|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Sattamam bhaddakapilanitheriyapadanam (27) [167] |167.244| Padumuttaro nama jino sabbadhammana 1- paragu ito satasahassamhi kappe uppajji nayako. |167.245| Tada 2- hi hamsavatiyam videho nama namako setthi pahutaratano tassa jaya ahosaham. |167.246| Kadaci so naradiccam upecca saparijjano dhammam assosi buddhassa sabbadukkhakkhayavaham 3-. |167.247| Savakam dhutavadanam aggam kittesi nayako sutva sattahikam danam datva buddhassa tadino. |167.248| Nipacca sirasa pade tam thanam abhipatthayim 4- sa hasayanto parisam tada hi narapungavo. |167.249| Setthino anukampaya ima gatha abhasatha lacchase patthitam thanam nibbuto hohi puttaka. |167.250| Satasahasse ito kappe okkakakulasambhavo |167.251| gotamo nama namena sattha loke bhavissati. Tassa dhammesu dayado oraso dhammanimmito |167.252| kassapo nama namena hessati satthusavako. |167.253| Tam sutva mudito hutva yavajivam tada jinam mettacitto paricari paccayehi vinayakam. @Footnote: 1 Yu. sabbadhammesu cakkhuma. 2 Ma. Yu. tadahu. 3 Ma. sabbadukkhabhayappaham. @4 Yu. abhipatthayi. |167.254| Sasanam jotayitvana so madditva kutitthiye veneyyam vinayitvana 1- nibbuto so sasavako. |167.255| Nibbute tamhi lokagge pujanatthaya satthuno natimitte samanetva saha tehi akarayi. |167.256| Sattayojanikam thupam ubbedham ratanamayam jalantam sataramsiva salarajamva phullitam. |167.257| Sattasatasahassani catiyo 2- satta karayim nalaggi viya jotante 3- rataneheva sattahi. |167.258| Gandhatelehi puretva dipani ujjalayim tahim pujanatthaya mahesissa sabbasattanukampino 4-. |167.259| Sattasatasahassani punnakumbhani karayim rataneheva punnani pujanatthaya mahesino. |167.260| Majjhe atthatthakumbhinam ussita kancanagghiyo atirocanti vannena saradeva divakaro. |167.261| Catudvaresu sobhanti torana ratanamaya ussita phalaka ramma sobhanti ratanamaya. |167.262| Virocanti parikkhayo 5- avatamsa sunimmita ussitani patakani ratanani virocare. |167.263| Surattam sukatancetam 6- cetiyam ratanamayam atirocati vannena sasajjhava divakaro. @Footnote: 1 Ma. vinayitva ca. 2 Ma. patiyo tattha karayi. Yu. ... kariyim. 3 Ma. jotanti. @4 Ma. Yu. sabbabhutanukampino. 5 Ma. Yu. parikkhitta. 6 Ma. Yu. sukatam cittam. |167.264| Thupassa me disa tisso 1- haritalena purayim 2- eka 3- manosilayeka anjanena ca ekika. |167.265| Pujam etadisam rammam karetva varavadino 4- adasim danam sanghassa yavajivam yathabalam. |167.266| Sahaham 5- setthina tena tani punnani sabbaso yavajivam karitvana sahava sugatim gata. |167.267| Sampattiyonubhutvana 6- devatte atha manuse chaya viya sarirena saha teneva samsarim. |167.268| Ekanavute ito kappe vipassi nama nayako uppajji carunayano sabbadhammavipassako. |167.269| Tada hi bandhumatiya brahmano sadhusammato addho santo gunenasi dhanena ca suduggato. |167.270| Tadapi tassaham asim brahmani samacetasa kadaci so dijavaro sangamesi mahamunim. |167.271| Nisinnam janakayamhi desentam amatampadam sutva dhammam pamudito adasi ekasatakam. |167.272| Gharam ekena vatthena gantvanetam mamabravi anumoda mahapunne dinnam buddhassa satakam. |167.273| Tadaham anjalim katva anumodim suvidita sudinno satako sami buddhasetthassa tadino. @Footnote: 1 Ma. Yu. vedayo. 2 Ma. purayi. 3 Ma. Yu. ekam manosilayekam ... ekikam. @4 Yu. varadharino. 5 Ma. sahava. 6 Ma. Yu. sampattiyonubhotvana. |167.274| Sukhito sajjito hutva samsaranto bhavabhave baranasipure ramme raja asi mahipati. |167.275| Tada tassa mahesiham itthigumbassa uttama tassapi 1- dutiyika asim pubbasinehena uttari 2-. |167.276| Pindaya vicarante so attha paccekanayake disva pamudito hutva datva pindam maharaham. |167.277| Buddhe 3- nimantayitvana katva ratanamandapam kammarehi katamattham 4- sovannam satahatthakam 5-. |167.278| Samanetvana te sabbe tesam danamadasi so senasane 6- pavitthanam pasanno sehi panibhi. |167.279| Tampi danam sahadasim kasirajenahantada punaham baranasiyam jata kasikagamake. |167.280| Kutumbikakule phite sukhito so sabhatuko jetthassa bhatuno jaya ahosim supatibbata. |167.281| Paccekabuddham disvana mama bhattukaniyaso bhatu bhattam tassa datva agate tamhi pavadi. |167.282| Nabhinandittha so danam tato tassa adasaham buddhananiya tam annam puno tasseva so ada. |167.283| Tam danam chaddayitvana duttha buddhassaham tada pattam kalalapunnantam adasim tassa tadino. @Footnote: 1 Ma. Yu. tassati dayita asim. 2 Ma. bhattuno. 3 Ma. puno. 4 Ma. Yu. @katam pattam. 5 Ma. Yu. vata tattakam. 6 Ma. sonnasane Yu. sovannasane. |167.284| Dane ca gahane ceva apace padusepica samacittamukham 1- disva tadaham samvijim bhusam. |167.285| Puno pattam gahetvana sodhayitva sugandhina pasannacitta puretva saghatam sakkaram adam. |167.286| Yattha yatthupapajjami surupa homi danato buddhassa apakarena duggandha madanena ca 2-. |167.287| Puno kassapadhirassa nitthapitamhi cetiye 3- sovannam itthakam varam adasim mudita aham. |167.288| Catujjatena gandhena temayitva tamitthakam 4- mutta duggandhadosamha sabbangasusamagata 5-. |167.289| Sattapatisahassani ratanehi ca sattahi karetva ghatapurani vattini ca sahassaso. |167.290| Pakkhipetva padipetva thapayim satta pantiyo pujanattham lokanathassa vippasannena cetasa. |167.291| Tadapi tasmim punnasmim bhaginiham visesato puno kasisu sanjato sumitto iti vissuto. |167.292| Tassaham bhariya asim sukhita sajjita piya tada paccekamunino adasi ghanavetthanam. |167.293| Tassapi bhagini asim moditva danamuttamam punopi kasiratthamhi jato koliyajatiya. @Footnote: 1 Yu. samacittasukham disva mahasangham cajim bhusam. 2 Ma. Yu. vadanena ca. @3 Ma. nidhayantamhi. Yu. nitthayantamhi. 4 Ma. Yu. nicayitva. @5 Yu. ...samuppagata. |167.294| Tada koliyaputtanam satehi saha pancahi panca paccekabuddhanam satani samupatthahi 1-. |167.295| Temasam vasayitvana 2- adasi 3- ca ticivaram jaya tassa tada asim punnakammapathanuga. |167.296| Tato cuto ahu raja nando nama mahayaso tassapi mahesi asim sabbakamasamiddhini. |167.297| Tato 4- ahu cavitvana brahmadatto mahipati padumavatiputtanam paccekamuninam tada. |167.298| Satani pancanunani yavajivam upatthahim rajuyyane nivasetva nibbutani ca pujayim. |167.299| Cetiyani ca karetva pabbajitva ubho mayam bhavetva appamannayo brahmalokam agamhase. |167.300| Tato cuto mahatitthe sujato pipphalayano mata sumanadevi ca kosigotto dijo pita. |167.301| Aham madde janapade sakalayam puruttame kapilassa dijassasim dhita mata sucimati. |167.302| Ghanakancanabimbena nimminitvana mam pita ada kassapadhirassa kamehi 5- vajjitassa ca. |167.303| Kadaci so taruniko 6- gantva kammantapekkhako kakadikehi khajjante pane disvana samviji. @Footnote: 1 Yu. samupatthahim. 2 Ma. tappayitvana. 3 Yu. adamsu ca ticivare. 4 Ma. tato @raja bhavitvana. Yu. cuto. 5 Yu. kama sa vajjitassa me. 6 Ma. Yu. karuniko. |167.304| Gharepaham 1- tile jate disvanatapatapane 2- kimikakehi khajjante samvegamalabhim tada. |167.305| Tada so pabbaji dhiro aham tam anupabbajim pancavassani nivasim paribbajapathe 3- aham. |167.306| Yada pabbajita asi gotami jinaposika tadaham tamupagantva buddhena anusasita. |167.307| Na cireneva kalena arahattam apapunim aho kalyanamittattam kassapassa sirimato. |167.308| Putto buddhassa dayado kassapo susamahito pubbe nivasam so 4- vedi saggapayanca passati. |167.309| Atho jatikkhayam patto abhinnavosito muni etahi tihi vijjahi tevijjo hoti brahmano. |167.310| Tatheva bhaddakapilani tevijja maccuhayini dharenti antimam deham jetva maram savahanam. |167.311| Disva adinavam loke ubho pabbajita mayam tayamha 5- khinasava danta sitibhutamha nibbuta. |167.312| Kilesa jhapita mayham bhava sabbe samuhata nagiva bandhanam chetva viharami anasava. |167.313| Svagatam vata me asi buddhasetthassa santike tisso vijja anuppatta katam buddhassa sasanam. @Footnote: 1 Ma. Yu. ghare vaham. 2 Yu. ...tapite. 3 Ma. ...vate. 4 Ma. Yu. yo. @5 Yu. amha. |167.314| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam bhaddakapilani bhikkhuni ima gathayo abhasitthati. Bhaddakapilanitheriya apadanam samattam.The Pali Tipitaka in Roman Character Volume 33 page 351-358. https://84000.org/tipitaka/read/roman_read.php?B=33&A=7147&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=7147&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=167&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=178 Study Atthakatha :- https://84000.org/tipitaka/attha/attha.php?b=33&i=167 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]