|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Dasamam saparivarachattadayakattherapadanam (330) [332] |332.83| Padumuttaro lokavidu ahutinam patiggaho akase jalavutthiva vassate dhammavutthiya. @Footnote: 1 Po. Yu. ima gatha. 2 Ma. adharayim. Yu. akarayim. |332.84| Tamaddasasim sambuddham desentam amatam padam sakam cittam pasadetva agamasim sakam gharam. |332.85| Chattam alankatam gayha upaganchim naruttamam hattho hatthena cittena akase ukkhipim aham. |332.86| Susangahitayanamva dantova savakuttamo upagantvana sambuddham matthake sampatitthahi. |332.87| Anukampako karuniko buddho lokagganayako bhikkhusanghe nisiditva ima gatha abhasatha. |332.88| Yena chattamidam dinnam alankatam manoramam tena cittappasadena duggatim so na gacchati. |332.89| Sattakkhattum ca devesu devarajjam karissati dvattimsakkhattum 1- raja ca cakkavatti bhavissati. |332.90| Kappasatasahassamhi okkakakulasambhavo gotamo nama namena 2- sattha loke bhavissati. |332.91| Tassa dhammesu dayado oraso dhammanimmito sabbasave parinnaya nibbayissatinasavo. |332.92| Buddhassa giramannaya vacasabhimudiritam pasannacitto sumano bhiyyo hasam janesaham. |332.93| Jahitva manusam yonim dibbayonim 3- samajjhagam vimanamuttamam mayham abbhuggatam manoramam. @Footnote: 1 Yu. chattimsakkhattum. 2 Ma. gotutena. 3 Yu. devayonim. |332.94| Vimana nikkhamantassa setacchattam dhariyati tada sannam patilabhami pubbakammassidam phalam. |332.95| Devaloka cavitvana manussattanca agamim chattimsakkhattum cakkavatti sattakappasatamhito. |332.96| Tamha kaya cavitvana agacchim tidasam puram samsaritvanupubbena manusam punaragamim. |332.97| Okkantam matukucchim mam setacchattam adharayum jatiya sattavassoham pabbajim anagariyam. |332.98| Sunando nama namena brahmano mantaparagu phalikam 1- chattamadaya savakaggassa so ada 2-. |332.99| Anumodi mahaviro sariputto mahakathi sutvanumodanam tassa pubbakammam anussarim. |332.100| Anjalim paggahetvana sakam cittam pasadayim saritva purimam kammam arahattam apapunim. |332.101| Utthaya asana tamha sire katvana anjalim sambuddham abhivadetva imam vacamudirayim. |332.102| Satasahasse ito kappe buddho loke anuttaro padumuttaro lokavidu ahutinam patiggaho. |332.103| Tassa chattam maya dinnam vicittam samalankatam ubhohatthehi pagganhi sayambhu aggapuggalo. @Footnote: 1 Ma. bhalitam. 2 Ma. tada. |332.104| Aho buddho 1- aho dhammo 2- aho no satthusampada ekachattassa danena duggatim nupapajjaham. |332.105| Kilesa jhapita mayham bhava sabbe samuhata sabbasave parinnaya viharami anasavo. |332.106| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma saparivarachattadayako thero ima gathayo abhasitthati. Saparivarachattadayakattherassa apadanam samattam. Uddanam ummapupphanca pulinam haso yanno nimittako samsavako niggundi ca sumana pupphachattako saparivarachatto ca gatha sattasatuttara. Ummapupphiyavaggo tettimso. ----------- @Footnote: 1 Yu. buddha. 2 Yu. dhamma.The Pali Tipitaka in Roman Character Volume 32 page 407-410. https://84000.org/tipitaka/read/roman_read.php?B=32&A=7995&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=7995&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=332&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=332 Study Atthakatha :- https://84000.org/tipitaka/attha/attha.php?b=32&i=332 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]