|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Dutiyam kankharevatattherapadanam (542) [132] |132.34| Padumuttaro nama jino sabbadhammesu cakkhuma ito satasahassamhi kappe uppajji nayako. |132.35| Sihahanu brahmagiro hamsadundubhisavano 1- nagavikkantagamano candasuradikappabho. |132.36| Mahamati mahaviro mahajhayi mahagati 2- mahakaruniko natho mahatamavidhamsano 3-. @Footnote: 1 Si. hamsadundubhinissaro. Ma. sahamdundubhinissano. Yu. hamsadundarabhinissavano. @2 Ma. mahabalo. Yu. mahahito. 3 Ma. mahatamapanudano. Yu. mahatamavisudano. |132.37| Sa kadaci tilokaggo veneyyam vinayam bahum dhammam deseti sambuddho sattacittavidu 1- muni. |132.38| Jhayim jhanaratam viram upasantam anavilam vannayanto parisati toseti janatam jino. |132.39| Tadaham hamsavatiya brahmano vedaparagu dhammam sutvana mudito tam thanam abhipatthayim. |132.40| Tada jino viyakasi sanghamajjhe vinayako mudito hohi tvam brahme lacchasetam manoratham. |132.41| Satasahasse ito kappe okkakakulasambhavo gotamo nama namena sattha loke bhavissati. |132.42| Tassa dhammesu dayado oraso dhammanimmito revato nama namena hessati satthu savako. |132.43| Tena kammena sukatena cetanapanidhihi ca jahitva manusam deham tavatimsam aganchaham. |132.44| Pacchime ca bhave dani jatoham koliye pure khattiye kulasampanne iddhe phite mahaddhane. |132.45| Yada kapilavatthusmim buddho dhammam adesayi tada pasanno sugate pabbajim anagariyam. |132.46| Kankha me bahula asi kappakappe tahim tahim tam sabbam vinayi buddho desetva dhammamuttamam. @Footnote: 1 Ma. Yu. sattasayavidu. |132.47| Tatoham tinnasamsaro tada 1- jhanasukhe rato viharami tada buddho mam disva etadabravi. |132.48| Yakaci kankha idha va huram va sakavediya va paravediya va [2]- Jhayino ta pajahanti sabba atapino brahmacariyam caranta. |132.49| Satasahasse katam kammam phalam dassesi me idha samutto saravegova kilese jhapayim mama. |132.50| Tato mam 3- jhananiratam disva lokantagu muni jhayinam bhikkhunam aggo pannapesi mahamati. |132.51| Kilesa jhapita mayham bhava sabbe samuhata nagova bandhanam chetva viharami anasavo. |132.52| Svagatam vata me asi mama buddhassa santike tisso vijja anuppatta katam buddhassa sasanam. |132.53| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma kankharevato thero ima gathayo abhasitthati. Kankharevatattherassa apadanam samattam. @Footnote: 1 Ma. sada. 2 Ma. ye. 3 Ma. tato jhanaratam disva buddho lokantagu muni.The Pali Tipitaka in Roman Character Volume 33 page 222-224. https://84000.org/tipitaka/read/roman_read.php?B=33&A=4439&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=4439&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=132&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=132 Study Atthakatha :- https://84000.org/tipitaka/attha/attha.php?b=33&i=132 The Pali Atthakatha in Thai :- https://84000.org/tipitaka/atthapali/read_th.php?B=50&A=6469 The Pali Atthakatha in Roman :- https://84000.org/tipitaka/atthapali/read_rm.php?B=50&A=6469 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]