TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

                        Catuttham nanatthavikattherapadanam (484)
     [74] |74.46| Dakkhine himavantassa    sukato assamo mama
                       uttamattham gavesanto        vasami pavane tada.
         |74.47| Labhalabhena santuttho    mulena ca phalena ca
                       anomasanto 1- acari 2-  vasami ekako aham.
         |74.48| Sumedho nama sambuddho     loke uppajji tavade
                       catusaccam pakaseti            uddharanto mahajanam.
         |74.49| Naham sunomi sambuddham      napi me koci sasati
                       atthavasse atikkante      assosim lokanayakam.
         |74.50| Aggim darum niharitva         sammajjitvana assamam
                       kharibharam gahetvana          nikkhamim pavana aham.
@Footnote: 1 Ma. anvesanto acariyam. 2 Yu. cariyam.
         |74.51| Ekarattim vasantoham           gamesu nigamesu ca
                       anupubbena candavatim 1-   tadaham upasankamim.
         |74.52| Bhagava tamhi samaye           sumedho lokanayako
                       uddharanto bahu satte       deseti amatampadam.
         |74.53| Janakayamatikkamma           vanditva jinasagatam 2-
                       ekamsam ajinam katva           santhavim lokanayakam.
         |74.54| Tuvam sattha ca ketuva 3-      dhajo yupova 3- paninam
                       parayano patittha ca         dipo ca dipaduttamo.
                                    Ekavisatimam bhanavaram.
         |74.55| Nepunno dassane dhiro     taresi janatam tuvam
                       natthanno tarako loke   tavuttarittaro mune.
         |74.56| Sakka bhave 4- kusaggena   pametum sagaruttamo 5-
                       na tveva tava sabbannu      nanam sakka pametave.
         |74.57| Tuladande thapetvana       mahi 6- sakka dharetave
                       na tveva tava pannaya       samanam 7- atthi cakkhuma.
         |74.58| Akaso minitum sakka       rajjuya angulena ca 8-
                       na tveva tava sabbannu     silam sakka pametave.
         |74.59| Mahasamudde udakam           akaso ca vasundharo 9-
                       parimeyyani etani         appameyyosi cakkhuma.
@Footnote: 1 Po. dhavanto. 2 Ma. jinasagaram. Yu. jinasasanam. 3 Ma. Yu. ca.
@4 Ma. theve. Yu. have. 5 Ma. sagaruttame. 6 Ma. mahim. 7 Ma. Yu.
@pamanam. 8 Ma. va. Yu. pi. 9 Ma. Yu. vasundhara.
         |74.60| Chahi gathahi sabbannum     kittayitva mahayasam
                       anjalim paggahetvana      tunhi atthasaham tada.
         |74.61| Yam vadanti sumedhoti           bhumipannam 1- sumedhasam.
                       Bhikkhusanghe nisiditva        ima gatha abhasatha
         |74.62| yo me nanam pakittesi     vippasasannena 2- cetasa.
                       Tamaham kittayissami          sunatha mama bhasato
         |74.63| sattasattati kappani        devaloke ramissati.
                       Sahassakkhattum devindo      devarajjam karissati
         |74.64| anekasatakkhattunca          cakkavatti bhavissati.
                       Padesarajjam vipulam               gananato asankhayam
         |74.65| devabhuto manusso va        punnakammasamahito.
                       Anunamanasankappo 3-       tikkhapanno bhavissati
         |74.66| timsakappasahassamhi           okkakakulasambhavo.
                       Gotamo nama namena        sattha loke bhavissati
         |74.67| agara abhinikkhamma         pabbajissatikincano.
                       Jatiya sattavassena        arahattam papunissati 4-
         |74.68| yato sarami attanam         yato pattosmi sasanam.
                       Etthantare na janami      cetanam amanoramam
         |74.69| samsaritva bhavabhave 5-      sampattanubhavim aham.
@Footnote: 1 Ma. Yu. bhuripannam. 2 Po. Ma. pasanno sehi panibhi. 3 Yu. anunamatasankappo.
@4 Ma. Yu. phusissati. 5 Ma. Yu. bhave sabbe.
                       Bhoge me unata natthi       phalam nanassa thomane
         |74.70| tidhaggi 1- nibbuta mayham  bhava sabbe samuhata.
                       Sabbasavaparikkhino          natthi dani punabbhavo
         |74.71| timsakappasahassamhi           yam nanamabhithomaham 2-
                       duggatim nabhijanami         phalam nanassa thomane.
         |74.72| Kilesa jhapita mayham      bhava sabbe samuhata
                       nagova bandhanam chetva      viharami anasavo.
         |74.73| Svagatam vata me asi         mama buddhassa santike
                       tisso vijja anuppatta  katam buddhassa sasanam.
         |74.74| Patisambhida catasso         vimokkhapica atthime
                       chalabhinna sacchikata       katam buddhassa sasananti.
   Ittham sudam ayasma nanatthaviko thero ima gathayo abhasitthati.
                            Nanatthavikattherassa apadanam samattam.


             The Pali Tipitaka in Roman Character Volume 33 page 104-107.
https://84000.org/tipitaka/read/roman_read.php?B=33&A=2037&modeTY=2
             Compare with The Pali Tipitaka in Thai Character :-
https://84000.org/tipitaka/read/pali_read.php?B=33&A=2037&modeTY=2
             Compare with The Royal Version of Thai Tipitaka :-
https://84000.org/tipitaka/read/byitem.php?book=33.1&item=74&items=1
             Compare with The MCU Version of Thai Tipitaka :-
https://84000.org/tipitaka/pitaka_item/m_siri.php?B=33&siri=74
             Study Atthakatha :-
https://84000.org/tipitaka/attha/attha.php?b=33&i=74
             The Pali Atthakatha in Thai :-
https://84000.org/tipitaka/atthapali/read_th.php?B=50&A=5556
             The Pali Atthakatha in Roman :-
https://84000.org/tipitaka/atthapali/read_rm.php?B=50&A=5556
             Contents of The Tipitaka Volume 33
https://84000.org/tipitaka/read/?index_33
https://84000.org/tipitaka/english/?index_33