PaliRoman Vol.33

Navamam vessantaracariyam [9] |9.68| Ya me ahosi janika phussati nama khattiya sa atitasu jatisu sakkassa mahesi siya ^2-. |9.69| Tassa ayukkhayam disva ^3- devindo etadabravi dadami te dasavare varabhadde yadicchasi. |9.70| Evam vuttava ^4- sa devi sakkam punidamabravi kim nu me aparadhatthi kim nu dessa ahantava ramma cavesi mam thana vatova dharaniruham ^5-. |9.71| Evam vutatova ^6- so sakko puna tassidamabravi na ceva te katam papam na ca me tvamasi appiya. |9.72| Ettakamyeva te ayu cavanakalo bhavissati. Patigganha maya dinne vare dasa varuttame. @Footnote: ¹ Ma. Yu. atta na mena dessiyo. ² Ma. piya. Yu. ca mahesiya. ³ Ma. Yu. @natva. ⁴ Ma. Yu. vutta ca sa devi. ⁵ Yu. dharanim ruham. ⁶ Yu. evam vutte ca @so sakko. |9.73| Sakkena sa dinnavara tutthahattha pamodita mamam abbhantaram katva phussati dasa vare vari. |9.74| Tato cuta sa phussati khattiye upapajjatha jetuttaramhi nagare sanjayena samagami. |9.75| Yadaham phussatiya kucchim okkanto piyamatuya mama tejena me mata sada danarata ahu. |9.76| Adhane ature jinne yacake addhike ^1- jane samane brahmane khine deti danam akincane. |9.77| Dasa mase dharayitva karonte puram padakkhinam vessanam vithiya majjhe janesi phussati mamam. |9.78| Na mayham mattikam namam napi pettikasambhavam ^2- jatettha ^3- vessavithiyam tasma vessantaro ahu. |9.79| Yadaham darako homi jatiya atthavassiko tada nisajja pasade danam datum vicintayim. |9.80| Hadayam dadeyyam cakkhum mamsampi rudhirampi ca ^4- dadeyyam kayam savetva yadi ko ^5- yacaye mamam. |9.81| Sabhavam cintayantassa akappitamasanthitam ^6- akampi tattha pathavi sineruvanavatamsaka. |9.82| Anvaddhamase pannarase punnamase uposathe paccayam nagamaruyha danam datum upagamim. @Footnote: ¹ Yu. patthike. ² Yu. mettikasambhavam. ³ Yu. jatomhi. ⁴ Yu. ruhirampica. @⁵ Ma. Yu. koci. ⁶ Ma. Yu. akampitaMa.... |9.83| Kalingaratthavisaya brahmana upagacchu mam ayacum mam hatthinagam dhannam mangalasammatam. |9.84| Avutthiko janapado dubbhikkho chatako maha dadahi pavaram nagam sabbasetam gajuttamam. |9.85| Dadami na vikampami yam mam yacanti brahmana santam nappatiguyhami dane me ramati mano. |9.86| Na me yacakamanuppatte patikkhepo anucchavo ma me bhijji samadanam dassami vipulam gajam. |9.87| Nagam gahetva sondaya bhingare ratanamaye jalam hatthe akiritva brahmananam adam gajam. |9.88| Punaparam dadantassa sabbasetam gajuttamam tadapi pathavi kampi sineruvanavatamsaka. |9.89| Tassa nagassa danena sivayo kuddha samagata pabbajesum saka rattha vankam gacchatu pabbatam. |9.90| Tesam nicchubhamananam akampitamasanthitam mahadanam pavattetum ekavaramayaciham ^1-. |9.91| Yacita sivayo sabbe ekam varamadamsu me savayitva kannabherim mahadanam dadamaham. |9.92| Athettha vattati saddo timulo ^2- bheravo maha danenimam ^3- niharanti puna danam dadatayam ^4-. @Footnote: ¹ Ma. ekam varamayacisam. Yu. ...cissam. ² Ma. Yu. tumulo. ³ Yu. danenamam. @⁴ Yu. dadamaham. |9.93| Hatthi ^1- asse rathe datva dasim dasam gavam dhanam mahadanam daditvana nagara nikkhamim tada. |9.94| Nikkhamitvana nagara nivattetva vilokite tadapi pathavi kampi suneruvanavatamsaka. |9.95| Catuvahiratham ^2- datva thatva catumahapathe ekakiko ^3- adutiyo maddim ^4- devidamabravim. |9.96| Tvam maddi kanham ganhahi lahuka esa kanitthaka ^5- aham jalim gahissami garuko bhatiko hi so. |9.97| Padumam pundarikamva maddi kanhajinam ^6- gahi aham suvannabimbam va jalim khattiyamaggahim. ^[7]- |9.98| Abhijata sukhumala khattiya caturo jana visamasamam akkamanta vankam gacchama pabbatam. |9.99| Ye keci manuja enti anumagge patipathe maggante patipucchama kuhim vankatapabbato ^8-. |9.100| Te tattha amhe passitva karunam giramudirayum dukkhante pativedenti dure vankatapabbato. |9.101| Yadi passanti pavane daraka phalite dume tesam phalanam hetumhi uparodanti daraka. |9.102| Rodante darake disva ubbhigga ^9- vipula duma sayamevonamitvana upagacchanti darake. @Footnote: ¹ Ma. hatthim. ² Ma. Yu. catuvahim ratham. ³ Ma. Yu. ekakiyo. ⁴ Ma. Yu. @maddidevim idamabravim. ⁵ Ma. kanitthika. ⁶ Ma. kanhajinaggahi. yu ...jinamagahi. @⁷ Yu. jalam hatthe akiritva brahmananam adam gajam. ⁸ Ma. vankanta.... ito param @idisameva. ⁹ Ma. Yu. ubbidha. |9.103| Idam acchariyam disva abbhutam lomahamsanam sadhukaram pavattesi maddi sabbangasobhana. |9.104| Accheram vata lokasmim abbhutam lomahamsanam vessantarassa tejena sayamevonata ^1- duma. |9.105| Sankhipimsu patham yakkha anukampaya darake nikkhantadivaseneva cetaratthamupagamum. |9.106| Satthi rajasahassani tada vasanti matula ^2- sabbe panjalika hutva rodamana upagamum. |9.107| Tattha vattetva sallapam cetehi cetaputtehi te tato nikkhamitvana vankam agamu ^3- pabbatam. |9.108| Amantayitva devindo vissukammam mahiddhikam assamam sukatam rammam pannasalam sumapaya. |9.109| Sakkassa vacanam sutva vissukammo mahiddhiko assamam sukatam rammam pannasalam sumapayi. |9.110| Ajjhogahetva pavanam appasaddam nirakulam caturo jana mayam tattha vasama pabbatantare. |9.111| Ahanca maddi devi ca jali kanhajina cubho annamannam sokanuda vasama assame tada. |9.112| Darake anurakkhanto asunne homi assame maddi phalam aharati ^4- poseti sa tayo jane. @Footnote: ¹ Ma. Yu. sayamevonata. ² Ma. matule. ³ Yu. agammum. ⁴ Ma. aharitva. |9.113| Pavane vasamanassa atthiko mam upagami ayaci puttake mayham jalim kanhajinam ^1- cubho. |9.114| Yacakam upagatam disva haso me upapajjatha ubho putte gahetvana adasim brahmane tada. |9.115| Sake putte cajantassa jujake ^2- brahmane yada tadapi pathavi kampi sineruvanavatamsaka. |9.116| Punadeva sakko oruyha hutva brahmanasannibho ayaci mam maddim devim silavatim ^3- patibbatam. |9.117| Maddim hatthe gahetvana udakanjali puraya ^4- pasannamanasankappo tassa maddim adasaham. |9.118| Maddiya diyamanaya gagane deva pamodita tadapi pathavi kampi sineruvanavatamsaka. |9.119| Jalim kanhajinam dhitum ^5- maddim devim patibbatam cajamano na cintesim bodhiyayeva karana. |9.120| Na me dessa ubho putta madda devi na dessiya sabbannutam piyam mayham tasma piye adasaham. |9.121| Punaparam braharanne matapitusamagame karunam paridevante sallapante sukham dukkham. |9.122| Hirottappena garunam ^6- ubhinnam upasankami tadapi pathavi kampi sineruvanavatamsaka. @Footnote: ¹ Yu. jalikanhajine. ² Yu. yacake. ³ Ma. silavantim. ⁴ Ma. puriya. @⁵ Ma. Yu. dhitam. ⁶ Ma. Yu. garuna. |9.123| Punaparam braharanna nikkhamitva sanatibhi pavisami puram rammam jetuttarapuruttamam. |9.124| Ratanani satta vassimsu mahamegho pavassatha tadapi pathavi kampi sineruvanavatamsaka. |9.125| Acetanayam pathavi avinnaya sukham dukkham sapi danabala mayham sattakkhattumakampathati. Vessantaracariyam navamam.

The Pali Tipitaka in Roman Character Volume 33 page 559-565. https://84000.org/tipitaka/read/roman_read.php?B=33&A=11506&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=11506&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.3&item=9&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=228 Study Atthakatha :- https://84000.org/tipitaka/attha/attha.php?b=33&i=217 The Pali Atthakatha in Thai :- https://84000.org/tipitaka/atthapali/read_th.php?B=52&A=1989 The Pali Atthakatha in Roman :- https://84000.org/tipitaka/atthapali/read_rm.php?B=52&A=1989 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33