|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Navamam uppalavannatheriyapadanam (19) [159] |159.382| Bhikkhuni uppalavanna iddhiya paramim gata vanditva satthuno pade imam vacanamabravi. |159.383| Nitinna 1- jatisamsaram pattaham acalam padam sabbadukkham maya khinam arocemi mahamuni. @Footnote: 1 Ma. nitthinna. Yu. nittinna jatisamsara.--------------------------------------------------------------------------------------------- page311.
|159.384| Yavata parisa atthi pasanna jinasasane yesanca meparadhotthi khamantu jinasammukha. |159.385| Samsare samsaranta 1- me khalitam me sace bhave arocemi mahavira aparadham khamassu me 2-. |159.386| Iddhincapi nidassehi mama sasanakarike catasso parisa ajja kankham chindahi yavata. |159.387| Dhita tuyham mahavira pannavanta jutindhara bahunca dukkaram kammam katam me atidukkaram. |159.388| Uppalasseva me vanno namenuppalanamika sa dhita te mahavira pade vandami cakkhuma. |159.389| Rahulo ca ahanceva nekajatisate bahu ekasmim sambhave jata samanachandacetasa. |159.390| Nibbatti ekato hoti jatiya capi ekato pacchime bhavasampatte ubhayo namasambhava. |159.391| Putto ca rahulo nama dhita uppalasavhaya passa vira mama iddhim balam dassemi satthuno. |159.392| Mahasamudde caturo pakkhipi hatthapaniyam telam hatthagatanceva 3- khiddo komarako yatha. |159.393| Ubbattayitva pathavim pakkhipi hatthapaniyam cittamunjam yatha nama lunci komarako yuva. @Footnote: 1 Ma. samsarantiya. 2 Ma. Yu. tam. 3 Yu. ... vatthigatanceva vejjo komarako yatha.--------------------------------------------------------------------------------------------- page312.
|159.394| Cakkavalasamam panim chadayitvana matthake vassapetvana phusitam nanavannam punappunam. |159.395| Bhumim udukkhalam katva dhannam katvana sakkharam sinerum musalam katva maddi komarika yatha 1-. |159.396| Dhitaham buddhasetthassa namenuppalasavhaya abhinnasu vasibhuta tava sasanakarika. |159.397| Nanavikubbanam katva dassetva lokanayakam namagottam pakasetva 2- pade vandami cakkhuma. |159.398| Iddhiya ca vasi homi dibbaya sotadhatuya cetopariyananassa vasi homi mahamune. |159.399| Pubbenivasam janami dibbacakkhum visodhitam sabbasava parikkhina natthi dani punabbhavo. |159.400| Atthadhammaniruttisu patibhane tatheva ca nanam me vipulam 3- suddha sabhavena mahesino. |159.401| Purimanam jinagganam sangamantena dassitam 4- adhikaram bahu mayham tuyhatthaya mahamuni. |159.402| Yam maya purimam kammam kusalam sara 5- me muni tavatthaya mahavira punnam upacitam maya. |159.403| Abhabbatthane vajjetva paripacento anacaram 6- tavatthaya mahavira cattam 7- me jivituttamam. @Footnote: 1 Yu. padakomariko yatha. 2 Ma. ca savetva. Yu. ... samsavetva. @3 Ma. vimalam. 4 Ma. Yu. sangamante nidassitam. 5 Yu. ... samsare muni. @6 Ma. varayanti anacaram. Yu. paripacento anavaram. 7 Yu. vattam.--------------------------------------------------------------------------------------------- page313.
|159.404| Dasakotisahassani adasi mama jivitam paricatta ca me homi tavatthaya mahamuni. |159.405| Tadativimhita sabba sirasava katanjali avocayye katam asi atuliddhi parakkama. |159.406| Satasahasse ito kappe nagakanna aham tada vimala nama namena kannanam sadhusammata. |159.407| Mahorago mahanago pasanno jinasasane padumuttaram mahatejam nimantesi sasavakam. |159.408| Ratanamayanca mandapam pallankam ratanamayam ratanavalukakinnam upabhogam ratanamayam. |159.409| Magganca patiyadesi ratanadhajabhusitam paccuggantvana sambuddham vajjanto turiyehi so. |159.410| Parisahi ca catuhi pharate 1- lokanayako mahoragassa bhavane nisidi paramasane 2-. |159.411| Annapanam khadaniyam bhojananca maharaham varam varanca padasi nagaraja mahayasam 3-. |159.412| Bhunjitvana sa sambuddho 4- patte dhovitva yoniso anumodaniyamkasi nagakanna mahiddhika. |159.413| Sabbannum phullitam disva nagakanna mahayasam pasannam satthuno cittam sunivaddhanca manasam. @Footnote: 1 Ma. parivuto. Yu. pareto. 2 Yu. varamasane. 3 Yu. mahayaso. @4 Ma. ... sammasambuddho.--------------------------------------------------------------------------------------------- page314.
|159.414| Mamanca cittamannaya jalajuttamanamako tasmim khane mahaviro bhikkhunim dassayiddhiya. |159.415| Iddhi aneka dassesi bhikkhuni sa visarada pamodita vedajata sattharam etadabravim. |159.416| Addasaham ima iddhi 1- sumita itarayapi katham ahosi sa dhira iddhiya suvisarada. |159.417| Orasamukhato jata dhita mama mahiddhika mamanusasanikara iddhiya suvisarada. |159.418| Buddhassa vacanam sutva tuttha evam avocaham 2- ahampi tadisa homi iddhiya suvisarada. |159.419| Pamoditaham sumana pattauttamamanasa 3- anagatamhi addhane idisa homi nayaka. |159.420| Manimayanca 4- pallankam mandapanca pabhassaram annapanena tappetva sasangham lokanayakam. |159.421| Naganam pavaram puppham arunam nama uppalam vannam me idisam hotu pujesim lokanayakam. |159.422| Tena kammena sukatena cetanapanidhihi ca jahitva manusam deham tavatimsam aganchaham. |159.423| Tato cutaham manuje upapanna sayambhuno uppalehi paticchannam pindapatamadasaham. @Footnote: 1 Ma. Yu. ... imam iddhim sumanam .... Yu. sumittam. 2 Ma. evam patthessaham tada. @Yu. tutthaeva patthessaham. 3 Ma. patthe uttamamanasa. 4 Ma. manimayamhi pallanke @mandapamhi pabhassare.--------------------------------------------------------------------------------------------- page315.
|159.424| Ekanavute ito kappe vipassi nama nayako uppajji carunayano sabbadhammesu cakkhuma. |159.425| Setthidhita tada hutva baranasipuruttame nimantetvana sambuddham sasangham lokanayakam. |159.426| Mahadanam daditvana uppalehi vinayakam pujayitva ca teheva vannasobham apatthayim. |159.427| Imamhi bhaddake kappe brahmabandhu mahayaso kassapo nama namena uppajji vadatam varo. |159.428| Upatthako mahesissa tada asi narissaro kasiraja kiki nama baranasipuruttame. |159.429| Tassasim dutiya dhita samaniguttasavhaya dhammam sutva jinaggassa pabbajjam samarocayim. |159.430| Anujani na no tato agareva tada mayam visam vassasahassani vicarimha atandita. |159.431| Komaribrahmacariyam rajakanna sukhetthita buddhopatthananirata mudita satta dhitaro. |159.432| Samani samanagutta ca bhikkhuni bhikkhudasika dhamma ceva sudhamma ca sattami sanghadasika. |159.433| Aham khema ca sappanna patacara ca kundala kisagotami dhammadinna visakha hoti sattami.--------------------------------------------------------------------------------------------- page316.
|159.434| Tehi kammehi sukatehi cetanapanidhihi ca jahitva manusam deham tavatimsam aganchaham. |159.435| Tato cuta manussesu upapanna mahakule pitamatthavaram dussam adam arahato aham. |159.436| Tato cuta aritthapure jata vippakule aham dhita tiritivacchassa ummadanti manohara. |159.437| Tato cuta janapade kule annatare aham pasuta natiphitamhi salim gopemahantada. |159.438| Disva paccekasambuddham pancalajasatanaham datva padumachannani panca puttasatanipi 1-. |159.439| Patthayim tesu puttesu 2- madhum datva sayambhuno tato cuta aranneham ajayim padumodare. |159.440| Kasiranno mahesiham hutva sakkatapujita ajanim rajaputtanam anunam satapancakam. |159.441| Yada te yobbanappatta kilanta jalakilitam disvana opattapadumam asum paccekanayaka. |159.442| Saham tehi vinabhuta sutavarehi 3- sokini cuta isigilipasse gamakamhi ajayiham. |159.443| Yada buddhasutamati sutanam attanopica 4- yagum adaya gacchanti attha paccekanayake. @Footnote: 1 Ma. Yu. puttasataniham. 2 Ma. patthayim tepi patthesum. Yu. patthayim tesu patthesu. @3 Ma. Yu. sutavirehi. 4 Ma. sutanam satthunopica. Yu. sutana kasakam tada.--------------------------------------------------------------------------------------------- page317.
|159.444| Bhikkhaya gamam gacchante disva putte anussarim khiradhara vinigganchi tada me puttapemasa. |159.445| Tato tesam adam yagum pasanna sehi panibhi tato cutaham tidasam nandanam upapajjaham. |159.446| Anubhotva sukhadukkham samsaritva bhavabhave tavatthaya mahavira pariccattanca jivitam. |159.447| Evam bahuvidham dukkham sampatti ca bahuvidha pacchime bhavasampatte jata savatthiyam pure. |159.448| Mahaddhane setthikule sukhite sajjite tatha nanaratanapajjote sabbakamasamiddhane. |159.449| Sakkatapujita ceva manitapacita tatha rupasirim anuppatta kulesu atisakkata. |159.450| Ativa patthita casim rupabhogasirihi ca patthita setthiputtehi anekehi satehi ca. |159.451| Agaram pajahitvana pabbajim anagariyam addhamase 1- asampatte catusaccam apapunim. |159.452| Iddhiya abhinimmitva caturassam ratham aham buddhassa pade avandim 2- lokanathasirimato 3-. |159.453| Supupphitaggam upagamma padapam 4- eka tuvam titthasi salamule @Footnote: 1 Ma. Yu. atthamase. 2 Ma. Yu. avandissam. 3 Ma. lokanathassa tadino. @4 Yu. bhikkhuni.--------------------------------------------------------------------------------------------- page318.
Na capi tuyham dutiyatthi koci 1- bale na tvam bhayasi dhuttakanam. |159.454| Satam sahassanipi dhuttakanam idhagata edisaka bhaveyyum 2- lomam na inje napi sampavedhe 3- kim me tuvam mara karissaseko 4-. |159.455| Esa antaradhayami kucchim va pavisami te bhamukantarikayampi titthantim mam na dakkhasi. |159.456| Cittamhi vasibhutaham iddhipada suvibhavita sabbabandhanamuttamhi na tam bhayami avuso. |159.457| Sattisulupama kama khandhapi adhikundara yattha kamaratim brusi arati dani sa mama. |159.458| Sabbattha vihata nandi tamokkhandha padalita evam janahi papima nihato tvamasi antaka. |159.459| Jino tasmim gune tuttho etadagge thapesi mam settha 5- iddhimatinanti parisasu vinayako. |159.460| Paricinno maya sattha katam buddhassa sasanam ohito guruko bharo bhavanetti samuhata. |159.461| Yassatthaya pabbajita agarasma anagariyam so me attho anuppatto sabbasamyojanakkhayo. @Footnote: 1 Yu. na catthi te dutiya vannadhatu . 2 Ma. samagata .... @Yu. idhagata tadisaka ... . 3 Yu. lomam na injami na santasami. @4 Yu. maram na bhayami tam ekikasam . 5 Ma. agga.--------------------------------------------------------------------------------------------- page319.
|159.462| Civaram pindapatanca paccayam sayanasanam khanena upanamenti sahassani samantato. |159.463| Kilesa jhapita mayham bhava sabbe samuhata nagiva bandhanam chetva viharami anasava. |159.464| Svagatam vata me asi buddhasetthassa santike tisso vijja anuppatta katam buddhassa sasanam. |159.465| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam uppalavanna bhikkhuni ima gathayo abhasitthati. Uppalavannatheriya apadanam samattam.The Pali Tipitaka in Roman Character Volume 33 page 310-319. https://84000.org/tipitaka/read/roman_read.php?B=33&A=6295&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=6295&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=159&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=170 Study Atthakatha :- https://84000.org/tipitaka/attha/attha.php?b=33&i=159 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]