PaliRoman Vol.33

Atthamam uruvelakassapattherapadanam (538) [128] |128.251| Padumuttaro nama jino sabbalokavidu muni ito satasahasassamhi kappe uppajji cakkhuma. |128.252| Ovadako vinnapako tarako sabbapaninam desanakusalo buddho taresi janatam bahum. |128.253| Anukampako karuniko hitesi sabbapaninam sampatte titthiye sabbe pancasile patitthahi. |128.254| Evam nirakulam asi sunnatam titthiyehi ca vicittam arahantehi vasibhutehi tadibhi. |128.255| Ratananatthapannasam uggato so mahamuni kancanagghiyasankaso battimsavaralakkhano . |128.256| Vassasatasahassani ayu vijjati tavade tavata titthamano so taresi janatam bahum. |128.257| Tadaham hamsavatiya brahmano sadhusammato upecca lokapajjotam assosim dhammadesanam. |128.258| Tada mahaparisati mahapurisasavakam thapentam etadaggamhi sutvana mudito aham. |128.259| Mahata parivarena nimantetva mahajinam brahmananam sahassena saha danamadasaham. |128.260| Mahadanam daditvana abhivadiya nayakam ekamantam thito hattho idam vacanamabravim. |128.261| Tayi saddhaya me vira adhikaragunena ca parisa mahati hotu nibbattassa tahim tahim. |128.262| Tada avoca parisam gajagajjitasussaro karavikarudo ^1- sattha etam passatha brahmanam. |128.263| Hemavannam mahabahum kamalananalocanam uddhaggatanujam hattham saddhavantam gune mama. |128.264| Esa patthayi ^2- tam thanam sihasarassa ^3- bhikkhuno anagatamhi addhane lacchasetam manoratham. |128.265| Satasahasse ito kappe okkakakulasambhavo gotamo nama namena sattha loke bhavissati. |128.266| Tassa dhammesu dayado oraso dhammanimmito kassapo nama namena hessati satthusavako. |128.267| Ito dvenavute kappe ahu sattha anuttaro anupamo asadiso phusso lokagganayako. @Footnote: ¹ Ma. karavikaruto. ² Ma. patthayate. ito param idisameva. ³ Ma. Yu. sihaghosassa. |128.268| So ve ^1- sabbatamam hantva vijatetva mahajatam vassate amatam vutthim tappayanto sadevakam. |128.269| Tada mayam ^2- baranasiyam rajamacca ^3- ahumhase bhataromha tayo sabbe samvissatthava rajino. |128.270| Virangarupa balino sangame aparajita tada kupitapaccanto amhe aha mahipati. |128.271| Etha gantvana paccantam sadhetva avanibalam ^4- khemam me vijitam katva punarethati sasatha ^5-. |128.272| Tato mayam avocumha yadi deyyasi nayakam upatthanaya amhakam sadhayissama te ^6- tato. |128.273| Tato mayam laddhavara bhumipalena pesita nikkhittasattham paccantam katva punarupecca ^7- tam. |128.274| Yacitva satthupatthanam rajanam lokanayakam munivaram ^8- labhitvana yavajivam yajimha ^9- tam. |128.275| Mahagghani ca vatthani panitani rasani ca senasanani rammani bhesajjani hitani ca. |128.276| Datva sasanghamunino dhammenuppaditani no silavanto karunika bhavanayuttamanasa. |128.277| Sada paricaritvana mettacittena nayakam nibbute tamhi lokagge pujam katva yathabalam. @Footnote: ¹ Ma. ca. ² Ma. Yu. hi. ³ Ma. rajapacca. ⁴ Po. avadhibalam. @Ma. atavibalam. Yu. sodhetva avidhibalam. ⁵ Ma. Yu. bhasatha. ⁶ Ma. vo. Yu. @sodhayissama. ⁷ Ma. punarupacca. ⁸ Po. Ma. muniviram. ⁹ Po. ajimha. Yu. adimha. |128.278| Tato cuta tavatimsam ^1- gata tattha mahasukham anubhuta mayam sabbe buddhapujayidam phalam. |128.279| Malakaro ^2- yathaladdho dasseti vikatim bahum tatha bhave bhavantoham videhadhipati ahu. |128.280| Gunacelassa vakyena micchaditthihatasayo ^3- narakamaggamarulho rucaya mama dhituya. |128.281| Ovadam nadayitvana brahmuna naradenaham bahudha sasito ^4- santo ditthim hitvana papikam. |128.282| Purayitva visesena dasakammapathe aham hitvana dehamagamim saggam sabhavanam yatha. |128.283| Pacchime bhavasampatte brahmabandhu ahosaham baranasiyam phitaya jato vippakule ^5- aham. |128.284| Maccubyadhijarabhito ogahetva mahavanam nibbanam padamesanto jatilesu paribbajim. |128.285| Tada dve bhataro mayham pabbajimsu maya saha uruvelaya mapetva assamam nivasim aham. |128.286| Kassapo nama gottena uruvelaya ^6- nivasim tato me asi pannatti uruvelasu ^7- kassapo. |128.287| Nadisakase bhata me nadikassapasavhayo asippakaso namena gayayam gayakassapo. @Footnote: ¹ Ma. Yu. santusitam. ² Ma. Yu. mayakaro yatha range. ³ Ma. micchaditthigatasayo. @⁴ Po. bahum va sasite sante. Ma. ...samsito. Yu. bahum va. ⁵ Ma. Yu. ... @vippamahakule. ⁶ Ma. uruvelanivasiko. Yu. uruvelanivasita. ⁷ Ma. @uruvelakassapoiti. |128.288| Dve satani kanitthassa ^1- tini majjhassa bhatuno mama pancasatanuna sissa sabbe mamanuga. |128.289| Tada upecca mam buddho katvana ^2- vividhani me patihirani lokaggo vinesi narasarathi. |128.290| Sahassaparivarena ahosim ehibhikkhuko teheva saha sabbehi arahattam apapunim. |128.291| Te ca ^3- anneva bahavo yasasa ^4- mam parivarayum sasitunca samatthoham tato mam isi sattamo. |128.292| Mahaparisabhavasmim etadagge thapesi mam aho buddhe katam karam saphalam me ajayatha. |128.293| Kilesa jhapita mayham bhava sabbe samuhata nagova bandhanam chetva viharami anasavo. |128.294| Svagatam vata me asi mama buddhassa santike tisso vijja anuppatta katam buddhassa sasanam. |128.295| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma uruvelakassapo thero ima gathayo abhasitthati. Uruvelakassapattherassa apadanam samattam. @Footnote: ¹ Yu. nadikassa. ² Yu. katva nanavidhani. ³ Ma. te cevanne ca bahavo. @⁴ Ma. Yu. sissa.

The Pali Tipitaka in Roman Character Volume 33 page 206-210. https://84000.org/tipitaka/read/roman_read.php?B=33&A=4105&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=4105&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=128&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=128 Study Atthakatha :- https://84000.org/tipitaka/attha/attha.php?b=33&i=128 The Pali Atthakatha in Thai :- https://84000.org/tipitaka/atthapali/read_th.php?B=50&A=6362 The Pali Atthakatha in Roman :- https://84000.org/tipitaka/atthapali/read_rm.php?B=50&A=6362 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33