บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Dasamam cundattherapadanam (50) [52] |52.125| Siddhatthassa bhagavato lokajetthassa tadino agghiyam karayitvana jatipupphehi chadayim. |52.126| Nitthapetvana tam puppham buddhassa abhinamayim pupphavasesam paggayha buddhassa abhiropayim. |52.127| Kancanagghiyasankasam buddham lokagganayakam pasannacitto sumano pupphagghiyamupanayim. |52.128| Vitinnakankho sambuddho tinnoghehi purakkhato bhikkhusanghe nisiditva ima gatha abhasatha. |52.129| Dibbagandham pavayantam yo me pupphagghiyam ada tamaham kittayissami sunatha mama bhasato. |52.130| Ito cuto ayam poso devasanghapurakkhato jatipupphehi parikinno devalokam gamissati. |52.131| Ubbiddham bhavanam tassa sovannanca manimayam byamha patubhavissanti punnakammapabhavita. |52.132| Catusattatikkhattum so devarajjam karissati anubhossati sampattim accharahi purakkhato. |52.133| Pathabya rajjam tisatam vasudham avasissati pancasattatikkhattunca cakkavatti bhavissati. |52.134| Dujjayo nama namena hessati manujadhipo anubhotvana tam punnam sakakammupasamhito. |52.135| Vinipatam agantvana manussattam gamissati hirannam tassa nicitam kotisatampi anappakam. |52.136| Nibbattissati yonimhi brahmano so bhavissati vangantassa suto dhima sariya oraso piyo. |52.137| So ca paccha pabbajitva angirasassa sasane culacundoti namena hessati satthu savako. |52.138| Samanerova so santo khinasavo bhavissati sabbasave parinnaya nibbayissatyanasavo. |52.139| Upatthahim mahaviram anne ca pesale bahu bhataramevupatthasim uttamatthassa pattiya. |52.140| Bhataram me upatthahitva dhatum pattamhi ociya 1- sambuddham upanamesim lokajettham narasabham. |52.141| Ubhohatthehi paggayha buddho loke sadevake sandassayanto tam dhatum kittayi aggasavakam. @Footnote: 1 Ma. ohiya. Yu. opiya. |52.142| Cittanca suvimuttam me saddha mayham patitthita sabbasave parinnaya viharami anasavo. |52.143| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma cundatthero ima gathayo abhasitthati. Cundattherassa apadanam samattam. Uddanam upali sono bhaddi ca sannitthapaka hatthiyo chadanam seyyacankamam subhaddo cundasavhayo gathasatam ca talisam 1- catasso ca tatthuttari. Upalivaggo pancamo. -----------The Pali Tipitaka in Roman Character Volume 32 page 146-148. https://84000.org/tipitaka/read/roman_read.php?B=32&A=3011&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=3011&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=52&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=52 Study Atthakatha :- https://84000.org/tipitaka/attha/attha.php?b=32&i=52 The Pali Atthakatha in Thai :- https://84000.org/tipitaka/atthapali/read_th.php?B=50&A=2005 The Pali Atthakatha in Roman :- https://84000.org/tipitaka/atthapali/read_rm.php?B=50&A=2005 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]