PaliRoman Vol.33

Chattham ekadipiyattherapadanam (416) [6] |6.124| Parinibbutamhi sugate siddhatthe lokanayake sadevamanusa sabbe pujenti dipaduttamam. |6.125| Aropite ca citake siddhatthe lokanayake yathasakena thamena citam pujenti satthuno. |6.126| Avidure citakassa dipam ujjalayim aham yava udeti suriyo dipam me tava pajjali. |6.127| Tena kammena sukatena cetanapanidhihi ca jahitva manusam deham tavatimsam aganchaham. |6.128| Tattha me sukatam byamham ekadipanti nayati dipasatasahassani byamhe pajjalare mama. |6.129| Udayantova suriyo deho me jalate ^1- sada sappabhahi sarirassa aloko hoti me sada. |6.130| Tirokuddam tiroselam samatiggayha pabbatam samanta yojanasatam passami cakkhuna aham. |6.131| Sattasattatikkhattum ca devaloke ramim aham ekatimsatikkhattum ca devarajjam akarayim. |6.132| Atthavisatikkhattum ca cakkavatti ahosaham padesarajjam vipulam gananato asankhayam. |6.133| Devaloka cavitvana nibbatti matukucchiyam matukucchigatassapi akkhi me na ^2- vinassati. |6.134| Jatiya catuvassoham pabbajim anagariyam addhamase asampatte arahattam apapunim. @Footnote: ¹ Ma. jotate. Yu. rajate. ² Ma. Yu. na nimilati. |6.135| Dibbacakkhum visodhesim bhava sabbe samuhata sabbe kilesa sanchinna ekadipassidam phalam. |6.136| Tirokuddam tiroselam pabbatancapi kevalam samatikkamma passami ekadipassidam phalam. |6.137| Visama me sama honti andhakaro na vijjati naham passami timiram ekadipassidam phalam. |6.138| Catunavute ito kappe yam dipamadadim tada duggatim nabhijanami ekadipassidam phalam. |6.139| Kilesa jhapita mayham bhava sabbe samuhata nagova bandhanam chetva viharami anasavo. |6.140| Svagatam vata me asi mama buddhassa santike tisso vijja anuppatta katam buddhassa sasanam. |6.141| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma ekadipiyo thero ima gathayo abhasitthati. Ekadipiyattherassa apadanam samattam.

The Pali Tipitaka in Roman Character Volume 33 page 14-16. https://84000.org/tipitaka/read/roman_read.php?B=33&A=294&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=294&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=6&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=6 Study Atthakatha :- https://84000.org/tipitaka/attha/attha.php?b=33&i=6 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33