|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Navamam dhammassavaniyattherapadanam (339) [341] |341.112| Padumuttaro nama jino sabbadhammana paragu catusaccam pakasento santareti 3- bahujjanam. |341.113| Aham tena samayena jatilo uggatapano dhunanto vakacirani gacchami ambare tada. |341.114| Buddhasetthassa upari gantum na visahamaham pakkhiva selamapajja 4- gamanam na labhintada 5-. @Footnote: 1 Yu. avinnatti nisevami. 2 Ma. labhi. Yu. labhihi. 3 Ma. santaresi bahum janam. @4 Ma. Yu. selamasajja. 5 Ma. na labhamaham. Yu. na labhe tada. |341.115| Na me idam bhutapubbam iriyassa vikopanam dake yatha ummilitva evam gacchami ambare. |341.116| Ularabhuto manujo ca hetthasino bhavissati handa metam gavesissam api attham labheyyaham. |341.117| Orohanto antalikkha saddamassosi satthuno aniccatam kathentassa tamaham uggahim tada. |341.118| Aniccasannamuggayha agamasim mamassamam yavatayum vasitvana tattha kalam kato aham. |341.119| Carime vattamanamhi tam dhammassavanam sarim tena kammena sukatena tavatimsam agacchaham. |341.120| Timsakappasahassani devaloke ramim aham ekapannasakkhattunca devarajjamakarayim. |341.121| Ekasattatikkhattunca cakkavatti ahosaham padesarajjam vipulam gananato asankhayam. |341.122| Pitughare nisiditva samano bhavitindriyo gathaya paridipento aniccavatthudahari 1-. |341.123| Anussarami tam sannam samsaranto bhavabhave na kotim pativijjhami nibbanam accutam padam. |341.124| Anicca vata sankhara uppadavayadhammino uppajjitva nirujjhanti tesam vupasamo sukho. @Footnote: 1 Ma. aniccatamudahari. |341.125| Saha gatham sunitvana pubbakammam anussarim ekasane nisiditva arahattam apapunim. |341.126| Jatiya sattavassoham arahattam apapunim upasampadayi buddho gunamannaya cakkhuma. |341.127| Darakova aham santo karaniyam samapayim kim me karaniyam ajja sakyaputtassa sasane. |341.128| Satasahasse ito kappe yam kammamakarim tada duggatim nabhijanami saddhammassavane phalam. |341.129| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma dhammassavaniyo thero ima gathayo abhasitthati. Dhammassavaniyattherassa apadanam samattam.The Pali Tipitaka in Roman Character Volume 32 page 424-426. https://84000.org/tipitaka/read/roman_read.php?B=32&A=8324&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=8324&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=341&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=341 Study Atthakatha :- https://84000.org/tipitaka/attha/attha.php?b=32&i=341 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]