PaliRoman Vol.33

Chattham mugaphakkhacariyam [26] |26.48| Punaparam yada homi kasirajassa atrajo mugaphakkhoti ^1- namena temiyoti vadanti mam. |26.49| Solasitthisahassanam na vijjati pumo tada ahorattanamaccayena nibbatto ahamekako. |26.50| Kiccha laddham piyam puttam abhijatam jutindharam setacchattam dharayitvana sayane posesi mam pita. |26.51| Niddayamano sayanavare pabujjhitvanaham tada addasam pandaram chattam yenaham nirayam gato. |26.52| Saha ditthissa ^2- me chattam taso uppajji bheravo vinicchayam samapanno kadaham imam muncissam. |26.53| Pubbasalohita mayham devata atthakamini sa mam disvana dukkhitam timsu thanesu yojayi. |26.54| Ma pandiccayam vibhavaya balamato bhava sabbapaninam sabbo tanjano ocinayatu evam tava attho bhavissati. |26.55| Evam vuttayaham tassa idam vacanamabravim karomi te tam vacanam yam mam bhanasi devate. |26.56| Atthakamasi me amma hitakamasi devate tassaham vacanam sutva sagareva thalam labhim. @Footnote: ¹ Ma. Yu. mugapakkhoti. ² Ma. ditthassa. |26.57| Hattho samviggamanaso tayo ange adhitthahim mugo ahosim badhiro phakkho ^1- gativivajjito. |26.58| Ete ange adhitthaya vassani solasam vasim tato me hatthe pade ca jivham sotanca maddiya |26.59| anunatam me passitva kalakanniti nindisum. Tato janapada sabbe senapatipurohita |26.60| sabbe ekamana hutva chaddanam anumodisum. Soham tesam matim sutva hattho samviggamanaso |26.61| yassatthaya tapo cinno so me attho samijjhatha. Nhapetva anulimpetva vethetva rajavethanam |26.62| abhisincitva chattena karesum puram padakkhinam. Sattaham dharayitvana uggate ravimandale |26.63| rathena mam niharitva sarathi vanamupagami. Ekokase ratham katva sajjassam hatthamuncito ^2- |26.64| sarathi khanati kasum nikkhatum pathaviya mamam. Adhitthitamadhitthanam tajjento vividhakarana |26.65| na bhindimva tamadhitthanam bodhiyayeva karana. Mata pita na me dessa atta me na ca dessiyo |26.66| sabbannutam piyam mayham tasma va tamadhitthahim. @Footnote: ¹ Ma. Yu. pakkho. ² Yu. hatthamuncitam. Ete ange adhitthaya vassani solasam vasim adhitthanena ^[1]- samo natthi esa me adhitthanaparamiti mugaphakkhacariyam chattham.

The Pali Tipitaka in Roman Character Volume 33 page 585-587. https://84000.org/tipitaka/read/roman_read.php?B=33&A=12036&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=12036&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.3&item=26&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=245 Study Atthakatha :- https://84000.org/tipitaka/attha/attha.php?b=33&i=234 The Pali Atthakatha in Thai :- https://84000.org/tipitaka/atthapali/read_th.php?B=52&A=5541 The Pali Atthakatha in Roman :- https://84000.org/tipitaka/atthapali/read_rm.php?B=52&A=5541 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33