|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
| ThaiVersion McuVersion PaliThai PaliRoman |
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Cuddasamo atthadassibuddhavamso [15] |15.1| Tattheva mandakappamhi atthadassi mahayaso mahatamam nihantvana patto sambodhimuttamam. |15.2| Brahmuna yacito santo dhammacakkam pavattayi amatena tappayi lokam dasasahassi sadevaka 1-. |15.3| Tassapi lokanathassa ahesum abhisamaya tayo kotisatasahassanam pathamabhisamayo ahu. |15.4| Yada buddho atthadassi carati devacarikam kotisatasahassanam dutiyabhisamayo ahu. |15.5| Punaparam yada buddho desesi pitu santike kotisatasahassanam tatiyabhisamayo ahu. |15.6| Sannipata tayo asum tassapi ca mahesino khinasavanam vimalanam santacittana tadinam. |15.7| Atthanavutisahassanam pathamo asi samagamo atthasitisahassanam dutiyo asi samagamo. |15.8| Atthasattatisahassanam 2- tatiyo asi samagamo anupadavimuttanam vimalanam mahesinam. |15.9| Ahantena samayena jatilo uggatapano susimo nama namena mahiya setthasammato. @Footnote: 1 Po. Ma. Yu. sadevakam. 2 Yu. atthatimsasahassanam.--------------------------------------------------------------------------------------------- page496.
|15.10| Dibbam mandaravam puppham padumam parichattakam devaloka aharitva sambuddham abhipujayim. |15.11| Sopi mam buddho byakasi atthadassi mahamuni attharase kappasate ayam buddho bhavissati. |15.12| Ahu kapilavhaya ramma nikkhamitva tathagato padhanam padahitvana katva dukkarakarikam. |15.13| Ajapalarukkhamulasmim nisiditva tathagato tattha payasam paggayha neranjaramupehiti. |15.14| Neranjaraya tiramhi payasam adi so jino patiyattavaramaggena bodhimulamhi ehiti. |15.15| Tato padakkhinam katva bodhimandam anuttaram assattharukkhamulamhi bujjhissati mahayaso. |15.16| Imassa janika mata maya nama bhavissati pita suddhodano nama ayam hessati gotamo. |15.17| Anasava vitaraga santacitta samahita kolito upatisso ca agga hessanti savaka anando namupatthako upatthissatimam jinam. |15.18| Khema uppalavanna ca agga hessanti savika anasava vitaraga santacitta samahita.--------------------------------------------------------------------------------------------- page497.
|15.19| Bodhi tassa bhagavato assatthoti pavuccati citto ca hatthalavako agga hessantupatthika. |15.20| Nandamata ca uttara agga hessantupatthika ayu vassasatam tassa gotamassa yasassino. |15.21| Idam sutvana vacanam asamassa mahesino amodita naramaru buddhavijankuro ayam. |15.22| Ukkutthisadda vattanti apphotenti hasanti ca katanjali namassanti dasasahassi sadevaka. |15.23| Yadimassa lokanathassa virajjhissama sasanam anagatamhi addhane hessama sammukha imam. |15.24| Yatha manussa nadim taranta patitittham virajjhiya hetthatittham gahetvana uttaranti mahanadim. |15.25| Evameva mayam sabbe yadi muncamimam jinam anagatamhi addhane hessama sammukha imam. |15.26| Tassapi vacanam sutva tuttho 1- samviggamanaso uttarim vattamadhitthasim dasaparamipuriya. |15.27| Sobhanam nama nagaram sagaro nama khattiyo sudassana nama janika atthadassissa mahesino 2-. |15.28| Dasavassasahassani agaram ajjhavasi so amaragisuragigiribahana 3- tayo pasadamuttama. @Footnote: 1 Ma. Yu. hattho. 2 Ma. Yu. satthuno. 3 Ma. amaragirisugirivahana. @Yu. amaragirisuragiri girivahana.--------------------------------------------------------------------------------------------- page498.
|15.29| Tettimsatisahassani 1- nariyo samalankata visakha nama sa nari selo namasi atrajo. |15.30| Nimitte caturo disva assayanena nikkhami anunaatthamasani padhanam padahi jino. |15.31| Brahmuna yacito santo atthadassi mahayaso vattacakko mahaviro anomuyyane narasabho. |15.32| Santo ca upasanto ca ahesum aggasavaka abhayo namupatthako atthadassissa mahesino. |15.33| Dhamma ceva sudhamma ca ahesum aggasavika bodhi tassa bhagavato campakoti pavuccati. |15.34| Nakulo 2- ceva nisabho ca ahesum aggupatthaka makila ca sunanda ca ahesum aggupatthika. |15.35| Sopi buddho asamasamo asitiratanamuggato 3- sobhati salarajava ulurajava purito. |15.36| Tassa pakatika ramsi anekasatakotiyo uddham adho dasadisa pharanti yojanam sada 4-. |15.37| Sopi buddho naravusabho 5- sabbasattuttamo muni vassasatasahassani loke atthasi cakkhuma. |15.38| Atulam dassetva 6- obhasam virocetva sadevake sopi aniccatam patto yathaggupadanasankhaya. @Footnote: 1 Ma. Yu. tettimsanca sahassani. 2 Po. ala ceva nilabho ca. 3 Ma. Yu. @asitihatthamuggato. 4 Yu. tada. 5 Ma. Yu. narasabho 6 Yu. datvana.--------------------------------------------------------------------------------------------- page499.
|15.39| Atthadassi jinavaro anomaramamhi nibbuto dhatuvittharakam asi tesu tesu padesatoti. Atthadassibuddhavamso cuddasamo.The Pali Tipitaka in Roman Character Volume 33 page 495-499. https://84000.org/tipitaka/read/roman_read.php?B=33&A=10192&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=10192&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.2&item=15&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=206 Study Atthakatha :- https://84000.org/tipitaka/attha/attha.php?b=33&i=195 The Pali Atthakatha in Thai :- https://84000.org/tipitaka/atthapali/read_th.php?B=51&A=6913 The Pali Atthakatha in Roman :- https://84000.org/tipitaka/atthapali/read_rm.php?B=51&A=6913 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]