PaliRoman Vol.33

Catuttham bhallatakadayakattherapadanam (444) [34] |34.22| Suvannavannam sambuddham dvattimsavaralakkhanam pavanaggena gacchantam salarajamva phullitam. |34.23| Tinasantharam pannapetva buddhasettham ayacaham anukampatu mam buddho bhikkham icchami datave. |34.24| Anukampako karuniko atthadassi mahayaso mama sankappamannaya oruyha ^1- mama assame. |34.25| Orohitvana sambuddho nisidi pannasanthare bhallatakam gahetvana buddhasetthassadasaham. |34.26| Mama nijjhayamanassa paribhunji tada jino tattha cittam pasadetva abhivandim tada jinam. |34.27| Attharase kappasate yam phalam adadim tada duggatim nabhijanami phaladanassidam phalam. |34.28| Kilesa jhapita mayham bhava sabbe samuhata nagova bandhanam chetva viharami anasavo. |34.29| Svagatam vata me asi mama buddhassa santike tisso vijja anuppatta katam buddhassa sasanam. |34.30| Patisambhida catasso vimokkhapica atthime chalabhinna sacchikata katam buddhassa sasananti. @Footnote: ¹ Ma. Yu. oruhi. Ittham sudam ayasma bhallatakadayako thero ima gathayo abhasitthati. Bhallatakadayakattherassa apadanam samattam.

The Pali Tipitaka in Roman Character Volume 33 page 59-60. https://84000.org/tipitaka/read/roman_read.php?B=33&A=1160&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=1160&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=34&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=34 Study Atthakatha :- https://84000.org/tipitaka/attha/attha.php?b=33&i=34 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33