|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Dutiyam ekadussadayakattherapadanam (422) [12] |12.15| Nagare hamsavatiya ahosim tinaharako tinaharena jivami tena posemi darake. |12.16| Padumuttaro nama jino sabbadhammana paragu tamandhakaram nasetva uppajji lokanayako. @Footnote: 1 Ma. samadhisu na majjami. Yu. na sajjami. 2 Ma. visadam. |12.17| Sake ghare nisiditva evam cintesi tavade buddho loke samuppanno deyyadhammo na vijjati. |12.18| Idam me satakam ekam natthi me koci dayako dukkho nirayasamphasso ropayissami dakkhinam. |12.19| Evaham cintayitvana sakam cittam pasadayim ekam dussam gahetvana buddhasetthassadasaham. |12.20| Ekam dussam daditvana ukkutthim sampavattayim yadi buddho tuvam vira tarehi mam mahamuni. |12.21| Padumuttaro lokavidu ahutinam patiggaho mamam danam pakittento aka me anumodanam. |12.22| Imina ekadussena cetanapanidhihi ca kappasatasahassani vinipatam na gacchati. |12.23| Chattimsakkhattum devindo devarajjam karissati tettimsakkhattum raja ca cakkavatti bhavissati. |12.24| Padesarajjam vipulam gananato asankhayam devaloke manusase va samsaranto tuvam bhave. |12.25| Rupava gunasampanno anuvattantadehava akkhobham amitam dussam labhissati yathicchakam. |12.26| Idam vatvana sambuddho jalajuttamanamako 1- nabham abbhuggami dhiro hamsarajava ambare. @Footnote: 1 Yu. jalajuttamanayako. |12.27| Yam yam yonupapajjami devattam atha manusam bhoge me unata natthi ekadussassidam phalam. |12.28| Paduddhare paduddhare dussam nibbattate mama hettha dussamhi titthahi uparicchadanam mama. |12.29| Cakkavalam upadaya sakananam sapabbatam icchamano aham ajja dussenacchadayeyya tam. |12.30| Teneva ekadussena samsaranto bhavabhave suvannavanno hutvana samsarami bhavabhave. |12.31| Vipakam ekadussassa ajjhagam 1- tattha bhikkhutam ayampi 2- pacchima jati vipaccati idhapi me. |12.32| Satasahasse ito kappe yam dussamadadim tada duggatim nabhijanami ekadussassidam phalam. |12.33| Kilesa jhapita mayham bhava sabbe samuhata nagova bandhanam chetva viharami anasavo. |12.34| Svagatam vata me asi mama buddhassa santike tisso vijja anuppatta katam buddhassa sasanam. |12.35| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma ekadussadayako thero ima gathayo abhasitthati. Ekadussadayakattherassa apadanam samattam. @Footnote: 1 Ma. Yu. najjhagam kattha cikkhayam. 2 Ma. ayam me antima jati.The Pali Tipitaka in Roman Character Volume 33 page 25-27. https://84000.org/tipitaka/read/roman_read.php?B=33&A=503&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=503&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=12&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=12 Study Atthakatha :- https://84000.org/tipitaka/attha/attha.php?b=33&i=12 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]