PaliRoman Vol.33

Dutiyam vakkalittherapadanam (532) [122] |122.28| Ito satasahassamhi kappe uppajji nayako anomanamo amito namena padumuttaro. |122.29| Padumakaravadano padumamalasucchavi lokenanupalitto ca toyena padumam yatha. |122.30| Dhiro padumapattakkho kanto ca padumam yatha padumuttaragandho ca tasma so padumuttaro. |122.31| Lokajettho ca nimmano andhanam nayanupamo santaveso gunanidhi karunamatisagaro. |122.32| Sa kadapi mahaviro brahmasurasuraacchito ^1- sadevamanujakinne ^2- janamajjhe januttamo ^3-. |122.33| Vadanena sugandhena madhurena sutena ^4- ca ranjayam parisam sabbam santhavi savakam sakam. |122.34| Saddhadhimutto sumati mama dassanasalayo natthi etadiso anno yathayam bhikkhu vakkali. |122.35| Tadaham hamsavatiya nagare brahmanassatrajo hutva sutva ca tam vakyam tanthanam abhirocayim. |122.36| Sasavakantam vimalam nimantetva tathagatam sattaham bhojayitvana dussehi chadayim tada. @Footnote: ¹ Ma. brahmasurasuraccito. Yu. brahmamarasuraccito. ² Yu. sadevamanujakinno. @³ Ma. jinuttamo. ⁴ Po. rudena. Ma. Yu. rutena. |122.37| Nipacca sirasa tassa anantagunasagare nimuggo pitisampunno imam vacanamabravim. |122.38| Yo so taya santhavito idha ^1- saddhadhimutto isi bhikkhu saddhavatam aggo tadisoham ^2- mahamuni. |122.39| Evam vutte mahaviro anavaranadassano imam vakyam udirayi ^3- parisaya mahamuni. |122.40| Passathetam manavakam pitamatthanivasanam hemayannopacitangam jananettamanoharam. |122.41| Eso anagataddhane gotamassa mahesino aggo saddhadhimuttanam savakoyam bhavissati. |122.42| Devabhuto manusso va sabbasantapavajjito sabbabhogaparibyulho sukhito samsarissati. |122.43| Satasahasse ito kappe okkakakulasambhavo gotamo nama namena sattha loke bhavissati. |122.44| Tassa dhammesu dayado oraso dhammanimmito vakkali nama namena hessati satthusavako. |122.45| Tena kammavisesena cetanapanidhihi ca jahitva manusam deham tavatimsam aganchaham. |122.46| Sabbattha sukhito hutva samsaranto bhavabhave savatthiyam pure jato kule annatare aham. @Footnote: ¹ Ma. ito sattamake muni. Yu. ...sattamakehani. ² Ma. Yu. tadiso homaham mune. @³ Ma. Yu. udiresi. |122.47| Nonitam sukhumalam mam thitam ^1- pallavakomalam mata ^2- uttanasayanam pisacabhayatajjita. |122.48| Padamule mahesissa sayapesi ^3- dinamanasa imam dadami te natha saranam hohi nayaka. |122.49| Tada patiggahi so mam bhitanam sarano muni jalina cakkankitena ^4- mudukomalapanina. |122.50| Tada pabhuti jatoham ^5- arakkheyyena rakkhito sabbabyadhivinimutto ^6- sukhena parivutthito ^7-. |122.51| Sugatena vinabhuto ukkanthami muhuttakam jatiya sattavassoham pabbajim anagariyam. |122.52| Sabbaparamisambhutam nilakkhinayanam varam ^8- rupam sabbam subhakinnam atitto viharamaham ^9-. |122.53| Buddharuparatim natva tada ovadi mam jino alam vakkali kim rupe ramase balanandite. |122.54| Yo hi passati saddhammam so mam passati pandito apassamano saddhammam mam passampi na passati. |122.55| Anantadinavo kayo visarukkhasamupamo avaso sabbaroganam punjo dukkhassa kevalo. |122.56| Nibbindiya tato rupe khandhanam udayabbayam passam ^10- sabbakilesanam sukhenantam gamissasi. @Footnote: ¹ Ma. Yu. jatapallavakomalam. ² Ma. Yu. mandam. ³ Ma. sayesum. Yu. sayeyyum. @⁴ Yu. sankhalankena. ⁵ Ma. Yu. tenaham. ⁶ Ma. sabbaveravinimutto. Yu. @sabbupadhivinimutto. ⁷ Ma. parivuddhito. Yu. parivaddhito. ⁸ Yu. param. ⁹ Yu. @bihayamaham. ¹⁰ Ma. passa upakkilesanam. |122.57| Evam tenanusitthoham nayakena hitesina gijjhakutam samaruyha jhayami girikandare ^1-. |122.58| Thito pabbatapadamhi assasayam ^2- mahamuni vakkaliti jinavoca ^3- tam sutva mudito aham. |122.59| Pakkhandim selapabbhare anekasataporise tada buddhanubhavena sukheneva mahim gato. |122.60| Punapi dhammam deseti khandhanam udayabbayam tamaham dhammamannaya arahattam apapunim. |122.61| Sumahapurisamajjhe tada mam caranantako ^4- aggam saddhadhimuttanam pannapeti mahamati. |122.62| Satasahasse ito kappe yam kammamakarim tada duggatim nabhijanami buddhapujayidam phalam. |122.63| Kilesa jhapita mayham bhava sabbe samuhata nagova bandhanam chetva viharami anasavo. |122.64| Svagatam vata me asi mama buddhassa santike tisso vijja anuppatta katam buddhassa sasanam. |122.65| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma vakkali thero ima gathayo abhasitthati. Vakkalittherassa apadanam samattam. @Footnote: ¹ Yu. giriniddare. ² Ma. assasayi. Po. mamahasam. Yu. mamahasa. ³ Ma. @Yu. jinovacam. ⁴ Ma. caranantago. Yu. maranantago.

The Pali Tipitaka in Roman Character Volume 33 page 182-185. https://84000.org/tipitaka/read/roman_read.php?B=33&A=3583&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=3583&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=122&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=122 Study Atthakatha :- https://84000.org/tipitaka/attha/attha.php?b=33&i=122 The Pali Atthakatha in Thai :- https://84000.org/tipitaka/atthapali/read_th.php?B=50&A=5642 The Pali Atthakatha in Roman :- https://84000.org/tipitaka/atthapali/read_rm.php?B=50&A=5642 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33