PaliRoman Vol.33

Navamam dhammarucittherapadanam ^1- (489) [79] |79.165| Yada dipankaro buddho sumedham byakari jino aparimeyye ito kappe ayam buddho bhavissati. |79.166| Imassa janika mata maya nama bhavissati pita suddhodano nama ayam hessati gotamo. |79.167| Padhanam padahitvana katva dukkarakarikam assatthamule sambuddho bujjhissati mahayaso. |79.168| Upatisso kolito ca agga hessanti savaka anando namupatthako ^2- upatthissatimam jinam. @Footnote: ¹ Ma. dhammaruciyatthera.... ² Ma. Yu. nama namena. |79.169| Khema uppalavanna ca agga hessanti savika citto alavako ceva agga hessantupasaka. |79.170| Khujjuttara nandamata agga hessantupasika bodhi imassa dhirassa assatthoti pavuccati. |79.171| Idam sutvana vacanam asamassa mahesino amodita naramaru namassanti katanjali. |79.172| Tadaham manavo asim megho nama susikkhito sutva byakaranam settham sumedhassa mahamuni. |79.173| Samvissattho bhavitvana sumedhe karunalaye ^1- pabbajantanca tam viram saha ^2- ca anupabbajim. |79.174| Samvuto patimokkhasmim indriyesu ca pancasu suddhajivo sato dhiro jinasasanakarako. |79.175| Evam viharamanoham papamittena kenaci niyojito anacare sumagga paridhamsito. |79.176| Vitakkavasiko hutva sasanato apakkamim paccha tena kumittena payutto matughatanam. |79.177| Akarimnantariyanca ^3- ghatayim dutthamanaso tato cuto mahavicim upapanno sudarunam. |79.178| Vinipatam gato santo samsarim dukkhito ciram na puno addasam dhiram sumedham narapungavam. @Footnote: ¹ Ma. Yu. karunasaye. ² Ma. sahava. Yu. saheva. ³ Ma. akarim anantariyam. @Yu. akarimanantariyanca. |79.179| Asmim kappe samuddasmim maccho asim timingalo disvaham sagare navam gocaratthamupagamim. |79.180| Disva mam vanija bhita buddhasettham anussarum gotamoti mahaghosam sutva tehi udiritam. |79.181| Pubbasannam saritvana tato kalam kato aham savatthiyam kule iddhe ^1- jato brahmanajatiyam. |79.182| Asim dhammaruci nama sabbapapajigucchako disvaham lokapajjotam jatiya sattavassiko. |79.183| Mahajetavanam gantva pabbajim anagariyam upemi buddham tikkhattum rattiya divasassa ca. |79.184| Tada ^2- disva muni aha sara ^3- dhammaruciti mam tatoham avacam buddham pubbakammam vibhavitam ^4-. |79.185| Suciram satapunnalakkhanam patipubbe na visuddhipaccaya ^5- ahamajja supekkhanam vata tava passami nirupamam viggaham. |79.186| Suciram vihitam ^6- nu te maya sucirakkhena niravisosita ^7- suciram amalam visodhitam nayanam nanamayam mahamune. @Footnote: ¹ Yu. ucce. ² Yu. disva. ³ Ma. Yu. ciram. ⁴ Ma. Yu. pabhavitam. 5 @visuddhipaccayam. ⁶ Ma. Yu. vihatattamo maya. ⁷ Ma. Yu. nadivisosita. |79.187| Cirakalasamangito ^1- taya avinattho punantaram ciram punarajja samagato taya nahi nassanti katani gotama. |79.188| Kilesa jhapita mayham bhava sabbe samuhata nagova bandhanam chetva viharami anasavo. |79.189| Svagatam vata me asi mama buddhassa santike tisso vijja anuppatta katam buddhassa sasanam. |79.190| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma dhammaruci thero ima gathayo abhasitthati. Dhammarucittherassa apadanam samattam.

The Pali Tipitaka in Roman Character Volume 33 page 117-120. https://84000.org/tipitaka/read/roman_read.php?B=33&A=2312&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=2312&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=79&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=79 Study Atthakatha :- https://84000.org/tipitaka/attha/attha.php?b=33&i=79 The Pali Atthakatha in Thai :- https://84000.org/tipitaka/atthapali/read_th.php?B=50&A=5562 The Pali Atthakatha in Roman :- https://84000.org/tipitaka/atthapali/read_rm.php?B=50&A=5562 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33