|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Dasamam sugandhattherapadanam (530) [120] |120.81| Imamhi bhaddake kappe brahmabandhu mahayaso kassapo nama namena 1- uppajji vadatam varo. |120.82| Anubyanjanasampanno dvattimsavaralakkhano byamappabhaparivuto ramsijalasamutthato. |120.83| Assaseta yatha cando suriyo viya pabhankaro nibbapeta yatha megho sagarova gunakaro. |120.84| Dharaniriva silena himavava samadhina akaso viya pannaya asango anilo yatha. |120.85| Anuno 2- yathaviharo parisasu visarado saccani sampakaseti uddharanto mahajanam. |120.86| Tadaham 3- baranasiyam setthiputto mahayaso asabham 4- dhanadhannassa pahutassa bahu mamam 5-. |120.87| Janghaviharam vicaram migadayam upeccaham addasam nathasattharam 6- desentam amatam padam. @Footnote: 1 Ma. gottena. 2 Ma. Yu. sakadaci mahaviro. 3 Ma. Yu. tada hi. 4 Ma. Yu. @asaham .... 5 Ma. Yu. tada. 6 Ma. ... virajam buddham. Yu. ... tadisam buddham.--------------------------------------------------------------------------------------------- page174.
|120.88| Visatthakantavacanam karavikasamassaram hamsadundubhinigghosam 1- vinnapentam mahajanam. |120.89| Disva devatidevantam sutva ca madhuram saram 2- pahayanappake bhoge pabbajim anagariyam. |120.90| Evam pabbajitovaham na cirena bahussuto ahosim dhammakathiko vicittapatibhanava. |120.91| Mahaparisamajjheham satthunova 3- punappunam vannayim hemavannassa vannam vannavisarado. |120.92| Esa khinasavo buddho anigho chinnasamsayo sabbakammakkhayam patto vimutto 4- upadhikkhaye esa so bhagava buddho esa siho anuttaro. |120.93| Sadevakassa lokassa brahmacakkam pavattako danto dameta santo ca sameta nibbuto isi nibbapeta ca assattho assaseta mahajanam. |120.94| Viro suro ca vikkanto 5- panno karuniko vasi vijitavi vijito 6- ca appagabbho analayo. |120.95| Anenjo acalo dhiro amoho asamo muni dhorayho usabho nago siho sakko garusupi. |120.96| Virago vimalo brahma vadisuro rananjaho akhilo ca visallo ca asamo vusabho suci. @Footnote: 1 Ma. hamsarutehi nigghosam. 2 Ma. Yu. giram. 3 Ma. Yu. hatthacitto. 4 Ma. @vimuttopadhisankhaye. 5 Po. Yu. ... dhiro ca. 6 Ma. Yu. ... ca sa jino.--------------------------------------------------------------------------------------------- page175.
|120.97| Brahmano samano natho bhisakko sallasandhuto 1- yodho buddho sutasuto acalo mudito sito. |120.98| Katadanta 2- vahatta ca katta neta pakasita sampahamsita setta 3- ca chetta sota pasamsita. |120.99| Avilo 4- ca visallo ca anigho akathamkathi anejo virajo khatta gandha vatta 5- pakasita. |120.100| Tareta atthakareta 6- kareta sampadarita papeta sahita hanta 7- tapita 8- ca visosita. |120.101| Saccatthitosamasamo 9- asahayo dayalayo accheramanto 10- akuho katavi isi sattamo. |120.102| Nitinnakankho nimmano appameyyo anupamo sabbavakyapathatito sabbaneyyantito 11- jino. |120.103| Sataramsivare 12- tasmim pasado amatavaho tasma buddhe ca dhamme ca sanghe saddha mahatthika. |120.104| Gunehi evamadihi tilokasaranuttamam vannento parisamajjhe kathim dhammakatham aham. |120.105| Tato cutoham tusite anubhotva mahasukham tato cuto manussesu jato homi sugandhiko. |120.106| Nissaso mukhagandho ca dehagandho tatheva me so 13- ca gandhova satatam sabbagandhova hoti me. @Footnote: 1 Ma. Yu. sallakattako. 2 Ma. dhata dhata ca santi ca. Yu. tata tanta ca hanta ca. @3 Ma. bhetta. Yu. bhotta. 4 Ma. Yu. akhilo. 5 Yu. metta. @6 Po. Yu. ... atha tareta. 7 Ma. kanta. 8 Ma. Yu. hanta atapi tapaso. @9 Ma. Yu. samacitto. 10 Ma. accherasatto. Yu. accherasanto. @11 Ma. saccaneyyantagu. Yu. saccaneyyantago. 12 Ma. Yu. sattasaravare. @13 Ma. Yu. sedagandho.--------------------------------------------------------------------------------------------- page176.
|120.107| Mukhagandho sada mayham padumuppalacampako atikanto 1- sada vati sariro ca tatheva me. |120.108| Gunatthavassa sabbantam phalantam paramabbhutam ekaggamanasa sabbe bhasitassa 2- sunatha me. |120.109| Gunam buddhassa vatvana hitayanam 3- sukhavaham sucitto 4- homi sabbattha sangho virasamasuto 5-. |120.110| Yasassi sukhito kanto jutima piyadassano vatta aparibhuto ca niddoso pannava tatha. |120.111| Khine pasusi 6- nibbanam sulabham buddhabhattinam 7- tesam hetum pavakkhami tam sunatha yathatatham. |120.112| Santam yasam bhagavato vicina 8- abhivadayam yattha 9- yatthupapannopi yasassi tena homaham. |120.113| Dukkhassantakaram buddham dhammam santam asankhatam vannayam sukhado asim sattanam sukhito tato. |120.114| Gunam vadanto buddhassa buddhapitisamayuto sakanti 10- parakanti ca asim tena ca kantima. |120.115| Jino yo 11- titthikatinno abhibhuyya kutitthiye gunam vadanto thomesim 12- nayakam jutima tato. |120.116| Piyankarim janassapi sambuddhassa gunam vadam saradiva sasankoham tenasim piyadassano. @Footnote: 1 Ma. parisanto .... Yu. atisanto. 2 Ma. Yu. vannayissam. 3 Ma. hitaya ca na @sadisam. Yu. ... janasandhisu. 4 Ma. Yu. sukhito. 5 Ma. virasamayuto. Yu. rasaddho @visamayuto. 6 Ma. ayusi. Yu. khinevayupi. 7 Ma. Yu. buddhabhattino. 8 Ma. Yu. @vidhina. 9 Ma. tattha tatthupapannopi. 10 Ma. Yu. sakantim parakantinca janayim .... @11 Ma. ... te titthikakinne. Yu. janoghe titthikakinne. 12 Ma. Yu. jotesim.--------------------------------------------------------------------------------------------- page177.
|120.117| Yathasattivasenaham sabbavacahi santhavim sugatam tena vangiso vicittapatibhanava. |120.118| Ye bala vimatim patta paribhonti mahamunim niggahim te sadhammena paribhutena tenaham. |120.119| Buddhavannehi sattanam kilese apanesaham nikkilesamano homi tassa kammassa vahasa. |120.120| Sotunam buddhimajanim buddhanussatidesako tenapicasim 1- sappanno nipunatthavipassako. |120.121| Sabbasavaparikkhino tinnasamsarasagaro vasi 2- ca anupadano papunissami nibbutim. |120.122| Imasmimyeva kappasmim yamaham santhavim jinam duggatim nabhijanami buddhapujayidam phalam. |120.123| Kilesa jhapita mayham bhava sabbe samuhata nagova bandhanam chetva viharami anasavo. |120.124| Svagatam vata me asi mama buddhassa santike tisso vijja anuppatta katam buddhassa sasanam. |120.125| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma sugandho thero ima gathayo abhasitthati. Sugandhattherassa apadanam samattam. @Footnote: 1 Ma. Yu. tenahamasim. 2 Ma. Yu. sikhiva.--------------------------------------------------------------------------------------------- page178.
Uddanam tinado veccado ceva saranabbhanjanampado supato dandadayi ca nelapuji tatheva ca. Bodhisammajjakomando sugandho dasamo dijo gathasatam satevisam ganitam cettha sabbaso. Tinadayakavaggo tepannaso. ---------------------The Pali Tipitaka in Roman Character Volume 33 page 173-178. https://84000.org/tipitaka/read/roman_read.php?B=33&A=3400&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=3400&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=120&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=120 Study Atthakatha :- https://84000.org/tipitaka/attha/attha.php?b=33&i=120 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]