|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Atthamam tinamutthidayakattherapadanam (348) [350] |350.48| Himavantassavidure lambako nama pabbato upatisso nama sambuddho abbhokasamhi cankami. @Footnote: 1 Ma. Yu. buddhopi sambhavo nama. |350.49| Migaluddho pure asim aranne kanane aham disvana tam devadevam sayambhum aparajitam. |350.50| Vippasannena cittena tada tassa mahesino nisidanattham buddhassa tinamutthimadasaham. |350.51| Datvana devadevassa bhiyyo cittam pasadayim sambuddham abhivadetva pakkami 1- uttaramukho. |350.52| Aciram gatamattam mam migaraja ahethayi 2- sihena patito 3- santo tattha kalam kato aham. |350.53| Asanne me katam kammam buddhasetthe anasave sumutto saravegova devalokam agacchaham. |350.54| Yupo tattha subho asi punnakammabhinimmito sahassakando sattagendu dhajalu haritamayo. |350.55| Pabha niddhavate tassa sataramsiva uggato akinno devakannahi amodim kamakamiham. |350.56| Devaloka cavitvana sukkamulena codito agantvana manussattam pattomhi asavakkhayam. |350.57| Catunavute ito kappe nisidanamadasaham duggatim nabhijanami tinamutthiyidam 4- phalam. |350.58| Patisambhida catasso vimokkhapica atthime chalabhinna sacchikata katam buddhassa sasananti. @Footnote: 1 Ma. Yu. pakkamim. 2 Ma. apothayi. 3 Ma. pothito. 4 Yu. tinamutthe idam phalam. Ittham sudam ayasma tinamutthidayako thero ima gathayo abhasitthati. Tinamutthidayakattherassa apadanam samattam.The Pali Tipitaka in Roman Character Volume 32 page 435-437. https://84000.org/tipitaka/read/roman_read.php?B=32&A=8539&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=8539&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=350&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=350 Study Atthakatha :- https://84000.org/tipitaka/attha/attha.php?b=32&i=350 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]