บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Sattamam tinakutidayakattherapadanam (337) [339] |339.75| Nagare bandhumatiya ahosim parakammiko parakammayane yutto parabhattam apassito. |339.76| Rahogato nisiditva evam cintesaham 1- tada buddho loke samuppanno adhikaro ca natthi me. |339.77| Kalo gatim me sodhetum khano me patipadito dukkho nirayasamphasso apunnanam hi paninam. |339.78| Evaham cintayitvana kammasamim upagamim ekaham kammam yacitva pavanam pavisim aham. |339.79| Tinakatthanca vallinca aharitvanahantada tidandake thapetvana akam tinakutim aham. |339.80| Sanghassatthaya kutikam niyyadetvana tam aham tadaheyeva agantva kammasamim upagamim. |339.81| Tena kammena sukatena tavatimsam aganchaham tattha me sukatam byamham tinakutikaya 2- nimmitam. @Footnote: 1 Yu. --- cintesi tavade. 2 Ma. kutikaya sunimmitam. |339.82| Sahassakando satagendu dhajalu haritamayo satasahassaniyyuha byamhe patubhavimsu me. |339.83| Yam yam yonupapajjami devattam atha manusam mama sankappamannaya pasado upatitthati. |339.84| Bhayam va chambhitattam va lomahamso na vijjati tasam mama na janami tinakutikayidam phalam |339.85| siha byaggha ca dipi ca acchakokataracchayo 1- sabbe mam parivajjanti tinakutikayidam phalam. |339.86| Sirimsapa ca bhuta ca ahikumbhandarakkhasa tepi mam parivajjanti tinakutikayidam phalam. |339.87| Na papasupinassaham sarami dassanam mama upatthita sati mayham tinakutikayidam phalam. |339.88| Tayeva tinakutikaya anubhotvana sampada gotamassa bhagavato dhammam sacchikarim aham. |339.89| Ekanavute ito kappe yam kammamakarim tada duggatim nabhijanami tinakutikayidam phalam. |339.90| Patisambhida catasso vimokkhapica atthime chalabhinna sacchikata katam buddhassa sasananti. @Footnote: 1 Ma. acchakokataracchaka. Ittham sudam ayasma tinakutidayako thero ima gathayo abhasitthati. Tinakutidayakattherassa apadanam samattam.The Pali Tipitaka in Roman Character Volume 32 page 420-422. https://84000.org/tipitaka/read/roman_read.php?B=32&A=8237&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=8237&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=339&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=339 Study Atthakatha :- https://84000.org/tipitaka/attha/attha.php?b=32&i=339 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]