PaliRoman Vol.33

chattham abhirupanandatheriyapadanam (36) [176] |176.143| Ekanavute ito kappe vipassi nama nayako uppajji carunayano ^1- sabbadhammesu cakkhuma. |176.144| Tadaham bandhumatiya iddhe phite mahakule @Footnote: ¹ Ma. sabbattha carudassano. Jata surupa ^1- dayita pujaniya ^2- janassa ca. |176.145| Upagantva mahaviram vipassim lokanayakam dhammam sutvana saranam upesim naranayakam. |176.146| Silesu samvuta hutva nibbute ca naruttame dhatuthupassa upari sonnachattam apujayim. |176.147| Muttacaga silavati yavajivam tato cuta jahitva manusam deham tavatimsam ^3- aganchaham. |176.148| Tada dasahi thanehi abhibhotva ^4- asesato rupasaddehi gandhehi rasehi phussanehi ca. |176.149| Ayunapica ^5- vannena sukhena yasasapica tathevadhipateyyena adhigayha virocaham. |176.150| Pacchime ca bhave dani jataham kapilavhaye dhita khemakasakkassa ^6- nanda namena vissuta. |176.151| Abhirupasampadampi ahu mekanti sucakam yadaham yobbanam patta rupavannavibhusita. |176.152| Idha ^7- mamatte sakyanam vivado sumaha ahu pabbajesi tato tato ma sakya vinassum ^8- iti. |176.153| Pabbajitvana ^9- tathagatam rupadessim naruttamam sutvana nopagacchami mama rupena gabbhita. @Footnote: ¹ Po. Yu. surupadassita. ² Po. sajanassa caham sada. Yu. sajanassa-janassa ca. @³ Ma. tavatimsupaga aham. ⁴ Ma. Yu. abhibhotvana sesake. ⁵ Po. yakasi pancavannena. @⁶ Po. sukhasakkassa. ⁷ Ma. tada mamatthe. yu idam me matthesakyanam. sakyanam. @⁸ Ma. vinassim suti. ⁹ Ma. pabbajitva tathagatam. Yu. pabbajitva tathacaham. |176.154| Ovadampi na gacchami buddhadassanabhiruka ^1- tada jino upayena upanetva sasantikam. |176.155| Tissitthiyo ^2- nidassesi iddhiya maggakovido acchararupasadisam ^3- tarunim jarikam ^4- matam. |176.156| Tayo disva susamvigga virattase ^5- kalevare atthasim bhavanibbinda ^6- tato ^7- mam aha ^8- nayako. |176.157| Aturam asucim putim passa nande samussayam uggharantam paggharantam balanam abhipatthitam ^9-. |176.158| Asubhaya cittam bhavehi ekaggam susamahitam yatha idam tatha etam yatha etam tatha idam. |176.159| Evametam avekkhanti rattindivamatandita tato sakaya pannaya abhinibbijja vacchasi. |176.160| Tassa me appamattaya vicinantidha yoniso yathabhutam ayam kayo dittho santarabahiro. |176.161| Atha nibbindiham ^10- kaye ajjhattanca virajjaham appamatta visamyutta upasantamhi nibbuta. |176.162| Iddhisu ca vasi homi dibbaya sotadhatuya cetopariyananassa vasi homi mahamune ^11-. |176.163| Pubbenivasam janami dibbacakkhum visodhitam @Footnote: ¹ Ma. ...bhiruta. ² Po. Yu. tissotthiyo. ³ Yu. acchararupasadisa taruni jarika @mata. ⁴ Po. Ma. jaritam. ⁵ Po. imasmimpi .... ⁶ Yu. ... nibbinna. @⁷ Ma. Yu. tada. ⁸ Po. atha. ⁹ Ma. abhinanditam. ¹⁰ Ma. Yu. nibbindaham. @¹¹ Ma. tada muni. |176.164| Sabbasavaparikkhina natthi dani punabbhavo. Atthadhammaniruttisu patibhane tatheva ca |176.165| nanam mama mahavira uppannam tava santike. Kilesa jhapita mayham bhava sabbe samuhata |176.166| nagiva bandhanam chetva viharami anasava. Svagatam vata me asi buddhasetthassa santike |176.167| tisso vijja anuppatta katam buddhassa sasanam. Patisambhida catasso vimokkhapica atthime |176.168| chalabhinna sacchikata katam buddhassa sasananti. Ittham sudam abhirupananda bhikkhuni ima gathayo abhasitthati. Abhirupanandatheriya apadanam samattam.

The Pali Tipitaka in Roman Character Volume 33 page 391-394. https://84000.org/tipitaka/read/roman_read.php?B=33&A=8040&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=8040&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=176&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=187 Study Atthakatha :- https://84000.org/tipitaka/attha/attha.php?b=33&i=176 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33