PaliRoman Vol.33

Tatiyo mangalabuddhavamso [4] |4.1| Kondannassa aparena mangalo nama nayako tamam loke nihantvana dhammokkamabhidharayi. |4.2| Atulasi ^4- pabha tassa jinehannehi uttari ^5- candasuriyappabham hantva dasasahassi virocati. |4.3| Sopi buddho pakasesi caturo saccavaruttame te te saccarasam pitva vinodenti mahatamam. @Footnote: ¹ Ma. Yu. asankhobha. ² Ma. Yu. pavaro. ³ Ma. Yu. citto. ⁴ Yu. atulapi. @⁵ Ma. Yu. uttarim. |4.4| Patvana bodhimatulam pathame dhammadesane kotisatasahassanam pathamabhisamayo ^1- ahu. |4.5| Surindadevabhavane buddho ^2- dhammamadesayi tada kotisatasahassanam ^3- dutiyabhisamayo ahu. |4.6| Yada sunando cakkavatti sambuddhamupasankami tada ahani sambuddho dhammabherim varuttamam. |4.7| Sunandassanucara ca ^4- tadasum navutikotiyo sabbe ^5- te niravasesa ahesum ehibhikkhuka. |4.8| Sannipata tayo asum mangalassa mahesino kotisatasahassanam pathamo asi samagamo. |4.9| Kotisatasahassanam ^6- dutiyo asi samagamo tatiye navutikotinam tatiyo asi samagamo. |4.10| Khinasavanam vimalanam tada asi samagamo aham tena samayena suruci nama brahmano. |4.11| Ajjhayiko mantadharo tinnam vedana paragu tamaham upasankamim saranam gantvana satthuno. |4.12| Sambuddhappamukham sangham gandhamalena pujayim pujetva gandhamalena gavapanena tappayim. Sopi mam buddho byakasi mangalo dipaduttamo |4.13| aparimeyye ito kappe ayam buddho bhavissati. @Footnote: ¹ Ma. dhammabhisamayo. ² Yu. yada buddho pakasayi. ³ Ma. Yu. kotisahassanam. @⁴ Ma. Yu. janata. ⁵ Ma. Yu. sabbepi. ⁶ Ma. dutiyo kotisatasahassanam. Yu. dutiyo @kotisahassanam tatiyo navutikotinam. |4.14| Ahu ^1- kapilavhaya ramma nikkhamitva tathagato padhanam padahitvana katva dukkarakarikam ^2-. |4.15| Ajapala rukkhamulasmim ^3- nisiditva tathagato tattha payasam paggayha neranjaramupehiti. |4.16| Neranjaraya tiramhi payasam adi so jino patiyatta varamaggena bodhimulamhi ehiti. |4.17| Tato padakkhinam katva bodhimandam anuttaram assattharukkhamulamhi bujjhissati mahayaso. |4.18| Imassa janika mata maya nama bhavissati pita suddhodano nama ayam hessati gotamo. |4.19| Anasava vitaraga santacitta samahita kolito upatisso ca agga hessanti savaka anando namupatthako upatthissati mam jinam. |4.20| Khema uppalavanna ca agga hessanti savika anasava vitaraga santacitta samahita. |4.21| Bodhi tassa bhagavato assatthoti pavuccati citto ca hatthalavako agga hessantupatthaka ^4-. |4.22| Nandamata ca uttara agga hessantupatthika ayu vassasatam tassa gotamassa yasassino. @Footnote: ¹ Ma. ahu .pe. tathagatoti ime patha natthi. ito param idisameva. ² Yu. sabbattha @dukkarakariyam. ³ Yu. ajapalarukkhamulasmim - yadi muncamimam jinanti ime patha @natthi. ito param idisameva. ⁴ Po. hessantu hasanti ca. |4.23| Idam sutvana vacanam asamassa mahesino amodita naramaru buddhavijankuro ayam. |4.24| Ukkutthi sadda vattanti apphotenti hasanti ca katanjali namassanti dasasahassi sadevaka. |4.25| Yadimassa lokanathassa virajjhissama sasanam anagatamhi addhane hessama sammukha imam. |4.26| Yatha manussa nadim taranta patitittham virajjhiya hettha tittham gahetvana uttaranti mahanadim. |4.27| Evameva mayam sabbe yadi muncamimam jinam. Anagatamhi addhane hessama sammukha imam. |4.28| Tassapi vacanam sutva bhiyyo cittam pasadayim uttarim vattamadhitthasim dasaparamipuriya. |4.29| Tada pitim nubruhanto sambodhivarapattiya buddhe datvana mam geham pabbajim tassa santike. |4.30| Suttantam vinayancapi navanga satthusasanam sabbam pariyapunitvana sobhayim jinasasanam. |4.31| Tatthappamatto viharanto brahmam bhavetva bhavanam abhinnasu paramim gantva brahmalokamaganchiham. |4.32| Nagaram uttaram nama uttaro nama khattiyo uttara nama janika mangalassa mahesino. |4.33| Nava vassasahassani agaram ajjhavasi ^1- so yasava sucima sirima tayo pasadamuttama. |4.34| Samatimsasahassani nariyo samalankata yasavati nama nari sivalo nama atrajo. |4.35| Nimitte caturo disva assayanena nikkhami anunaatthamasani ^2- padhanam padahi jino. |4.36| Brahmuna yacito santo mangalo lokanayako vattacakko mahaviro caresi ^3- dipaduttamo. |4.37| Sudevo dhammaseno ca ahesum aggasavaka palito namupatthako mangalassa mahesino. |4.38| Sivala ca asoka ca ahesum aggasavika bodhi tassa bhagavato nagarukkhoti vuccati. |4.39| Nando ceva visakho ca ahesum aggupatthaka anula ceva sumana ^4- ca ahesum aggupatthika. |4.40| Atthasitiratanani accuggato mahamuni tato niddhavati ramsi anekasatasahassiyo. |4.41| Navuti vassasahassani ayu vijjati tavade tavata titthamano so taresi janatam bahum. |4.42| Yathapi sagare ummi na sakka te ^5- ganetuye tatheva savaka tassa na sakka te ganetuye. @Footnote: ¹ Ma. Yu. ajjha so vasi. ito param idisameva. ² Yu. anunakam atthamasam. @³ Ma. Yu. vane sirivaruttame. ⁴ Ma. Yu. sutana. ⁵ Ma. Yu. ta. |4.43| Yava atthasi sambuddho mangalo lokanayako na tassa sasane atthi sakilesamaranam ^1- tada. |4.44| Dhammokkam dharayitvana santaretva mahajanam jalitva dhumaketuva nibbuto so mahayaso. |4.45| Sankharanam sabhavattam dassayitva sadevake jalitva aggikkhandhova suriyo atthangato yatha. |4.46| Uyyane vessare ^2- nama buddho nibbayi mangalo tatthevassa jinathupo timsayojanamuggatoti. Mangalabuddhavamso tatiyo.

The Pali Tipitaka in Roman Character Volume 33 page 443-448. https://84000.org/tipitaka/read/roman_read.php?B=33&A=9109&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=9109&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.2&item=4&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=195 Study Atthakatha :- https://84000.org/tipitaka/attha/attha.php?b=33&i=184 The Pali Atthakatha in Thai :- https://84000.org/tipitaka/atthapali/read_th.php?B=51&A=4620 The Pali Atthakatha in Roman :- https://84000.org/tipitaka/atthapali/read_rm.php?B=51&A=4620 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33