บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Na vattabbam sangho dakkhinam patigganhatitikatha [1708] Na vattabbam sangho dakkhinam patigganhatiti. Amanta. Nanu sangho ahuneyyo pahuneyyo dakkhineyyo anjalikaraniyo anuttaram punnakkhettam lokassati . amanta . hanci sangho ahuneyyo pahuneyyo dakkhineyyo anjalikaraniyo anuttaram punnakkhettam lokassa tena vata re vattabbe sangho dakkhinam patigganhatiti. [1709] Na vattabbam sangho dakkhinam patigganhatiti. Amanta. Nanu cattaro purisayuga attha purisapuggala dakkhineyya vutta bhagavatati . amanta . hanci cattaro purisayuga attha purisapuggala Dakkhineyya vutta bhagavata tena vata re vattabbe sangho dakkhinam patigganhatiti. [1710] Na vattabbam sangho dakkhinam patigganhatiti. Amanta. Nanu atthi keci sanghassa danam dentiti . amanta . hanci atthi keci sanghassa danam denti tena vata re vattabbe sangho dakkhinam patigganhatiti . nanu atthi keci sanghassa civaram denti .pe. Pindapatam denti senasanam denti gilanapaccayabhesajjaparikkharam denti khadaniyam denti bhojaniyam denti .pe. paniyam dentiti . Amanta . hanci atthi keci sanghassa paniyam denti tena vata re vattabbe sangho dakkhinam patigganhatiti. [1711] Na vattabbam sangho dakkhinam patigganhatiti. Amanta. Nanu vuttam bhagavata ahuti jatavedova mahameghamva medani sangho samadhisampanno patigganhati dakkhinanti attheva suttantoti . amanta . tena hi sangho dakkhinam patigganhatiti. [1712] Sangho dakkhinam patigganhatiti . amanta . maggo patigganhati phalam patigganhatiti. Na hevam vattabbe .pe. Na vattabbam sangho dakkhinam patigganhatitikatha. --------The Pali Tipitaka in Roman Character Volume 37 page 582-583. https://84000.org/tipitaka/read/roman_read.php?B=37&A=11542&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=11542&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1708&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=189 Study Atthakatha :- https://84000.org/tipitaka/attha/attha.php?b=37&i=1708 The Pali Atthakatha in Thai :- https://84000.org/tipitaka/atthapali/read_th.php?B=55&A=6617 The Pali Atthakatha in Roman :- https://84000.org/tipitaka/atthapali/read_rm.php?B=55&A=6617 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]