TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

                                    Pancamam sukkatheriyapadanam (35)
     [175] |175.111| Ekanavute ito kappe    vipassi nama nayako
                          uppajji carunayano        sabbadhammavipassako.
       |175.112| Tadaham bandhumatiyam           jata annatare kule
                          dhammam sutvana munino      pabbajim anagariyam.
       |175.113| Bahussuta dhammadhara       patibhanavati tatha
                          vicittakathika capi           jinasasanakarika.
       |175.114| Tada dhammakatham katva      hitaya janatam sada 1-
                          tato cutaham tusitam           upapanna yasassini.
       |175.115| Ekattimse ito kappe     sikhi viya sikhi jino
                          tapanto yasasa lokam 2-  uppajji vadatam varo.
       |175.116| Tadapi pabbajitvana      buddhasasanakovida
                          jotetva jinavakyani    tatopi tidivangata.
       |175.117| Ekattimse 3- ito kappe  vessabhu nama nayako
                          uppajjittha mahayani     tadapica tathevaham.
@Footnote: 1 Ma. bahum. Yu. ...janasamsarim. 2 Ma. loke. 3 Ma. Yu. ekattimseva kappamhi.
       |175.118| Pabbajitva dhammadhara     jotayim jinasasanam
                          gantva marupuram rammam       anubhomi 1- mahasukham.
       |175.119| Imamhi bhaddake kappe    kakusandho jinuttamo
                          uppajji narasaddulo 2-   tadapica tathevaham.
       |175.120| Pabbajim 3- jinasasanam      jotayitva yathayukam 4-
                          tato cutaham tidasam           agam sabhavanam yatha.
       |175.121| Imasmimyeva kappamhi       konagamananayako
                          uppajji vadatam 5- varo     sabbasattanamuttamo.
       |175.122| Tadapi pabbajitvana      sasane tassa tadino
                          bahussuta dhammadhara        jotayim jinasasanam.
       |175.123| Imasmimyeva kappamhi       kassapo muni sattamo 6-
                          uppajji lokasarano        arano maranantagu.
       |175.124| Tassapi naradhirassa          pabbajitvana sasane
                          pariyaputasaddhamma        paripucchavisarada.
       |175.125| Susila lajjini ceva          tisu sikkhasu kovida
                          bahum dhammakatham katva        yavajivam mahamune.
       |175.126| Tena kammavipakena         cetanapanidhihi ca
                          jahitva manusam deham       tavatimsam aganchaham.
       |175.127| Pacchime ca bhave dani       giribbajapuruttame.
                          Jata setthikule phite      maharatanasancaye.
@Footnote: 1 Ma. Yu. anubhosim. 2 Po. narasadduno. Ma. narasarano. Yu. varasaddulo.
@3 Ma. Yu. pabbajitva munimatam. 4 Yu. yathasukham. 5 Yu. uppajji ca dipavaro.
@6 Ma. munimuttamo
       |175.128| Yada bhikkhusahassena       pareto 1- lokanayako
                          upagami rajagaham            sahassakkhehi 2- vannito.
                |175.129| Danto dantehi saha puranajatilehi
                                    vippamutto vippamuttehi
                                    singinikkhasavanno
                                    rajagaham pavisi bhagava.
       |175.130| Disva buddhanubhavantam   sutva ca 3- gunasancayam
                          buddhe cittam pasadetva  pujayim tam mahabbalam 4-.
       |175.131| Aparena ca kalena           dhammadinnaya santike
                          agara nikkhamitvana      pabbajim anagariyam.
       |175.132| Kesesu chijjamanesu        kilese jhapayim aham
                          uggahim sasanam sabbam       pabbajitva na cirenaham.
       |175.133| Tato dhammam adesesim        mahajanasamagame
                          dhamme desiyamanamhi      dhammabhisamayo ahu.
       |175.134| Nekapanasahassanam        tam viditva vijimhito 5-
                          abhippasanno me yakkho    gamitvana 6- giribbajam.
       |175.135| Kim me kata rajagahe manussa  madhum pitava acchare
                          ye sukkam na payirupasanti   desentim amatampadam.
       |175.136| Tanca pana appativaniyam   asecanakamojavam
                          pivanti manne sappanna  valahakamivaddhagu.
@Footnote: 1 Ma. parivuto. 2 Ma. Yu. sahassakkhena. 3 Ma. va. 4 Ma. Yu. yathabalam.
@5 Ma. Yu. tivimhito. 6 Ma. Yu. bhamitvana.
       |175.137| Iddhisu ca vasi homi          dibbaya sotadhatuya
                          cetopariyananassa         vasi homi mahamune.
       |175.138| Pubbenivasam janami      dibbacakkhum visodhitam
                          sabbasavaparikkhina        natthi dani punabbhavo.
       |175.139| Atthadhammaniruttisu          patibhane tatheva ca
                          nanam mama mahavira         uppannam tava santike.
       |175.140| Kilesa jhapita mayham    bhava sabbe samuhata
                          nagiva bandhanam chetva      viharami anasava.
       |175.141| Svagatam vata me asi       buddhasetthassa santike
                          tisso vijja anuppatta   katam buddhassa sasanam.
       |175.142| Patisambhida catasso       vimokkhapica atthime
                          chalabhinna sacchikata     katam buddhassa sasananti.
                       Ittham sudam sukka bhikkhuni ima gathayo abhasitthati.
                                   Sukkatheriya apadanam samattam.
                                           Pancamam bhanavaram


             The Pali Tipitaka in Roman Character Volume 33 page 388-391.
https://84000.org/tipitaka/read/roman_read.php?B=33&A=7964&modeTY=2
             Compare with The Pali Tipitaka in Thai Character :-
https://84000.org/tipitaka/read/pali_read.php?B=33&A=7964&modeTY=2
             Compare with The Royal Version of Thai Tipitaka :-
https://84000.org/tipitaka/read/byitem.php?book=33.1&item=175&items=1
             Compare with The MCU Version of Thai Tipitaka :-
https://84000.org/tipitaka/pitaka_item/m_siri.php?B=33&siri=186
             Study Atthakatha :-
https://84000.org/tipitaka/attha/attha.php?b=33&i=175
             Contents of The Tipitaka Volume 33
https://84000.org/tipitaka/read/?index_33
https://84000.org/tipitaka/english/?index_33