PaliRoman Vol.33

Catuttham vangisattherapadanam (544) [134] |134.96| Padumuttaro nama jino sabbadhammesu cakkhuma ito satasahassasamhi kappe uppajji nayako. |134.97| Yathapi sagare ummi ^1- gagane viya taraka evam pavacanam tassa arahantehi cittitam . |134.98| Sadevasuranagehi manujehi purakkhato samanabrahmanakinne janamajjhe jinuttamo. |134.99| Pabhahi anuranjanto loke lokantagu jino vacanena vibodhento veneyyapadumani so. |134.100| Vesarajjehi sampanno catuhi purisuttamo pahinabhayasarajjo khemappatto visarado. @Footnote:1. Ma. Yu. umi. |134.101| Asabham pavaram thanam buddhabhuminca kevalam patijanati lokaggo natthi sancodako kvaci. |134.102| Sihanadamasambhitam nadato tassa tadino devo naro va brahma va pativatta na vijjati. |134.103| Desento pavaram dhammam santarento sadevakam dhammacakkam pavatteti parisasu visarado. |134.104| Patibhanavatam aggam savakam sadhusammatam gunam bahum pakittetva etadagge thapesi tam. |134.105| Tadaham hamsavatiya brahmano sadhusammato sabbavedavidu jato vangiso ^1- vadisudano. |134.106| Upecca tam mahaviram sutva tam dhammadesanam pitivaram patilabhim savakassa gune rato. |134.107| Nimantayitva sugatam sasangham lokanandanam sattaham bhojayitvaham dussehi chadayim tada. |134.108| Nipacca sirasa pade katokaso katanjali ekamantam thito hattho santhavim jinamuttamam. |134.109| Namo te vadisudana ^2- namo te isisattama ^3- namo te sabbalokagga namo te abhayamkara. |134.110| Namo te maramathana namo te ditthisudana namo te santisukhada namo te saranamkara ^4-. @Footnote: ¹ Ma. Yu. vagiso. ² Ma. vadimaddana. Yu. valisaddura. ³ Yu. isisuttama. @⁴ Yu. saranantaga. |134.111| Anathanam bhavam natho bhitanam abhayappado vissasam ^1- bhumisantanam saranam saranesinam. |134.112| Evamadihi sambuddham santhavitva mahagunam avocam vadisurassa ^2- gatim pappomi bhikkhuno. |134.113| Tada avoca bhagava anantapatibhanava yo so buddham abhojesi ^3- sattaham sahasavakam. |134.114| Gunanca me pakittesi pasanno sehi panibhi eso patthayate thanam vadisurassa ^4- bhikkhuno. |134.115| Anagatamhi addhane lacchasetam manoratham devamanussasampattim anubhotva anappakam. |134.116| Satasahasse ito kappe okkakakulasambhavo gotamo nama namena sattha loke bhavissati. |134.117| Tassa dhammesu dayado oraso dhammanimmito vangiso nama namena hessati satthusavako. |134.118| Tam sutva mudito hutva yavajivam tada jinam paccayehi upatthasim mettacitto tathagatam. |134.119| Tena kammena sukatena cetanapanidhihi ca jahitva manusam deham tavatimsam ^5- aganchaham. |134.120| Pacchime ca bhave dani paribbajakule ^6- aham paccha jato yada asim jatiya sattavassiko. @Footnote: ¹ Ma. vissamabhumi santanam. Yu. vissanabhumisantanam. 2-4 Ma. vadisudassa. @³ Yu. apujesi. ⁵ Ma. Yu. tusitam. ⁶ Ma. jato vippakule aham. |134.121| Sabbavedavidu jato vadasatthavisarado vaggussaro ^1- cittakathi paravadappamaddano. |134.122| Vange jatoti vangiso vacane issaroti va vangiso iti me namam aggampi ^2- lokasammatam. |134.123| Yadaham vinnutam patto thito pathamayobbane tada rajagahe ramme sariputtanca addasam ^3-. Pancavisatimam bhanavaram. |134.124| Pindaya vicarantam tam pattapanim susamvutam alolakkhim mitabhanim yugamattam udikkhatam ^4-. |134.125| Tam disva vimhito hutva avocamananucchavam kanikaramva nicitam cittam gathapadam aham. |134.126| Acikkhi so me sattharam sambuddham lokanayakam tada so pandito dhiro uttaram samavoca me. |134.127| Viragasahitam vakyam katva duddasamuttamam vicittapatibhanehi tosito tena tadina. |134.128| Nipacca sirasa pade pabbajehiti ^5- abravim tato mam sa mahappanno buddhasetthamupanayi. |134.129| Nipacca sirasa pade nisidim satthu santike mamaha vadatam settho saccam vangisa kacci ^6- te. @Footnote: ¹ Ma. vadissaro. ² Ma. Yu. abhavi. ³ Ma. sariputtamahaddasam. @Yu. sariputtamathaddasam. ⁴ Ma. nidakkhitam. Yu. nirikkhitam. ⁵ Ma. pabbajehitimam @bravi. Yu. ...hiti ca bravim. ⁶ Ma. kacci vamgisa janasi. ^[1]- |134.130| Matam ^2- sisamva viditam sugatiduggatimatam tuyham vijjavisesena sace sakkosi vacaya. |134.131| Amoti ^3- me patinnate tini sisani dassayi atho nirayadevesu ^4- upapanne avacayim. |134.132| Tada khinasavasseva ^5- sisam dassesi nayako tatoham vihatarambho pabbajjam samayacisam. |134.133| Pabbajitvana sugatam santhavami yahim ^6- tahim tato mam kavicittoti ^7- ujjhayanti hi bhikkhavo. |134.134| Tato vimamsanattham me aha buddho vinayako takkitanam ^8- ima gatha thanaso patibhanti va ^9-. |134.135| Na kabyacittoham ^10- vira thanaso patibhanti me tenahi dani vangisa thanaso santhavahi mam. |134.136| Tadaham santhavim dhiram gathahi isisattamam so ^11- thanaso tada tuttho jino agge thapesi mam. |134.137| Patibhanena cittena annesamatimannaham pesalo ^12- tena samviggo arahattam apapunim. |134.138| Patibhanavatam aggo anno koci na vijjati yathayam bhikkhu vangiso evam dharetha bhikkhavo. |134.139| Satasahasse katam kammam phalam dassesi me idha sumutto saravegova kilesa ^13- jhapita mama. @Footnote:1. Ma. kinci sippanti tassaham janamiti ca abravim. ² Ma. Yu. matasisam vanacchuddham @api balasavatthikam. ³ Yu. amati. ⁴ Ma. nirayanaradevesu. ⁵ Yu. @paccekabuddhassa. ⁶ Ma. tahim tahim. ⁷ Ma. kabbavittosi. ⁸ Ma. takkika @panima gatha. ⁹ Ma. tam. ¹⁰ Ma. kabbavittoham. ¹¹ Ma. thanaso me. @¹² Ma. Yu. pesale. ¹³ Ma. Yu. kilese jhapayim. ito param sadisameva. |134.140| Kilesa jhapita mayham bhava sabbe samuhata nagova bandhanam chetva viharami anasavo. |134.141| Svagatam vata me asi mama buddhassa santike tisso vijja anuppatta katam buddhassa sasanam. |134.142| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma vangiso thero ima gathayo abhasitthati. Vangisattherassa apadanam samattam.

The Pali Tipitaka in Roman Character Volume 33 page 229-234. https://84000.org/tipitaka/read/roman_read.php?B=33&A=4582&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=4582&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=134&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=134 Study Atthakatha :- https://84000.org/tipitaka/attha/attha.php?b=33&i=134 The Pali Atthakatha in Thai :- https://84000.org/tipitaka/atthapali/read_th.php?B=50&A=6703 The Pali Atthakatha in Roman :- https://84000.org/tipitaka/atthapali/read_rm.php?B=50&A=6703 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33