|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Tatiyo kundalakesivaggo pathamam kundalakesitheriyapadanam (21) [161] |161.1| Padumuttaro nama jino sabbadhammana paragu ito satasahassamhi kappe upapajji nayako. |161.2| Tadaham hamsavatiya jata setthikule ahu nanaratanapajjote mahasukhasamappita. |161.3| Upetva tam mahaviram assosim dhammamuttamam tato jatappasadaham upesim saranam jinam. |161.4| Tada mahakaruniko padumuttaranayako 1- khippabhinnanamagganti 2- thapayi 3- bhikkhunim subham. |161.5| Tam sutva mudita hutva danam datva mahesino nipacca sirasa pade tam thanam abhipatthayim. |161.6| Anumodi mahaviro bhadde yantebhipatthitam samijjhissati tam sabbam sukhini hohi nibbuta. |161.7| Satasahasse ito kappe okkakakulasambhavo gotamo nama namena sattha loke bhavissati. |161.8| Tassa dhammesu dayada orasa dhammanimmita bhadda kundalakesati hessati satthusavika. @Footnote: 1 Ma. ...namako. 2 Po. Yu. khippabhinna namaggatte. 3 Ma. Yu. thapesi.--------------------------------------------------------------------------------------------- page326.
|161.9| Tena kammena sukatena cetanapanidhihi ca jahitva manusam deham tavatimsam aganchaham. |161.10| Tato cuta yamamagam tatoham tusitam gata tato ca nimmanaratim vasavattipuram gata 1-. |161.11| Yattha yatthupapajjami tassa kammassa vahasa tattha tattheva rajunam mahesittamakarayim. |161.12| Tato cuta manussesu rajunam cakkavattinam mandalinanca rajunam mahesittamakarayim. |161.13| Sampattim anubhotvana devesu manusesu ca sabbattha sukhita hutva nekakappesu samsarim. |161.14| Imamhi bhaddake kappe brahmabandhu mahayaso kassapo nama namena uppajji vadatam varo. |161.15| Upatthako mahesissa tada asi narissaro kasiraja kiki nama baranasipuruttame. |161.16| Tassa dhita catutthasim bhikkhudasiti 2- vissuta dhammam sutva jinaggassa pabbajjam samarocayim. |161.17| Anujani na no tato agareva tada mayam visam vassasahassani vicarimha atandita. |161.18| Komaribrahmacariyam rajakanna sukhetthita buddhopatthananirata mudita satta dhitaro. @Footnote: 1 Ma. Yu. tato. ito param idisameva. 2 Ma. bhikkhudayiti. Yu. bhikkhadayiti.--------------------------------------------------------------------------------------------- page327.
|161.19| Samani samanagutta ca bhikkhuni bhikkhudasika dhamma ceva sudhamma ca sattami sanghadasika. |161.20| Khema uppalavannana ca patacara ahantada kisagotami dhammadinna visakha hoti sattami. |161.21| Tehi kammehi sukatehi cetanapanidhihi ca jahitva manusam deham tavatimsam aganchaham. |161.22| Pacchime ca bhave dani giribbajapuruttame jata setthikule phite yadaham yobbane thita. |161.23| Coram vadhattham niyyantam disva ratta tahim aham pita me tam sahassena mocayitva vadha tato. |161.24| Adasi tassa mam tato viditvana manam mama tassahamasi 1- vissattha ativa dayita hita. |161.25| So me bhusanalobhena balim 2- paccaharam diso corappapatam netvana pabbate 3- cetayi vadham. |161.26| Tadaham panamitvana sattukam sukatanjali rakkhanti attano panam imam vacanamabravim. |161.27| Idam suvannakayuram 4- mutta veluriya bahu sabbam 5- harassu bhaddante manca dasiti savaya. |161.28| Oropayassu kalyani ma 6- balham paridevasi na caham abhijanami ahantva vanamagatam 7-. @Footnote: 1 Ma. ...masim. 2 Ma. balimajjhasayo diso. Yu. marapaccahatam diso. 3 Ma. Yu. @pabbatam. 4 Ma. Yu. suvannakeyuram. 5 Yu. saccam. 6 Yu. ma bahum paridevayi. @7 Ma. Yu. dhanamabhatam.--------------------------------------------------------------------------------------------- page328.
|161.29| Yato sarami attanam yato pattosmi vinnutam na caham abhijanami annam piyataram taya. |161.30| Ehi tam upaguyhissam katvana tam padakkhinam tam vandami 1- puna natthi mama tuyhanca sangamo. |161.31| Na hi sabbesu thanesu puriso hoti pandito itthipi pandita hoti tattha tattha vicakkhana. |161.32| Na hi sabbesu thanesu puriso hoti pandito itthipi pandita hoti lahum attham vicintita 2-. |161.33| Lahunca vata khippanca nekatthe 3- samacetayi cittapunnayataneva 4- tadaham sattukam vadhim. |161.34| Yo ca uppatitam attham na khippam anubujjhati so hannate mandamati corova girigabbhare. |161.35| Yo ca uppatitam attham khippameva nibodhati muccate sattusambadha tadaham sattuka yatha. |161.36| Tadaham patayitvana giriduggamhi sattukam santikam setavatthanam upeta 5- pabbajim aham. |161.37| Sandasena ca kese me luncitva sabbaso tada pabbajitvana samayam acikkhimsu nirantaram. |161.38| Tato tam uggahetvana 6- nisiditvana ekika samayam tam vicintesim 7- suvano 8- manusam karam. @Footnote: 1 Ma. Yu. na ca dani puno atthi . 2 Ma. Yu. vicintika. @3 Ma. Yu. nikatthe samacetayim . 4 Ma. migam unnayata evam. Yu. migam punnayateneva. @5 Yu. upetva . 6 Ma. uggahetvaham. 7 Yu. vicintemi. 8 Yu. suvana.--------------------------------------------------------------------------------------------- page329.
|161.39| Chinnam gayha samipe me patayitva apakkami disva nimittam alabhim titthantam 1- pulavakulam. |161.40| Tato utthaya samvigga apucchim sahadhammike te avocum vijananti tam attham sakyabhikkhavo. |161.41| Saham tamattham pucchissam upetva buddhasavake te mamadaya gacchimsu buddhasetthassa santike. |161.42| So me dhammamadesesi khandhayatanadhatuyo asubhaniccam dukkhati anattati ca nayako. |161.43| Tassa dhammam sunitvaham dhammacakkhum visodhayim tato vinnatasaddhamma pabbajjam upasampadam. |161.44| Ayacito 2- tada aha ehi bhaddeti nayako tadaham upasampanna parittam toyamaddasam. |161.45| Padapakkhalanenaham natva saudayabbayam tatha sabbepi sankhara 3- iti samcintayim tada. |161.46| Tato cittam vimucci 4- me anupadaya sabbaso khippabhinnanamaggamme tada pannapayi jino. |161.47| Iddhisu ca vasi homi dibbaya sotadhatuya paracittani janami satthusasanakarika. |161.48| Pubbenivasam janami dibbacakkhum visodhitam khepetva asave sabbe visuddhasim sunimmala. @Footnote: 1 Ma. Yu. hattham tam. 2 Yu. aya2cim so. 3 Ma. sankhare idisam cintayim tada. @4 Yu. vimuttam.--------------------------------------------------------------------------------------------- page330.
|161.49| Paricinno maya sattha katam buddhassa sasanam ohito garuko bharo bhavanetti samuhata. |161.50| Yassatthaya 1- pabbajita agarasma anagariyam so me attho anuppatto sabbasamyojanakkhayo. |161.51| Atthadhammaniruttisu patibhane tatheva ca nanam me vipulam 2- suddham buddhasetthassa vahasa. |161.52| Kilesa jhapita mayham bhava sabbe samuhata nagiva bandhanam chetva viharami anasava. |161.53| Svagatam vata me asi buddhasetthassa santike tisso vijja anuppatta katam buddhassa sasanam. |161.54| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam bhadda kundalakesa bhikkhuni ima gathayo abhasitthati. Kundalakesitheriya apadanam samattam.The Pali Tipitaka in Roman Character Volume 33 page 325-330. https://84000.org/tipitaka/read/roman_read.php?B=33&A=6592&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=6592&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=161&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=172 Study Atthakatha :- https://84000.org/tipitaka/attha/attha.php?b=33&i=161 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]