PaliRoman Vol.37

Addhakatha [1615] Addha parinipphannoti . amanta . rupanti . na hevam vattabbe .pe. vedana .pe. sanna .pe. sankhara .pe. vinnananti . na hevam vattabbe .pe. atito addha parinipphannoti . amanta . rupanti . na hevam vattabbe .pe. Vedana .pe. sanna .pe. sankhara .pe. vinnananti . Na hevam vattabbe .pe. Anagato addha parinipphannoti. {1615.1} Amanta . Rupanti. Na hevam vattabbe .pe. Vedana .pe. sanna .pe. sankhara .pe. vinnananti . Na hevam vattabbe .pe. Paccuppanno addha parinipphannoti . amanta . rupanti . Na hevam vattabbe .pe. vedana .pe. sanna .pe. sankhara .pe. vinnananti . na hevam vattabbe .pe. atitam rupam vedana sanna sankhara vinnanam atito addhati . amanta . Atita pancaddhati . na hevam vattabbe .pe. anagatam rupam vedana sanna sankhara vinnanam anagato addhati . amanta . Anagata pancaddhati . na hevam vattabbe .pe. paccuppannam rupam vedana sanna sankhara vinnanam paccuppanno addhati. {1615.2} Amanta . paccuppanna pancaddhati . na hevam vattabbe .pe. atita panca khandha atito addha anagata panca khandha anagato addha paccuppanna panca khandha paccuppanno addhati . amanta . pannarasa addhati . na hevam vattabbe .pe. Atitani dvadasayatanani atito addha anagatani dvadasayatanani anagato addha paccuppannani dvadasayatanani paccuppanno addhati . amanta . chattimsa addhati . na hevam vattabbe .pe. Atita attharasa dhatuyo atito addha anagata attharasa dhatuyo anagato addha paccuppanna attharasa dhatuyo paccuppanno addhati . amanta . catupannasa addhati . na hevam vattabbe .pe. atitani bavisatindriyani atito addha anagatani bavisatindriyani anagato addha paccuppannani bavisatindriyani Paccuppanno addhati . amanta . chasatthi addhati . na hevam vattabbe .pe. [1616] Na vattabbam addha parinipphannoti . amanta . nanu vuttam bhagavata tinimani bhikkhave kathavatthuni . katamani tini . atitam va bhikkhave addhanam arabbha katham katheyya evam ahosi atitamaddhananti anagatam va bhikkhave addhanam arabbha katham katheyya evam bhavissati anagatamaddhananti etarahi va bhikkhave paccuppannam addhanam arabbha katham katheyya evam hoti etarahi paccuppannanti imani kho bhikkhave tini kathavatthuniti attheva suttantoti . amanta . tenahi addha parinipphannoti. Addhakatha. -------

The Pali Tipitaka in Roman Character Volume 37 page 543-545. https://84000.org/tipitaka/read/roman_read.php?B=37&A=10784&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=10784&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1615&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=165 Study Atthakatha :- https://84000.org/tipitaka/attha/attha.php?b=37&i=1615 The Pali Atthakatha in Thai :- https://84000.org/tipitaka/atthapali/read_th.php?B=55&A=6292 The Pali Atthakatha in Roman :- https://84000.org/tipitaka/atthapali/read_rm.php?B=55&A=6292 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37