassa ca buddhassa tisso namaggasavako putto me oraso asi dayado jinasasane. |51.121| Tassa hinena manasa vacam bhasim abhaddakam tena kammavipakena paccha me asi bhaddakam ^1-. |51.122| Upavattane salavane pacchime sayane muni pabbajesi mahaviro hito karuniko jino. |51.123| Ajjeva dani pabbajja ajjeva upasampada ajjeva parinibbanam sammukha dipaduttame. |51.124| Patisambhida catasso vimokkhapica atthime chalabhinna sacchikata katam buddhassa sasananti. @Footnote: ¹ Ma. pacchime addasam jinam. Ittham sudam ayasma subhaddo thero ima gathayo abhasitthati. Subhaddattherassa apadanam samattam.

The Pali Tipitaka in Roman Character Volume 32 page 143-146. https://84000.org/tipitaka/read/roman_read.php?B=32&A=2956&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=2956&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=51&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=51 Study Atthakatha :- https://84000.org/tipitaka/attha/attha.php?b=32&i=51 The Pali Atthakatha in Thai :- https://84000.org/tipitaka/atthapali/read_th.php?B=50&A=1943 The Pali Atthakatha in Roman :- https://84000.org/tipitaka/atthapali/read_rm.php?B=50&A=1943 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32