|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 34 : PALI ROMAN Sutta Pitaka Vol 26 : Abhi. Dhammasaṅgaṇi
[311] Katame dhamma akusala yasmim samaye akusalam cittam uppannam hoti somanassasahagatam ditthigatasampayuttam sasankharena ruparammanam va .pe. dhammarammanam va yam yam va panarabbha tasmim samaye phasso hoti .pe. Avikkhepo hoti .pe. Ime dhamma akusala .pe. [312] Katame dhamma akusala yasmim samaye akusalam cittam uppannam hoti somanassasahagatam ditthigatavippayuttam ruparammanam va saddarammanam va gandharammanam va rasarammanam va photthabbarammanam va dhammarammanam va yam yam va panarabbha tasmim samaye phasso hoti vedana hoti sanna hoti cetana hoti cittam hoti vitakko hoti vicaro hoti piti hoti sukham hoti cittassekaggata hoti viriyindriyam hoti samadhindriyam hoti manindriyam hoti somanassindriyam hoti jivitindriyam hoti micchasankappo hoti micchavayamo hoti micchasamadhi hoti viriyabalam hoti samadhibalam hoti ahirikabalam hoti anottappabalam hoti lobho hoti moho hoti abhijjha hoti ahirikam hoti anottappam hoti samatho hoti paggaho hoti avikkhepo hoti ye va pana tasmim samaye annepi atthi paticcasamuppanna arupino dhamma ime dhamma akusala .pe. [313] Tasmim kho pana samaye cattaro khandha honti dvayatanani Honti dve dhatuyo honti tayo ahara honti pancindriyani honti pancangikam jhanam hoti tivangiko maggo hoti cattari balani honti dve hetu honti eko phasso hoti .pe. ekam dhammayatanam hoti eka dhammadhatu hoti ye va pana tasmim samaye annepi atthi paticcasamuppanna arupino dhamma ime dhamma akusala .pe. [314] Katamo tasmim samaye sankharakkhandho hoti phasso cetana vitakko vicaro piti cittassekaggata viriyindriyam samadhindriyam jivitindriyam micchasankappo micchavayamo micchasamadhi viriyabalam samadhibalam ahirikabalam anottappabalam lobho moho abhijjha ahirikam anottappam samatho paggaho avikkhepo ye va pana tasmim samaye annepi atthi paticcasamuppanna arupino dhamma thapetva vedanakkhandham thapetva sannakkhandham thapetva vinnanakkhandham ayam tasmim samaye sankharakkhandho hoti .pe. ime dhamma akusala .pe. [315] Katame dhamma akusala yasmim samaye akusalam cittam uppannam hoti somanassasahagatam ditthigatavippayuttam sasankharena ruparammanam va .pe. dhammarammanam va yam yam va panarabbha tasmim samaye phasso hoti .pe. Avikkhepo hoti .pe. Ime dhamma akusala .pe. [316] Katame dhamma akusala yasmim samaye akusalam cittam Uppannam hoti upekkhasahagatam ditthigatasampayuttam ruparammanam va saddarammanam va gandharammanam va rasarammanam va photthabbarammanam va dhammarammanam va yam yam va panarabbha tasmim samaye phasso hoti vedana hoti sanna hoti cetana hoti cittam hoti vitakko hoti vicaro hoti upekkha hoti cittassekaggata hoti viriyindriyam hoti samadhindriyam hoti manindriyam hoti upekkhindriyam hoti jivitindriyam hoti micchaditthi hoti micchasankappo hoti micchavayamo hoti micchasamadhi hoti viriyabalam hoti samadhibalam hoti ahirikabalam hoti anottappabalam hoti lobho hoti moho hoti abhijjha hoti micchaditthi hoti ahirikam hoti anottappam hoti samatho hoti paggaho hoti avikkhepo hoti ye va pana tasmim samaye annepi atthi paticcasamuppanna arupino dhamma ime dhamma akusala. [317] Katamo tasmim samaye phasso hoti yo tasmim samaye phasso phusana samphusana samphusitattam ayam tasmim samaye phasso hoti . katama tasmim samaye vedana hoti yam tasmim samaye tajjamanovinnanadhatusamphassajam cetasikam nevasatam nasatam cetosamphassajam adukkhamasukham vedayitam cetosamphassaja adukkhamasukha vedana ayam tasmim samaye vedana hoti .pe. katama tasmim samaye upekkha hoti yam tasmim samaye cetasikam nevasatam nasatam cetosamphassajam Adukkhamasukham vedayitam cetosamphassaja adukkhamasukha vedana ayam tasmim samaye upekkha hoti .pe. katamam tasmim samaye upekkhindriyam hoti yam tasmim samaye cetasikam nevasatam nasatam cetosamphassajam adukkhamasukham vedayitam cetosamphassaja adukkhamasukha vedana idam tasmim samaye upekkhindriyam hoti .pe. ye va pana tasmim samaye annepi atthi paticcasamuppanna arupino dhamma ime dhamma akusala. [318] Tasmim kho pana samaye cattaro khandha honti dvayatanani honti dve dhatuyo honti tayo ahara honti pancindriyani honti caturangikam jhanam hoti caturangiko maggo hoti cattari balani honti dve hetu honti eko phasso hoti .pe. ekam dhammayatanam hoti eka dhammadhatu hoti ye va pana tasmim samaye annepi atthi paticcasamuppanna arupino dhamma ime dhamma akusala .pe. [319] Katamo tasmim samaye sankharakkhandho hoti phasso cetana vitakko vicaro cittassekaggata viriyindriyam samadhindriyam jivitindriyam micchaditthi micchasankappo micchavayamo micchasamadhi viriyabalam samadhibalam ahirikabalam anottappabalam lobho moho abhijjha micchaditthi ahirikam anottappam samatho paggaho avikkhepo ye va pana tasmim samaye annepi atthi paticcasamuppanna arupino dhamma thapetva vedanakkhandham thapetva sannakkhandham thapetva Vinnanakkhandham ayam tasmim samaye sankharakkhandho hoti .pe. Ime dhamma akusala. [320] Katame dhamma akusala yasmim samaye akusalam cittam uppannam hoti upekkhasahagatam ditthigatasampayuttam sasankharena ruparammanam va .pe. dhammarammanam va yam yam va panarabbha tasmim samaye phasso hoti .pe. Avikkhepo hoti .pe. Ime dhamma akusala .pe. [321] Katame dhamma akusala yasmim samaye akusalam cittam uppannam hoti upekkhasahagatam ditthigatavippayuttam ruparammanam va saddarammanam va gandharammanam va rasarammanam va photthabbarammanam va dhammarammanam va yam yam va panarabbha tasmim samaye phasso hoti vedana hoti sanna hoti cetana hoti cittam hoti vitakko hoti vicaro hoti upekkha hoti cittassekaggata hoti viriyindriyam hoti samadhindriyam hoti manindriyam hoti upekkhindriyam hoti jivitindriyam hoti micchasankappo hoti micchavayamo hoti micchasamadhi hoti viriyabalam hoti samadhibalam hoti ahirikabalam hoti anottappabalam hoti lobho hoti moho hoti abhijjha hoti ahirikam hoti anottappam hoti samatho hoti paggaho hoti avikkhepo hoti ye va pana tasmim samaye annepi atthi paticcasamuppanna arupino dhamma ime dhamma akusala .pe. [322] Tasmim kho pana samaye cattaro khandha honti dvayatanani Honti dve dhatuyo honti tayo ahara honti pancindriyani honti caturangikam jhanam hoti tivangiko maggo hoti cattari balani honti dve hetu honti eko phasso hoti .pe. Ekam dhammayatanam hoti eka dhammadhatu hoti ye va pana tasmim samaye annepi atthi paticcasamuppanna arupino dhamma ime dhamma akusala .pe. [323] Katamo tasmim samaye sankharakkhandho hoti phasso cetana vitakko vicaro cittassekaggata viriyindriyam samadhindriyam jivitindriyam micchasankappo micchavayamo micchasamadhi viriyabalam samadhibalam ahirikabalam anottappabalam lobho moho abhijjha ahirikam anottappam samatho paggaho avikkhepo ye va pana tasmim samaye annepi atthi paticcasamuppanna arupino dhamma thapetva vedanakkhandham thapetva sannakkhandham thapetva vinnanakkhandham ayam tasmim samaye sankharakkhandho hoti .pe. Ime dhamma akusala. [324] Katame dhamma akusala yasmim samaye akusalam cittam uppannam hoti upekkhasahagatam ditthigatavippayuttam sasankharena ruparammanam va .pe. dhammarammanam va yam yam va panarabbha tasmim samaye phasso hoti .pe. avikkhepo hoti .pe. ime dhamma akusala .pe. [325] Katame dhamma akusala yasmim samaye akusalam cittam Uppannam hoti domanassasahagatam patighasampayuttam ruparammanam va saddarammanam va gandharammanam va rasarammanam va photthabbarammanam va dhammarammanam va yam yam va panarabbha tasmim samaye phasso hoti vedana hoti sanna hoti cetana hoti cittam hoti vitakko hoti vicaro hoti dukkham hoti cittassekaggata hoti viriyindriyam hoti samadhindriyam hoti manindriyam hoti domanassindriyam hoti jivitindriyam hoti micchasankappo hoti micchavayamo hoti micchasamadhi hoti viriyabalam hoti samadhibalam hoti ahirikabalam hoti anottappabalam hoti doso hoti moho hoti byapado hoti ahirikam hoti anottappam hoti samatho hoti paggaho hoti avikkhepo hoti ye va pana tasmim samaye annepi atthi paticcasamuppanna arupino dhamma ime dhamma akusala. [326] Katamo tasmim samaye phasso hoti yo tasmim samaye phasso phusana samphusana samphusitattam ayam tasmim samaye phasso hoti . katama tasmim samaye vedana hoti yam tasmim samaye tajjamanovinnanadhatusamphassajam cetasikam asatam cetasikam dukkham cetosamphassajam asatam dukkham vedayitam cetosamphassaja asata dukkha vedana ayam tasmim samaye vedana hoti .pe. katamam tasmim samaye dukkham hoti yam tasmim samaye cetasikam asatam cetasikam dukkham cetosamphassajam asatam dukkham vedayitam cetosamphassaja asata Dukkha vedana idam tasmim samaye dukkham hoti .pe. katamam tasmim samaye domanassindriyam hoti yam tasmim samaye cetasikam asatam cetasikam dukkham cetosamphassajam asatam dukkham vedayitam cetosamphassaja asata dukkha vedana idam tasmim samaye domanassindriyam hoti .pe. katamo tasmim samaye doso hoti yo tasmim samaye doso dusana dusitattam byapatti byapajjana byapajjitattam virodho pativirodho candikkam asuropo anattamanata cittassa ayam tasmim samaye doso hoti .pe. katamo tasmim samaye byapado hoti yo tasmim samaye doso dusana dusitattam byapatti byapajjana byapajjitattam virodho pativirodho candikkam asuropo anattamanata cittassa ayam tasmim samaye byapado hoti .pe. ye va pana tasmim samaye annepi atthi paticcasamuppanna arupino dhamma ime dhamma akusala. [327] Tasmim kho pana samaye cattaro khandha honti dvayatanani honti dve dhatuyo honti tayo ahara honti pancindriyani honti caturangikam jhanam hoti tivangiko maggo hoti cattari balani honti dve hetu honti eko phasso hoti .pe. ekam dhammayatanam hoti eka dhammadhatu hoti ye va pana tasmim samaye annepi atthi paticcasamuppanna arupino dhamma ime dhamma akusala .pe. [328] Katamo tasmim samaye sankharakkhandho hoti phasso cetana vitakko vicaro cittassekaggata viriyindriyam samadhindriyam jivitindriyam micchasankappo micchavayamo micchasamadhi viriyabalam samadhibalam ahirikabalam anottappabalam doso moho byapado ahirikam anottappam samatho paggaho avikkhepo ye va pana tasmim samaye annepi atthi paticcasamuppanna arupino dhamma thapetva vedanakkhandham thapetva sannakkhandham thapetva vinnanakkhandham ayam tasmim samaye sankharakkhandho hoti .pe. ime dhamma akusala. [329] Katame dhamma akusala yasmim samaye akusalam cittam uppannam hoti domanassasahagatam patighasampayuttam sasankharena ruparammanam va .pe. dhammarammanam va yam yam va panarabbha tasmim samaye phasso hoti .pe. avikkhepo hoti .pe. ime dhamma akusala .pe. [330] Katame dhamma akusala yasmim samaye akusalam cittam uppannam hoti upekkhasahagatam vicikicchasampayuttam ruparammanam va saddarammanam va gandharammanam va rasarammanam va photthabbarammanam va dhammarammanam va yam yam va panarabbha tasmim samaye phasso hoti vedana hoti sanna hoti cetana hoti cittam hoti vitakko hoti vicaro hoti upekkha hoti cittassekaggata hoti Viriyindriyam hoti manindriyam hoti upekkhindriyam hoti jivitindriyam hoti micchasankappo hoti micchavayamo hoti viriyabalam hoti ahirikabalam hoti anottappabalam hoti vicikiccha hoti moho hoti ahirikam hoti anottappam hoti paggaho hoti avikkhepo hoti ye va pana tasmim samaye annepi atthi paticcasamuppanna arupino dhamma ime dhamma akusala. [331] Katamo tasmim samaye phasso hoti yo tasmim samaye phasso phusana samphusana samphusitattam ayam tasmim samaye phasso hoti .pe. katama tasmim samaye cittassekaggata hoti ya tasmim samaye cittassa thiti ayam tasmim samaye cittassekaggata hoti .pe. katama tasmim samaye vicikiccha hoti ya tasmim samaye kankha kankhayana kankhayitattam vimati vicikiccha dvelhakam dvedhapatho samsayo anekamsagaho asappana parisappana apariyogahana thambhitattam cittassa manovilekho ayam tasmim samaye vicikiccha hoti .pe. Ye va pana tasmim samaye annepi atthi paticcasamuppanna arupino dhamma ime dhamma akusala. [332] Tasmim kho pana samaye cattaro khandha honti dvayatanani honti dve dhatuyo honti tayo ahara honti cattari indriyani honti caturangikam jhanam hoti duvangiko maggo hoti tini balani honti eko hetu hoti eko phasso hoti .pe. Ekam dhammayatanam Hoti eka dhammadhatu hoti ye va pana tasmim samaye annepi atthi paticcasamuppanna arupino dhamma ime dhamma akusala .pe. [333] Katamo tasmim samaye sankharakkhandho hoti phasso cetana vitakko vicaro cittassekaggata viriyindriyam jivitindriyam micchasankappo micchavayamo viriyabalam ahirikabalam anottappabalam vicikiccha moho ahirikam anottappam paggaho ye va pana tasmim samaye annepi atthi paticcasamuppanna arupino dhamma thapetva vedanakkhandham thapetva sannakkhandham thapetva vinnanakkhandham ayam tasmim samaye sankharakkhandho hoti .pe. Ime dhamma akusala. [334] Katame dhamma akusala yasmim samaye akusalam cittam uppannam hoti upekkhasahagatam uddhaccasampayuttam ruparammanam va saddarammanam va gandharammanam va rasarammanam va photthabbarammanam va dhammarammanam va yam yam va panarabbha tasmim samaye phasso hoti vedana hoti sanna hoti cetana hoti cittam hoti vitakko hoti vicaro hoti upekkha hoti cittassekaggata hoti viriyindriyam hoti samadhindriyam hoti manindriyam hoti upekkhindriyam hoti jivitindriyam hoti micchasankappo hoti micchavayamo hoti micchasamadhi hoti viriyabalam hoti samadhibalam hoti ahirikabalam hoti anottappabalam hoti uddhaccam hoti moho hoti ahirikam hoti anottappam hoti samatho hoti paggaho hoti avikkhepo hoti Ye va pana tasmim samaye annepi atthi paticcasamuppanna arupino dhamma ime dhamma akusala. [335] Katamo tasmim samaye phasso hoti yo tasmim samaye phasso phusana samphusana samphusitattam ayam tasmim samaye phasso hoti .pe. katamam tasmim samaye uddhaccam hoti yam tasmim samaye cittassa uddhaccam avupasamo cetaso vikkhepo bhantattam cittassa idam tasmim samaye uddhaccam hoti .pe. ye va pana tasmim samaye annepi atthi paticcasamuppanna arupino dhamma ime dhamma akusala .pe. [336] Tasmim kho pana samaye cattaro khandha honti dvayatanani honti dve dhatuyo honti tayo ahara honti pancindriyani honti caturangikam jhanam hoti tivangiko maggo hoti cattari balani honti eko hetu hoti eko phasso hoti .pe. ekam dhammayatanam hoti eka dhammadhatu hoti ye va pana tasmim samaye annepi atthi paticcasamuppanna arupino dhamma ime dhamma akusala .pe. [337] Katamo tasmim samaye sankharakkhandho hoti phasso cetana vitakko vicaro cittassekaggata viriyindriyam samadhindriyam jivitindriyam micchasankappo micchavayamo micchasamadhi viriyabalam samadhibalam ahirikabalam anottappabalam uddhaccam moho ahirikam anottappam Samatho paggaho avikkhepo ye va pana tasmim samaye annepi atthi paticcasamuppanna arupino dhamma thapetva vedanakkhandham thapetva sannakkhandham thapetva vinnanakkhandham ayam tasmim samaye sankharakkhandho hoti .pe. Ime dhamma akusala. Dvadasa akusalacittani. --------The Pali Tipitaka in Roman Character Volume 34 page 116-128. https://84000.org/tipitaka/read/roman_read.php?B=34&A=2327&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=34&A=2327&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=34&item=311&items=27 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=34&siri=37 Study Atthakatha :- https://84000.org/tipitaka/attha/attha.php?b=34&i=311 The Pali Atthakatha in Thai :- https://84000.org/tipitaka/atthapali/read_th.php?B=53&A=7796 The Pali Atthakatha in Roman :- https://84000.org/tipitaka/atthapali/read_rm.php?B=53&A=7796 Contents of The Tipitaka Volume 34 https://84000.org/tipitaka/read/?index_34 https://84000.org/tipitaka/english/?index_34
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]