PaliRoman Vol.35

Saccavibhango [144] Cattari ariyasaccani dukkham ariyasaccam dukkhasamudayo ariyasaccam dukkhanirodho ariyasaccam dukkhanirodhagamini patipada ariyasaccam. [145] Tattha katamam dukkham ariyasaccam jatipi dukkha jarapi dukkha maranampi dukkham sokaparidevadukkhadomanassupayasapi dukkha Appiyehi sampayogo dukkho piyehi vippayogo dukkho yampiccham na labhati tampi dukkham sankhittena pancupadanakkhandha dukkha. [146] Tattha katama jati ya tesam tesam sattanam tamhi tamhi sattanikaye jati sanjati okkanti abhinibbatti khandhanam patubhavo ayatananam patilabho ayam vuccati jati. [147] Tattha katama jara ya tesam tesam sattanam tamhi tamhi sattanikaye jara jiranata khandiccam paliccam valittacata ayuno samhani indriyanam paripako ayam vuccati jara. [148] Tattha katamam maranam ya tesam tesam sattanam tamha tamha sattanikaya cuti cavanata bhedo antaradhanam maccu maranam kalakiriya khandhanam bhedo kalevarassa nikkhepo jivitindriyassa upacchedo idam vuccati maranam. [149] Tattha katamo soko natibyasanena va phutthassa bhogabyasanena va phutthassa rogabyasanena va phutthassa silabyasanena va phutthassa ditthibyasanena va phutthassa annatarannatarena byasanena samannagatassa annatarannatarena dukkhadhammena phutthassa soko socana socitattam antosoko antoparisoko cetaso parijjhayana domanassam sokasallam ayam vuccati soko. [150] Tattha katamo paridevo natibyasanena va phutthassa bhogabyasanena va phutthassa rogabyasanena va phutthassa silabyasanena Va phutthassa ditthibyasanena va phutthassa annatarannatarena byasanena samannagatassa annatarannatarena dukkhadhammena phutthassa adevo paridevo adevana paridevana adevitattam paridevitattam vaca palapo vippalapo lalapo lalapana lalapitattam ayam vuccati paridevo. [151] Tattha katamam dukkham yam kayikam asatam kayikam dukkham kayasamphassajam asatam dukkham vedayitam kayasamphassaja asata dukkha vedana idam vuccati dukkham. [152] Tattha katamam domanassam yam cetasikam asatam cetasikam dukkham cetosamphassajam asatam dukkham vedayitam cetosamphassaja asata dukkha vedana idam vuccati domanassam. [153] Tattha katamo upayaso natibyasanena va phutthassa bhogabyasanena va phutthassa rogabyasanena va phutthassa silabyasanena va phutthassa ditthibyasanena va phutthassa annatarannatarena byasanena samannagatassa annatarannatarena dukkhadhammena phutthassa ayaso upayaso ayasitattam upayasitattam ayam vuccati upayaso. [154] Tattha katamo appiyehi sampayogo dukkho idha yassa te honti anittha akanta amanapa rupa sadda gandha rasa photthabba ye va panassa te honti anatthakama ahitakama aphasukama ayogakkhemakama ya tehi sangati samagamo samodhanam missibhavo ayam vuccati appiyehi sampayogo dukkho. [155] Tattha katamo piyehi vippayogo dukkho idha yassa te honti ittha kanta manapa rupa sadda gandha rasa photthabba ye va panassa te honti atthakama hitakama phasukama yogakkhemakama mata va pita va bhata va bhagini va mitta va amacca va natisalohita va ya tehi asangati asamagamo asamodhanam amissibhavo ayam vuccati piyehi vippayogo dukkho. [156] Tattha katamam yampiccham na labhati tampi dukkham jatidhammanam sattanam evam iccha uppajjati aho vata mayam na jatidhamma assama na ca vata no jati agaccheyyati na kho panetam icchaya pattabbam idampi yampiccham na labhati tampi dukkham jaradhammanam sattanam .pe. byadhidhammanam sattanam .pe. maranadhammanam sattanam .pe. sokaparidevadukkhadomanassupayasadhammanam sattanam evam iccha uppajjati aho vata mayam na sokaparidevadukkhadomanassupayasadhamma assama na ca vata no sokaparidevadukkhadomanassupayasa agaccheyyunti na kho panetam icchaya pattabbam idampi yampiccham na labhati tampi dukkham. [157] Tattha katame sankhittena pancupadanakkhandha dukkha seyyathidam rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho ime vuccanti Sankhittena pancupadanakkhandha dukkha. Idam vuccati dukkham ariyasaccam. [158] Tattha katamam dukkhasamudayo ariyasaccam yayam tanha ponobbhavika nandiragasahagata tatratatrabhinandini seyyathidam kamatanha bhavatanha vibhavatanha. [159] Sa kho panesa tanha kattha uppajjamana uppajjati kattha nivisamana nivisati . yam loke piyarupam satarupam etthesa tanha uppajjamana uppajjati ettha nivisamana nivisati . Kinca loke piyarupam satarupam . cakkhum loke piyarupam satarupam etthesa tanha uppajjamana uppajjati ettha nivisamana nivisati sotam .pe. ghanam jivha kayo mano loke piyarupam satarupam etthesa tanha uppajjamana uppajjati ettha nivisamana nivisati. {159.1} Rupa loke piyarupam satarupam etthesa tanha uppajjamana uppajjati ettha nivisamana nivisati sadda .pe. Gandha rasa photthabba dhamma loke piyarupam satarupam etthesa tanha uppajjamana uppajjati ettha nivisamana nivisati. {159.2} Cakkhuvinnanam loke piyarupam satarupam etthesa tanha uppajjamana uppajjati ettha nivisamana nivisati sotavinnanam .pe. ghanavinnanam jivhavinnanam kayavinnanam manovinnanam loke piyarupam satarupam etthesa tanha uppajjamana uppajjati Ettha nivisamana nivisati. {159.3} Cakkhusamphasso loke piyarupam satarupam etthesa tanha uppajjamana uppajjati ettha nivisamana nivisati sotasamphasso .pe. ghanasamphasso jivhasamphasso kayasamphasso manosamphasso loke piyarupam satarupam etthesa tanha uppajjamana uppajjati ettha nivisamana nivisati. {159.4} Cakkhusamphassaja vedana loke piyarupam satarupam etthesa tanha uppajjamana uppajjati ettha nivisamana nivisati sotasamphassaja vedana .pe. ghanasamphassaja vedana jivhasamphassaja vedana kayasamphassaja vedana manosamphassaja vedana loke piyarupam satarupam etthesa tanha uppajjamana uppajjati ettha nivisamana nivisati. {159.5} Rupasanna loke piyarupam satarupam etthesa tanha uppajjamana uppajjati ettha nivisamana nivisati saddasanna .pe. gandhasanna rasasanna photthabbasanna dhammasanna loke piyarupam satarupam etthesa tanha uppajjamana uppajjati ettha nivisamana nivisati. {159.6} Rupasancetana loke piyarupam satarupam etthesa tanha uppajjamana uppajjati ettha nivisamana nivisati saddasancetana .pe. Gandhasancetana rasasancetana photthabbasancetana dhammasancetana loke piyarupam satarupam etthesa tanha uppajjamana uppajjati ettha nivisamana nivisati. {159.7} Rupatanha loke piyarupam satarupam etthesa tanha uppajjamana uppajjati ettha nivisamana Nivisati saddatanha .pe. gandhatanha rasatanha photthabbatanha dhammatanha loke piyarupam satarupam etthesa tanha uppajjamana uppajjati ettha nivisamana nivisati. {159.8} Rupavitakko loke piyarupam satarupam etthesa tanha uppajjamana uppajjati ettha nivisamana nivisati saddavitakko .pe. Gandhavitakko rasavitakko photthabbavitakko dhammavitakko loke piyarupam satarupam etthesa tanha uppajjamana uppajjati ettha nivisamana nivisati. {159.9} Rupavicaro loke piyarupam satarupam etthesa tanha uppajjamana uppajjati ettha nivisamana nivisati saddavicaro .pe. Gandhavicaro rasavicaro photthabbavicaro dhammavicaro loke piyarupam satarupam etthesa tanha uppajjamana uppajjati ettha nivisamana nivisati. Idam vuccati dukkhasamudayo ariyasaccam. [160] Tattha katamam dukkhanirodho ariyasaccam yo tassayeva tanhaya asesaviraganirodho cago patinissaggo mutti analayo. [161] Sa kho panesa tanha kattha pahiyamana pahiyati kattha nirujjhamana nirujjhati . yam loke piyarupam satarupam etthesa tanha pahiyamana pahiyati ettha nirujjhamana nirujjhati . kinca loke piyarupam satarupam . cakkhum loke piyarupam satarupam etthesa tanha pahiyamana pahiyati ettha nirujjhamana nirujjhati sotam .pe. Ghanam jivha kayo mano loke piyarupam satarupam etthesa tanha pahiyamana pahiyati ettha nirujjhamana nirujjhati . rupa loke piyarupam satarupam etthesa tanha pahiyamana pahiyati ettha nirujjhamana nirujjhati sadda .pe. gandha rasa photthabba dhamma loke piyarupam satarupam etthesa tanha pahiyamana pahiyati ettha nirujjhamana nirujjhati. {161.1} Cakkhuvinnanam loke piyarupam satarupam etthesa tanha pahiyamana pahiyati ettha nirujjhamana nirujjhati sotavinnanam .pe. Ghanavinnanam jivhavinnanam kayavinnanam manovinnanam loke piyarupam satarupam etthesa tanha pahiyamana pahiyati ettha nirujjhamana nirujjhati. {161.2} Cakkhusamphasso loke piyarupam satarupam etthesa tanha pahiyamana pahiyati ettha nirujjhamana nirujjhati sotasamphasso .pe. Ghanasamphasso jivhasamphasso kayasamphasso manosamphasso loke piyarupam satarupam etthesa tanha pahiyamana pahiyati ettha nirujjhamana nirujjhati. {161.3} Cakkhusamphassaja vedana loke piyarupam satarupam etthesa tanha pahiyamana pahiyati ettha nirujjhamana nirujjhati sotasamphassaja vedana .pe. ghanasamphassaja vedana jivhasamphassaja vedana kayasamphassaja vedana manosamphassaja vedana loke piyarupam satarupam etthesa tanha pahiyamana pahiyati ettha nirujjhamana nirujjhati . rupasanna loke piyarupam Satarupam etthesa tanha pahiyamana pahiyati ettha nirujjhamana nirujjhati saddasanna .pe. gandhasanna rasasanna photthabbasanna dhammasanna loke piyarupam satarupam etthesa tanha pahiyamana pahiyati ettha nirujjhamana nirujjhati. {161.4} Rupasancetana loke piyarupam satarupam etthesa tanha pahiyamana pahiyati ettha nirujjhamana nirujjhati saddasancetana .pe. gandhasancetana rasasancetana photthabbasancetana dhammasancetana loke piyarupam satarupam etthesa tanha pahiyamana pahiyati ettha nirujjhamana nirujjhati. {161.5} Rupatanha loke piyarupam satarupam etthesa tanha pahiyamana pahiyati ettha nirujjhamana nirujjhati saddatanha .pe. gandhatanha rasatanha photthabbatanha dhammatanha loke piyarupam satarupam etthesa tanha pahiyamana pahiyati ettha nirujjhamana nirujjhati. {161.6} Rupavitakko loke piyarupam satarupam etthesa tanha pahiyamana pahiyati ettha nirujjhamana nirujjhati saddavitakko .pe. Gandhavitakko rasavitakko photthabbavitakko dhammavitakko loke piyarupam satarupam etthesa tanha pahiyamana pahiyati ettha nirujjhamana nirujjhati. {161.7} Rupavicaro loke piyarupam satarupam etthesa tanha pahiyamana pahiyati ettha nirujjhamana nirujjhati saddavicaro .pe. Gandhavicaro rasavicaro photthabbavicaro dhammavicaro loke piyarupam satarupam etthesa tanha Pahiyamana pahiyati ettha nirujjhamana nirujjhati. Idam vuccati dukkhanirodho ariyasaccam. [162] Tattha katamam dukkhanirodhagamini patipada ariyasaccam. Ayameva ariyo atthangiko maggo . seyyathidam . sammaditthi sammasankappo sammavaca sammakammanto sammaajivo sammavayamo sammasati sammasamadhi. [163] Tattha katama sammaditthi dukkhe nanam dukkhasamudaye nanam dukkhanirodhe nanam dukkhanirodhagaminiya patipadaya nanam ayam vuccati sammaditthi. [164] Tattha katamo sammasankappo nekkhammasankappo abyapadasankappo avihimsasankappo ayam vuccati sammasankappo. [165] Tattha katama sammavaca musavada veramani pisunaya vacaya veramani pharusaya vacaya veramani samphappalapa veramani ayam vuccati sammavaca. [166] Tattha katamo sammakammanto panatipata veramani adinnadana veramani kamesu micchacara veramani ayam vuccati sammakammanto. [167] Tattha katamo sammaajivo idha ariyasavako micchaajivam pahaya sammaajivena jivitam kappeti ayam vuccati sammaajivo. [168] Tattha katamo sammavayamo idha bhikkhu anuppannanam papakanam akusalanam dhammanam anuppadaya chandam janeti vayamati viriyam arabhati cittam pagganhati padahati uppannanam papakanam akusalanam dhammanam pahanaya .pe. anuppannanam kusalanam dhammanam uppadaya .pe. uppannanam kusalanam dhammanam thitiya asammosaya bhiyyobhavaya vepullaya bhavanaya paripuriya chandam janeti vayamati viriyam arabhati cittam pagganhati padahati ayam vuccati sammavayamo. [169] Tattha katama sammasati idha bhikkhu kaye kayanupassi viharati atapi sampajano satima vineyya loke abhijjhadomanassam vedanasu .pe. citte .pe. dhammesu dhammanupassi viharati atapi sampajano satima vineyya loke abhijjhadomanassam ayam vuccati sammasati. [170] Tattha katamo sammasamadhi idha bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati pitiya ca viraga upekkhako ca viharati sato ca sampajano sukhanca kayena patisamvedeti yantam ariya acikkhanti upekkhako satima sukhavihariti tatiyam jhanam Upasampajja viharati sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharati ayam vuccati sammasamadhi. Idam vuccati dukkhanirodhagamini patipada ariyasaccam. Suttantabhajaniyam.

The Pali Tipitaka in Roman Character Volume 35 page 127-138. https://84000.org/tipitaka/read/roman_read.php?B=35&A=2598&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=35&A=2598&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=35&item=144&items=27 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=35&siri=14 Study Atthakatha :- https://84000.org/tipitaka/attha/attha.php?b=35&i=144 The Pali Atthakatha in Thai :- https://84000.org/tipitaka/atthapali/read_th.php?B=54&A=2078 The Pali Atthakatha in Roman :- https://84000.org/tipitaka/atthapali/read_rm.php?B=54&A=2078 Contents of The Tipitaka Volume 35 https://84000.org/tipitaka/read/?index_35 https://84000.org/tipitaka/english/?index_35