TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

                        Tatiyam tinasulakachadaniyattherapadanam (413)
     [3] |3.79| Jatijaranca maranam             paccavekkhim aham tada
                           ekako abhinikkhamma          pabbajim anagariyam.
               |3.80| Caramano anupubbena        gangatiram upagamim
                           tatthaddasasim pathavim           gangatire sapunnakam 3-.
               |3.81| Assamam tattha mapetva     vasami mama assame 4-
                           sukkato cankamo mayham       nanadijaganayuto.
@Footnote: 1 Ma. Yu. chattadharanamajjapi vattate. 2 Yu. sagatam. sabbattha idisameva.
@3 Ma. Yu. supunnatam .  4 Ma. Yu. vasami assame aham.
---------------------------------------------------------------------------------------------
page10.
               |3.82| Mamam upenti ca satta 1-  kujjanti ca manoharam
                           rammamano saha tehi        vasami assame aham.
               |3.83| Mama assamasamanta        migaraja catukkamo
                           asaya abhinikkhamma        gajji so asani 2- viya.
               |3.84| Nadite migaraje ca            haso me upapajjatha
                           migarajam gavesanto          addasam lokanayakam.
               |3.85| Disvanaham devadevam         tissam lokagganayakam
                           hattho hatthena cittena     pujayim nagakesaram.
               |3.86| Uggacchantamva suriyam           salarajamva pupphitam
                           osadhiva virocantam             santhavim lokanayakam.
               |3.87| Tava nanena sabbannu    jotesi mam sadevakam
                           tuvam [3]- aradhayitvana   jatiya parimuccare.
               |3.88| Adassanena sabbannu      buddhanam sabbadassinam
                          patantivicinirayam                ragadosehi otthata 4-.
               |3.89| Tava dassanamagamma          sabbannulokanayakam
                           pamuccanti bhava sabbe     phusanti amatampadam.
               |3.90| Yada buddha cakkhumanto    uppajjanti pabhankara
                           kilese jhapayitvana       alokam dassayanti te.
               |3.91| Kittayitvana sambuddham      tissam lokagganayakam
                           hattho hatthena cittena     tinasulam apujayim.
@Footnote: 1 Ma. Yu. mamupenti ca vissattha .  2 Yu. medani .  3 Yu. hi .  4 Ma. Yu. ophuta.
---------------------------------------------------------------------------------------------
page11.
               |3.92| Mama sankappamannaya       tisso lokagganayako
                           sakasane nisiditva          ima gatha abhasatha.
               |3.93| Yo mam pupphehi chadesi       pasanno sehi panibhi
                           tamaham kittayissami           sunatha mama bhasato.
               |3.94| Pancavisatikkhattunca 1-    devarajjam karissati
                           pancasattatikkhattunca      cakkavatti bhavissati.
              |3.95| Padesarajjam vipulam                gananato asankhayam
                          tassa 2- kammassa nissando  pupphanam pujanaya so 3-.
               |3.96| Sayam 4- pato ca yam poso  pupphehi 5- mam achadayi
                          punnakammena samyutto 6-  purato patubhavissati.
               |3.97| Yam yam icchati kamehi           tam tam patubhavissati
                           sankappam paripuretva         nibbayissatinasavo.
               |3.98| Kilese jhapayitvana         sampajano patissato
                           ekasane nisiditva         arahattam apapuni 7-.
               |3.99| Cankamanto nipajjanto       nisinno athava thito
                           buddhasettham saritvana        viharami  aham tada.
             |3.100| Civare pindapate ca         paccaye sayanasane
                           tattha me unata natthi       buddhapujayidam phalam.
             |3.101| So dani patto amatam       santam padamanuttaram
                           sabbasave parinnaya     viharami anasavo.
@Footnote: 1 Ma. Yu. pancavisatikkhattum so .   2 Ma. tassa kammanissandena. 3 Ma. ... ca.
@4 Ma. Yu. sisam nhato ca yam poso .  5 Ma. pupphamakankhate yadi. Yu. ... cayam.
@6 Ma. -- samyuttam. 7 Ma. Yu. apapunim.
---------------------------------------------------------------------------------------------
page12.
         |3.102| Dvenavute ito kappe            yam buddhamabhipujayim
                       duggatim nabhijanami             buddhapujayidam phalam.
         |3.103| Kilesa jhapita mayham          bhava sabbe samuhata
                       nagova bandhanam chetva          viharami anasavo.
         |3.104| Svagatam vata me asi             mama buddhassa santike
                       tisso vijja anuppatta       katam buddhassa sasanam.
         |3.105| Patisambhida catasso              vimokkhapica atthime
                       chalabhinna sacchikata           katam buddhassa sasananti.
Ittham sudam ayasma tinasulakachadaniyo thero ima gathayo abhasitthati.
                         Tinasulakachadaniyattherassa apadanam samattam.


             The Pali Tipitaka in Roman Character Volume 33 page 9-12.
https://84000.org/tipitaka/read/roman_read.php?B=33&A=186&modeTY=2&pagebreak=1
             Compare with The Pali Tipitaka in Thai Character :-
https://84000.org/tipitaka/read/pali_read.php?B=33&A=186&modeTY=2&pagebreak=1
             Compare with The Royal Version of Thai Tipitaka :-
https://84000.org/tipitaka/read/byitem.php?book=33.1&item=3&items=1
             Compare with The MCU Version of Thai Tipitaka :-
https://84000.org/tipitaka/pitaka_item/m_siri.php?B=33&siri=3
             Study Atthakatha :-
https://84000.org/tipitaka/attha/attha.php?b=33&i=3
             Contents of The Tipitaka Volume 33
https://84000.org/tipitaka/read/?index_33
https://84000.org/tipitaka/english/?index_33