PaliRoman Vol.33

Catuttho sumanabuddhavamso [5] |5.1| Mangalassa aparena sumano nama nayako sabbadhammehi asamo sabbasattanamuttamo. |5.2| Tada ^3- amatabheriyo ahani mekhale pure dhammasankhasamayuttam navangajinasasanam. |5.3| Vijinitva ^4- kilese so patto sambodhimuttamam mapesi nagaram sattha saddhammapuravaruttamam. |5.4| Nirantaram akutilam ujum vipulavitthatam mapesi so mahavithim satipatthanavaruttamam. @Footnote: ¹ Yu. samkilesamaranam. ² Ma. vassare. Yu. vessaro. ³ Ma. tada amatabherim @so. Yu. sopi tada amatabherim. ⁴ Ma. nijjinitva. Yu. jinitvana. |5.5| Phale cattari samanne catasso patisambhida chalabhinnatthasamapatti pasaresi tattha vithiyam. |5.6| Ye appamatta akhila hiriviriyehupagata te te ime gunavare adiyanti yatha sukham. |5.7| Evametena yogena uddharanto mahajanam bodhesi pathamam sattha kotisatasahassiyo. |5.8| Yamhi kale mahaviro ovadi titthiye gane kotisatasahassani ^1- dutiye dhammadesane. |5.9| Yada deva manussa ca samagga ekamanasa nirodhapanham pucchimsu samsayancapi manasam. |5.10| Tadapi dhammadesane nirodhaparidipane navutikotisahassanam tatiyabhisamayo ahu. |5.11| Sannipata tayo asum sumanassa mahesino khinasavanam vimalanam santicittana tadinam. |5.12| Vassam vutthassa bhagavato abhisanghutthe pavarane kotisatasahassehi pavaresi tathagato. |5.13| Tato param sannipate vimale kancanapabbate navutikotisahassanam dutiyo asi samagamo. |5.14| Yada sakko devaraja buddhadassanamupagami asitikotisahassanam tatiyo asi samagamo. @Footnote: ¹ Ma. Yu. kotisahassabhismimsu. |5.15| Aham tena samayena nagaraja mahiddhiko atulo nama namena uppannakusalasancayo ^1-. |5.16| Tadaham nagabhavana nikkhamitva sanatibhi naganam dibbaturiyehi sasangham jinamupatthahim. |5.17| Kotisatasahassani ^2- annapanena tappayim paccekadussayugam datva saranam tamupagamim. |5.18| Sopi mam buddho byakasi sumano lokanayako aparimeyye ito kappe ayam buddho bhavissati. |5.19| Ahu kapilavhaya ramma nikkhamitva tathagato padhanam padahitvana katva dukkarakarikam. |5.20| Ajapalarukkhamulasmim nisiditva tathagato tattha payasam paggayha neranjaramupehiti. |5.21| Neranjaraya tiramhi payasam adi so jino patiyattavaramaggena bodhimulamhi ehiti. |5.22| Tato padakkhinam katva bodhimandam anuttaram assattharukkhamulamhi bujjhissati mahayaso. |5.23| Imassa janika mata maya nama bhavissati pita suddhodano nama ayam hessati gotamo. |5.24| Anasava vitaraga santacitta samahita kolito upatisso ca agga hessanti savaka anando namupatthako upatthissatimam jinam. @Footnote: ¹ Ma. ussannakusalancayo. Yu. ussannakusalapaccayo. ² Ma. Yu. kotisatasahassanam. |5.25| Khema uppalavanna ca agga hessanti savika anasava vitaraga santacitta samahita. |5.26| Bodhi tassa bhagavato assatthoti pavuccati citto ca hatthalavako agga hessantupatthaka. |5.27| Nandamata ca uttara agga hessantupatthika ayu vassasatam tassa gotamassa yasassino. |5.28| Idam sutvana vacanam asamassa mahesino amodita naramaru buddhavijankuro ayam. |5.29| Ukkutthisadda vattanti apphotenti hasanti ca katanjali namassanti dasasahassi sadevaka. |5.30| Yadimassa lokanathassa virajjissama sasanam anagatamhi addhane hessama sammukha imam. |5.31| Yatha manussa nadim taranta patitittham virajjhiya hetthatittham gahetvana uttaranti mahanadim. |5.32| Evameva mayam sabbe yadi muncamimam jinam anagatamhi addhane hessama sammukha imam. |5.33| Tassapi vacanam sutva bhiyyo cittam pasadayim uttarim vattamadhitthasim dasaparamipuriya. |5.34| Mekhalam nama nagaram sudatto nama khattiyo sirima nama janika sumanassa mahesino. |5.35| Navavassasahassani agaram ajjhavasi so cando sucando vatamso ^[1]- tayo pasadamuttama. |5.36| Tesatthisatasahassani nariyo samalankata vatamsaki ^2- nama nari anupamo nama atrajo. |5.37| Nimitte caturo disva hatthiyanena nikkhami anunadasamasani padhanam padahi jino. |5.38| Brahmuna yacito santo sumano lokanayako vattacakko mahaviro mekhale puravaruttame. |5.39| Sarano bhavitatto ca ahesum aggasavaka udeno namupatthako sumanassa mahesino. |5.40| Sona ca upasona ca ahesum aggasavika sopi buddho asamasamo ^3- nagamule abujjhatha. |5.41| Varuno ceva sarano ca ahesum aggupatthaka cala ca upacala ca ahesum aggupatthika. |5.42| Uccattanena ^4- so buddho navutihatthamuggato ^5- kancanagghikasankaso dasasahassi virocati. |5.43| Navutivassasahassani ayu vijjati tavade tavata titthamano so taresi janatam bahum. Taraniye tarayitva bodhaneyye ^6- abodhayi parinibbayi sambuddho ulurajava atthami. @Footnote: ¹ Ma. Yu. ca. ² Ma. Yu. vatamsika. ³ Ma. Yu. amitayaso. ⁴ Yu. uccatarena. @ito param idisameva. ⁵ Yu. ...samuggato. ⁶ Ma. Yu. bodhaniye. |5.44| Te ca khinasava bhikkhu so ca buddho asadiso ^1- atulam pabham dassayitva nibbuta te mahayasa. |5.45| Tanca nanamatuliyam tani ca atuliyani ^2- ratanani sabbam samantarahitam nanu ritta sabbasankharati. |5.46| Sumano yasadharo buddho angaramamhi nibbuto tattheva tassa jinathupo catuyojanamuggato. Sumanabuddhavamso catuttho.

The Pali Tipitaka in Roman Character Volume 33 page 448-453. https://84000.org/tipitaka/read/roman_read.php?B=33&A=9214&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=9214&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.2&item=5&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=196 Study Atthakatha :- https://84000.org/tipitaka/attha/attha.php?b=33&i=185 The Pali Atthakatha in Thai :- https://84000.org/tipitaka/atthapali/read_th.php?B=51&A=5024 The Pali Atthakatha in Roman :- https://84000.org/tipitaka/atthapali/read_rm.php?B=51&A=5024 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33