|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Dasamam ukkhittapadumiyattherapadanam (340) [342] |342.130| Nagare hamsavatiya ahosim maliko tada ogahetva padumasaram sattapatte 1- ocinamaham. |342.131| Padumuttaro nama jino sabbadhammana paragu saha satasahassehi santacittehi tadibhi. @Footnote: 1 Ma. sabbattha satapattanti dissati.--------------------------------------------------------------------------------------------- page427.
|342.132| Khinasavehi suddhehi chalabhinnehi jhayibhi mama vuddhim samanvesam aganchi purisuttamo 1-. |342.133| Disvanaham devadevam sayambhum lokanayakam vante chetva sattapattam ukkhipim ambare tada. |342.134| Yadi buddho tuvam dhira lokajettho narasabho sayam gantva sattapatto matthake dharayantu te. |342.135| Adhitthahi mahaviro lokajettho narasabho buddhassa anubhavena matthake dharayimsu te. |342.136| Tena kammena sukatena cetanapanidhihi ca jahitva manusam deham tavatimsam agacchaham. |342.137| Tattha me sukatam byamham sattapattanti vuccati satthiyojanamubbiddham timsayojanavitthatam. |342.138| Sahassakkhattum devindo devarajjamakarayim pancasattatikkhattunca cakkavatti ahosaham. |342.139| Padesarajjam vipulam gananato asankhayam anubhomi sakam kammam pubbe sukatamattano. |342.140| Tenevekapadumena anubhotvana sampada gotamassa bhagavato dhammam sacchikarim aham. |342.141| Kilesa jhapita mayham bhava sabbe samuhata nagova bandhanam chetva viharami anasavo. @Footnote: 1 Ma. -- mama santikam.--------------------------------------------------------------------------------------------- page428.
|342.142| Satasahasse ito kappe yam pupphamabhipujayim duggatim nabhijanami ekapadumassidam phalam. |342.143| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma ukkhittapadumiyo thero ima gathayo abhasitthati. Ukkhittapadumiyattherassa apadanam samattam. Uddanam gandhodakam pujani ca punnagam ekadussika phussito ca pabhankaro kutido uttariyako. Savanam ekapadumi gathayo sabbapindita ekagathasatanceva catutalisameva ca. Gandhodakavaggo catuttimso. ---------The Pali Tipitaka in Roman Character Volume 32 page 426-428. https://84000.org/tipitaka/read/roman_read.php?B=32&A=8367&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=8367&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=342&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=342 Study Atthakatha :- https://84000.org/tipitaka/attha/attha.php?b=32&i=342 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]