PaliRoman Vol.37

Abyakatakatha [1586] Ditthigatam abyakatanti . amanta . vipakabyakatam kiriyabyakatam rupam nibbanam cakkhayatanam .pe. photthabbayatananti . Na hevam vattabbe .pe. ditthigatam abyakatanti . amanta . Ditthigatasampayutto phasso abyakatoti . na hevam vattabbe .pe. ditthigatam abyakatanti . amanta . ditthigatasampayutta vedana .pe. sanna .pe. cetana .pe. cittam abyakatanti . Na hevam vattabbe .pe. [1587] Ditthigatasampayutto phasso akusaloti . amanta . Ditthigatam akusalanti . na hevam vattabbe .pe. ditthigatasampayutta vedana .pe. sanna cetana cittam akusalanti . amanta . Ditthigatam akusalanti. Na hevam vattabbe .pe. [1588] Ditthigatam abyakatanti . amanta . Aphalam avipakanti. Na hevam vattabbe .pe. nanu saphalam savipakanti . amanta . Hanci saphalam savipakam no vata re vattabbe ditthigatam abyakatanti. [1589] Ditthigatam abyakatanti . amanta . nanu micchaditthiparamani vajjani vuttani bhagavatati . amanta . Hanci micchaditthiparamani vajjani vuttani bhagavata no vata re vattabbe ditthigatam abyakatanti. [1590] Ditthigatam abyakatanti . amanta . nanu vuttam bhagavata micchaditthi kho vaccha akusala sammaditthi kusalati ^1- attheva suttantoti . amanta . tena hi na vattabbam ditthigatam abyakatanti. [1591] Ditthigatam abyakatanti . amanta . nanu vuttam bhagavata micchaditthikassa kho aham punna dvinnam gatinam annataram gatim vadami niriyam va tiracchanayonim vati ^2- attheva suttantoti. Amanta. Tena hi na vattabbam ditthigatam abyakatanti. @Footnote: ¹ Ma. Ma. 255 . ² Ma. Ma. 83. [1592] Na vattabbam ditthigatam abyakatanti . amanta . Nanu vuttam bhagavata sassato lokoti kho vaccha abyakatametam asassato lokoti kho vaccha abyakatametam antava lokoti kho vaccha .pe. anantava lokoti kho vaccha ... tam jivam tam sariranti kho vaccha ... annam jivam annam sariranti kho vaccha ... Hoti tathagato parammaranati kho vaccha ... Na hoti tathagato parammaranati kho vaccha ... Hoti ca na ca hoti tathagato parammaranati kho vaccha ... neva hoti na nahoti tathagato parammaranati kho vaccha abyakatametanti attheva suttantoti. Amanta. Tena hi ditthigatam abyakatanti. [1593] Ditthigatam abyakatanti . amanta . nanu vuttam bhagavata micchaditthikassa bhikkhave purisapuggalassa yanceva kayakammam yathaditthi samattam samadinnam .pe. yanca vacikammam .pe. yanca manokammam yathaditthi samattam samadinnam ya ca cetana ya ca patthana yo ca panidhi ye ca sankhara sabbe te dhamma anitthaya akantaya amanapaya ahitaya dukkhaya samvattantiti ^1- attheva suttantoti . Amanta. Tena hi na vattabbam ditthigatam abyakatanti. Abyakatakatha. ------------ @Footnote: ¹ am. eka. 41.

The Pali Tipitaka in Roman Character Volume 37 page 535-537. https://84000.org/tipitaka/read/roman_read.php?B=37&A=10630&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=10630&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1586&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=161 Study Atthakatha :- https://84000.org/tipitaka/attha/attha.php?b=37&i=1586 The Pali Atthakatha in Thai :- https://84000.org/tipitaka/atthapali/read_th.php?B=55&A=6248 The Pali Atthakatha in Roman :- https://84000.org/tipitaka/atthapali/read_rm.php?B=55&A=6248 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37