PaliRoman Vol.33

Chattham nalamalikatheriyapadanam (16) [156] |156.85| Candabhaganaditire ahosim kinnari tada addasam virajam buddham sayambhum aparajitam. |156.86| Pasannacitta sumana vedajata katanjali nalamalam gahetvana sayambhum abhipujayim. |156.87| Tena kammena sukatena cetanapanidhihi ca jahitva kinnarideham tavatimsam aganchaham. |156.88| Chattimsadevarajunam mahesittamakarayim manasa patthitam mayham nibbattati yathicchitam. |156.89| Dasannam cakkavattinam mahesittamakarayim ocitattava ^1- hutvana samsarami bhavesuham. |156.90| Kusalam vijjate mayham pabbajim anagariyam pujaraha aham ajja sakyaputtassa sasane. |156.91| Catunavute ito kappe yam buddhamabhipujayim duggatim nabhijanami nalamalayidam phalam. |156.92| Visuddhamanasa ajja apetamanapapika sabbasavaparikkhina natthi dani punabbhavo. |156.93| Kilesa jhapita mayham bhava sabbe samuhata nagiva bandhanam chetva viharami anasava. |156.94| Svagatam vata me asi buddhasetthassa santike tisso vijja anuppatta katam buddhassa sasanam. |156.95| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma nalamalika bhikkhuni ima gathayo abhasitthati. Nalamalikatheriya apadanam samattam. @Footnote: ¹ Yu. sacitattava.

The Pali Tipitaka in Roman Character Volume 33 page 279-280. https://84000.org/tipitaka/read/roman_read.php?B=33&A=5621&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=5621&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=156&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=167 Study Atthakatha :- https://84000.org/tipitaka/attha/attha.php?b=33&i=156 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33