PaliRoman Vol.36

Pancakaniddeso [141] Tatra yvayam puggalo arambhati ca vippatisari ca hoti tanca cetovimuttim pannavimuttim yathabhutam nappajanati yatthassa te uppanna papaka akusala dhamma aparisesa nirujjhanti so evamassa vacaniyo ayasmato kho arambhaja asava samvijjanti vippatisaraja asava pavaddhanti sadhu vatayasma arambhaje asave pahaya vippatisaraje asave pativinodetva cittam pannanca bhavetu evamayasma amuna pancamena puggalena samasamo bhavissatiti. {141.1} Tatra yvayam puggalo arambhati na vippatisari hoti tanca cetovimuttim pannavimuttim yathabhutam nappajanati yatthassa te uppanna papaka akusala dhamma aparisesa nirujjhanti so evamassa vacaniyo ayasmato kho arambhaja asava samvijjanti vippatisaraja asava nappavaddhanti sadhu vatayasma arambhaje asave pahaya cittam pannanca bhavetu evamayasma amuna pancamena puggalena samasamo bhavissatiti. {141.2} Tatra yvayam puggalo na arambhati vippatisari hoti tanca cetovimuttim pannavimuttim yathabhutam nappajanati yatthassa te uppanna papaka akusala dhamma aparisesa nirujjhanti so evamassa vacaniyo ayasmato kho arambhaja asava na samvijjanti Vippatisaraja asava pavaddhanti sadhu vatayasma vippatisaraje asave pativinodetva cittam pannanca bhavetu evamayasma amuna pancamena puggalena samasamo bhavissatiti. {141.3} Tatra yvayam puggalo na arambhati na vippatisari hoti tanca cetovimuttim pannavimuttim yathabhutam nappajanati yatthassa te uppanna papaka akusala dhamma aparisesa nirujjhanti so evamassa vacaniyo ayasmato kho arambhaja asava na samvijjanti vippatisaraja asava nappavaddhanti sadhu vatayasma cittam pannanca bhavetu evamayasma amuna pancamena puggalena samasamo bhavissatiti . Ime cattaro puggala amuna pancamena puggalena evam ovadiyamana evamanusasiyamana anupubbena asavanam khayam papunanti. [142] Kathanca puggalo datva avajanati idhekacco puggalo yassa puggalassa deti civarapindapatasenasanagilanapaccayabhesajjaparikkharam tassa evam hoti aham dammi ayam pana patigganhatiti tamenam datva avajanati evam puggalo datva avajanati. {142.1} Kathanca puggalo samvasena avajanati idhekacco puggalo yena puggalena saddhim samvasati dve va tini va vassani tamenam samvasena avajanati evam puggalo samvasena avajanati. {142.2} Kathanca puggalo adheyyamukho hoti idhekacco puggalo parassa vanne va avanne va bhasiyamane khippanneva adhimuccita hoti evam puggalo adheyyamukho Hoti. {142.3} Kathanca puggalo lolo hoti idhekacco puggalo ittarasaddho hoti ittarabhatti ittarapemo ittarappasado evam puggalo lolo hoti. {142.4} Kathanca puggalo mando momuho hoti idhekacco puggalo kusalakusale dhamme na janati savajjanavajje dhamme na janati hinappanite dhamme na janati kanhasukkasappatibhage dhamme na janati evam puggalo mando momuho hoti. Tattha katame panca yodhajivupama puggala [143] Panca yodhajiva idhekacco yodhajivo rajagganneva disva samsidati visidati na santhambhati na sakkoti sangamam otaritum evarupopi idhekacco yodhajivo hoti ayam pathamo yodhajivo santo samvijjamano lokasmim. {143.1} Puna caparam idhekacco yodhajivo sahati rajaggam apica kho dhajagganneva disva samsidati visidati na santhambhati na sakkoti sangamam otaritum evarupopi idhekacco yodhajivo hoti ayam dutiyo yodhajivo santo samvijjamano lokasmim. {143.2} Puna caparam idhekacco yodhajivo sahati rajaggam sahati dhajaggam apica kho ussadananneva sutva samsidati visidati na santhambhati na sakkoti sangamam otaritum evarupopi idhekacco yodhajivo hoti ayam tatiyo yodhajivo santo samvijjamano lokasmim. {143.3} Puna caparam idhekacco yodhajivo sahati rajaggam sahati dhajaggam sahati ussadanam apica kho sampahare hannati byapajjati evarupopi idhekacco yodhajivo hoti ayam catuttho Yodhajivo santo samvijjamano lokasmim. {143.4} Puna caparam idhekacco yodhajivo sahati rajaggam sahati dhajaggam sahati ussadanam sahati sampaharam so tam sangamam abhivijinitva vijitasangamo tameva sangamasisam ajjhavasati evarupopi idhekacco yodhajivo hoti ayam pancamo yodhajivo santo samvijjamano lokasmim. Ime panca yodhajiva santo samvijjamana lokasmim. [144] Evameva pancime yodhajivupama puggala santo samvijjamana bhikkhusu . katame panca . idhekacco bhikkhu rajagganneva disva samsidati visidati na santhambhati na sakkoti brahmacariyam santanetum sikkhadubbalyam avikatva sikkham paccakkhaya hinayavattati . kimassa rajaggasmim . Idha bhikkhu sunati amukasmim nama game va nigame va itthi va kumari va abhirupa dassaniya pasadika paramaya vannapokkharataya samannagatati so tam sutva samsidati visidati na santhambhati na sakkoti brahmacariyam santanetum sikkhadubbalyam avikatva sikkham paccakkhaya hinayavattati idamassa rajaggasmim. {144.1} Seyyathapi so yodhajivo rajagganneva disva samsidati visidati na santhambhati na sakkoti sangamam otaritum tathupamo ayam puggalo. Evarupopi idhekacco puggalo hoti . Ayam pathamo yodhajivupamo puggalo santo samvijjamano bhikkhusu . puna caparam idhekacco bhikkhu sahati rajaggam apica kho dhajagganneva disva samsidati visidati na Santhambhati na sakkoti brahmacariyam santanetum sikkhadubbalyam avikatva sikkham paccakkhaya hinayavattati . kimassa dhajaggasmim . Idha bhikkhu na heva kho sunati amukasmim nama game va nigame va itthi va kumari va abhirupa dassaniya pasadika paramaya vannapokkharataya samannagatati apica kho samam passati itthim va kumarim va abhirupam dassaniyam pasadikam paramaya vannapokkharataya samannagatam so tam disva samsidati visidati na santhambhati na sakkoti brahmacariyam santanetum sikkhadubbalyam avikatva sikkham paccakkhaya hinayavattati idamassa dhajaggasmim. {144.2} Seyyathapi so yodhajivo sahati rajaggam apica kho dhajagganneva disva samsidati visidati na santhambhati na sakkoti sangamam otaritum tathupamo ayam puggalo . Evarupopi idhekacco puggalo hoti. Ayam dutiyo yodhajivupamo puggalo santo samvijjamano bhikkhusu. {144.3} Puna caparam idhekacco bhikkhu sahati rajaggam sahati dhajaggam apica kho ussadananneva sutva samsidati visidati na santhambhati na sakkoti brahmacariyam santanetum sikkhadubbalyam avikatva sikkham paccakkhaya hinayavattati . kimassa ussadanaya . idha bhikkhum arannagatam va rukkhamulagatam va sunnagaragatam va matugamo upasankamitva uhasati ullapati ujjagghati upphandeti so matugamena uhasiyamano ullapiyamano ujjagghiyamano upphandiyamano samsidati visidati na santhambhati na sakkoti Brahmacariyam santanetum sikkhadubbalyam avikatva sikkham paccakkhaya hinayavattati idamassa ussadanaya. {144.5} Seyyathapi so yodhajivo sahati rajaggam sahati dhajaggam apica kho ussadananneva sutva samsidati visidati na santhambhati na sakkoti sangamam otaritum tathupamo ayam puggalo . Evarupopi idhekacco puggalo hoti . ayam tatiyo yodhajivupamo puggalo santo samvijjamano bhikkhusu. {144.6} Puna caparam idhekacco bhikkhu sahati rajaggam sahati dhajaggam sahati ussadanam apica kho sampahare hannati byapajjati . Kimassa sampaharasmim . idha bhikkhum arannagatam va rukkhamulagatam va sunnagaragatam va matugamo upasankamitva abhinisidati abhinipajjati ajjhottharati so matugamena abhinisidiyamano abhinipajjiyamano ajjhotthariyamano sikkham apaccakkhaya dubbalyam anavikatva methunam dhammam patisevati idamassa sampaharasmim. {144.7} Seyyathapi so yodhajivo sahati rajaggam sahati dhajaggam sahati ussadanam apica kho sampahare hannati byapajjati tathupamo ayam puggalo . evarupopi idhekacco puggalo hoti . Ayam catuttho yodhajivupamo puggalo santo samvijjamano bhikkhusu. {144.8} Puna caparam idhekacco bhikkhu sahati rajaggam sahati dhajaggam sahati ussadanam sahati sampaharam so tam sangamam abhivijinitva vijitasangamo tameva sangamasisam ajjhavasati . kimassa sangamavijayasmim . idha bhikkhum arannagatam va rukkhamulagatam va sunnagaragatam va matugamo upasankamitva Abhinisidati abhinipajjati ajjhottharati . so matugamena abhinisidiyamano abhinipajjiyamano ajjhotthariyamano vinivethetva vinimocetva yena kamam pakkamati. {144.9} So vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam . So arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva . So abhijjham loke pahaya vigatabhijjhena cetasa viharati abhijjhaya cittam parisodheti byapadapadosam pahaya abyapannacitto viharati sabbapanabhutahitanukampi byapadapadosa cittam parisodheti thinamiddham pahaya vigatathinamiddho viharati alokasanni sato sampajano thinamiddha cittam parisodheti uddhaccakukkuccam pahaya anuddhato viharati ajjhattam vupasantacitto uddhaccakukkucca cittam parisodheti vicikiccham pahaya tinnavicikiccho viharati akathankathi kusalesu dhammesu vicikicchaya cittam parisodheti. {144.10} So ime panca nivarane pahaya cetaso upakkilese pannaya dubbalikarane vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati vitakkavicaranam vupasamaya dutiyam jhanam tatiyam jhanam catuttham jhanam upasampajja viharati. {144.11} So evam samahite citte parisuddhe pariyodate anangane vigatupakkilese mudubhute kammaniye thite anenjappatte asavanam khayananaya cittam abhininnameti . so idam dukkhanti yathabhutam pajanati Ayam dukkhasamudayoti yathabhutam pajanati ayam dukkhanirodhoti yathabhutam pajanati ayam dukkhanirodhagamini patipadati yathabhutam pajanati ime asavati yathabhutam pajanati ayam asavasamudayoti yathabhutam pajanati ayam asavanirodhoti yathabhutam pajanati ayam asavanirodhagamini patipadati yathabhutam pajanati. {144.12} Tassa evam janato evam passato kamasavapi cittam vimuccati bhavasavapi cittam vimuccati avijjasavapi cittam vimuccati . Vimuttasmim vimuttamiti nanam hoti khina jati vusitam brahmacariyam katam karaniyam naparam itthattayati pajanati . idamassa sangamavijayasmim . Seyyathapi so yodhajivo sahati rajaggam sahati dhajaggam sahati ussadanam sahati sampaharam so tam sangamam abhivijinitva vijitasangamo tameva sangamasisam ajjhavasati tathupamo ayam puggalo . evarupopi idhekacco puggalo hoti . ayam pancamo yodhajivupamo puggalo santo samvijjamano bhikkhusu. Ime panca yodhajivupama puggala santo samvijjamana bhikkhusu. [145] Tattha katame panca pindapatika . mandatta momuhatta pindapatiko hoti papiccho icchapakato pindapatiko hoti ummada cittavikkhepa pindapatiko hoti vannitam buddhehi buddhasavakehiti pindapatiko hoti apica appicchamyeva nissaya santutthimyeva nissaya sallekhamyeva nissaya idamatthitamyeva nissaya pindapatiko hoti . tatra yvayam pindapatiko appicchamyeva nissaya Santutthimyeva nissaya sallekhamyeva nissaya idamatthitamyeva nissaya pindapatiko ayam imesam pancannam pindapatikanam aggo ca settho ca pamokkho ca uttamo ca pavaro ca. {145.1} Seyyathapi nama gava khiram khiramha dadhi dadhimha navanitam navanitamha sappi sappimha sappimando sappimandam tattha aggamakkhayati evameva yvayam pindapatiko appicchamyeva nissaya santutthimyeva nissaya sallekhamyeva nissaya idamatthitamyeva nissaya pindapatiko hoti ayam imesam pancannam pindapatikanam aggo ca settho ca pamokkho ca uttamo ca pavaro ca. Ime panca pindapatika. [146] Tattha katame panca khalupacchabhattika panca ekasanika panca pamsukulika panca tecivarika panca arannika panca rukkhamulika panca abbhokasika panca nesajjika panca yathasanthatika {146.1} tattha katame panca sosanika . mandatta momuhatta sosaniko hoti papiccho icchapakato sosaniko hoti ummada cittavikkhepa sosaniko hoti vannitam buddhehi buddhasavakehiti sosaniko hoti apica appicchamyeva nissaya santutthimyeva nissaya sallekhamyeva nissaya idamatthitamyeva nissaya sosaniko hoti . tatra yvayam sosaniko appicchamyeva nissaya santutthimyeva nissaya sallekhamyeva nissaya idamatthitamyeva nissaya sosaniko ayam imesam pancannam sosanikanam aggo ca settho Ca pamokkho ca uttamo ca pavaro ca. {146.2} Seyyathapi nama gava khiram khiramha dadhi dadhimha navanitam navanitamha sappi sappimha sappimando sappimandam tattha aggamakkhayati evameva yvayam sosaniko appicchamyeva nissaya santutthimyeva nissaya sallekhamyeva nissaya idamatthitamyeva nissaya sosaniko hoti ayam imesam pancannam sosanikanam aggo ca settho ca pamokkho ca uttamo ca pavaro ca. Ime panca sosanikati. Pancakaniddeso nitthito. -------------

The Pali Tipitaka in Roman Character Volume 36 page 220-229. https://84000.org/tipitaka/read/roman_read.php?B=36&A=4434&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=36&A=4434&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=36.2&item=141&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=36&siri=31 Study Atthakatha :- https://84000.org/tipitaka/attha/attha.php?b=36&i=656 The Pali Atthakatha in Thai :- https://84000.org/tipitaka/atthapali/read_th.php?B=55&A=2487 The Pali Atthakatha in Roman :- https://84000.org/tipitaka/atthapali/read_rm.php?B=55&A=2487 Contents of The Tipitaka Volume 36 https://84000.org/tipitaka/read/?index_36 https://84000.org/tipitaka/english/?index_36