บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[166] Na vattabbam puggalo upalabbhati sacchikatthaparamatthenati . Amanta . nanu mata atthiti . amanta . hanci mata atthi tena vata re vattabbe puggalo upalabbhati sacchikatthaparamatthenati. Na vattabbam puggalo upalabbhati sacchikatthaparamatthenati . Amanta . nanu pita atthi .pe. bhata atthi bhagini atthi khattiyo atthi brahmano atthi vesso atthi suddo atthi gahattho atthi pabbajito atthi devo atthi manusso atthiti . Amanta . hanci manusso atthi tena vata re vattabbe puggalo upalabbhati sacchikatthaparamatthenati. [167] Mata atthiti katva tena ca karanena puggalo upalabbhati sacchikatthaparamatthenati . amanta . atthi koci na mata hutva mata hotiti . amanta . atthi koci na puggalo hutva puggalo hotiti . na hevam vattabbe .pe. atthi koci na pita hutva .pe. na bhata hutva na bhagini hutva na khattiyo hutva na brahmano hutva na vesso hutva na suddo hutva na gahattho hutva na pabbajito hutva na devo hutva na manusso hutva manusso hotiti . amanta . Atthi koci na puggalo hutva puggalo hotiti . na hevam vattabbe .pe. [168] Mata atthiti katva tena ca karanena puggalo upalabbhati sacchikatthaparamatthenati . amanta . atthi koci mata hutva na mata hotiti . amanta . atthi koci puggalo hutva na puggalo hotiti . na hevam vattabbe .pe. atthi koci pita hutva bhata hutva bhagini hutva khattiyo hutva brahmano hutva vesso hutva suddo hutva gahattho hutva pabbajito hutva devo hutva manusso hutva na manusso hotiti . amanta . atthi koci puggalo hutva na puggalo hotiti. Na hevam vattabbe .pe. [169] Na vattabbam puggalo upalabbhati sacchikatthaparamatthenati . Amanta . nanu sotapanno atthiti . amanta . hanci sotapanno atthi tena vata re vattabbe puggalo upalabbhati sacchikatthaparamatthenati . na vattabbam puggalo upalabbhati sacchikattha- paramatthenati . amanta . nanu sakadagami atthi .pe. Anagami atthi .pe. araha atthi .pe. ubhatobhagavimutto atthi pannavimutto atthi kayasakkhi atthi ditthippatto atthi saddhavimutto atthi dhammanusari atthi saddhanusari atthiti . amanta . hanci saddhanusari atthi tena vata re Vattabbe puggalo upalabbhati sacchikatthaparamatthenati. [170] Sotapanno atthiti katva tena ca karanena puggalo upalabbhati sacchikatthaparamatthenati . amanta . atthi koci na sotapanno hutva sotapanno hotiti . amanta . atthi koci na puggalo hutva puggalo hotiti . na hevam vattabbe .pe. Atthi koci na sakadagami hutva na anagami hutva na araha hutva na ubhatobhagavimutto hutva na pannavimutto hutva na kayasakkhi hutva na ditthippatto hutva na saddhavimutto hutva na dhammanusari hutva na saddhanusari hutva saddhanusari hotiti . amanta . atthi koci na puggalo hutva puggalo hotiti. Na hevam vattabbe .pe. [171] Sotapanno atthiti katva tena ca karanena puggalo upalabbhati sacchikatthaparamatthenati . amanta . atthi koci sotapanno hutva na sotapanno hotiti . amanta . atthi koci puggalo hutva na puggalo hotiti . na hevam vattabbe .pe. atthi koci sakadagami hutva anagami hutva na anagami hotiti . amanta . atthi koci puggalo hutva na puggalo hotiti. Na hevam vattabbe .pe. [172] Na vattabbam puggalo upalabbhati sacchikatthaparamatthenati . Amanta . nanu cattaro purisayuga attha purisapuggala atthiti . Amanta . hanci cattaro purisayuga attha purisapuggala atthi tena vata re vattabbe puggalo upalabbhati sacchikatthaparamatthenati. [173] Cattaro purisayuga attha purisapuggala atthiti katva tena ca karanena puggalo upalabbhati sacchikatthaparamatthenati . Amanta . cattaro purisayuga attha purisapuggala buddhapatubhava patubhavantiti . amanta . puggalo buddhapatubhava patubhavatiti . Na hevam vattabbe .pe. puggalo buddhapatubhava patubhavatiti . Amanta . buddhassa bhagavato parinibbute ucchinno puggalo natthi puggaloti. Na hevam vattabbe .pe. [174] Puggalo upalabbhati sacchikatthaparamatthenati . amanta. Puggalo sankhatoti . na hevam vattabbe .pe. puggalo asankhatoti. Na hevam vattabbe .pe. {174.1} Puggalo nevasankhato nasankhatoti . Na hevam vattabbe .pe. puggalo nevasankhato nasankhatoti . amanta . sankhatanca asankhatanca thapetva atthanna tatiya kotiti . na hevam vattabbe .pe. sankhatanca asankhatanca thapetva atthanna tatiya kotiti . Amanta . nanu vuttam bhagavata dvema bhikkhave dhatuyo katama dve sankhata ca dhatu asankhata ca dhatu ima kho bhikkhave dve dhatuyoti attheva suttantoti . amanta . tena hi na vattabbam sankhatanca asankhatanca thapetva atthanna tatiya kotiti . puggalo nevasankhato nasankhatoti. Amanta. Annam sankhatam annam asankhatam anno puggaloti . na hevam vattabbe .pe. khandha sankhata nibbanam asankhatam puggalo nevasankhato nasankhatoti . amanta . anne khandha annam nibbanam anno puggalo. Na hevam vattabbe .pe. {174.2} Rupam sankhatam nibbanam asankhatam puggalo nevasankhato nasankhatoti . amanta . annam rupam annam nibbanam anno puggaloti . na hevam vattabbe .pe. vedana .pe. sanna .pe. Sankhara .pe. vinnanam sankhatam nibbanam asankhatam puggalo nevasankhato nasankhatoti . amanta . annam vinnanam annam nibbanam anno puggaloti. Na hevam vattabbe .pe. [175] Puggalassa uppado pannayati vayo pannayati thitassa annathattam pannayatiti . amanta . puggalo sankhatoti . Na hevam vattabbe .pe. vuttam bhagavata tinimani bhikkhave sankhatassa sankhatalakkhanani sankhatanam bhikkhave dhammanam uppado pannayati vayo pannayati thitanam annathattam pannayatiti 1- puggalassa uppado pannayati vayo pannayati thitassa annathattam pannayati tena hi puggalo sankhatoti . puggalassa na uppado pannayati na vayo pannayati na thitassa annathattam pannayatiti . Amanta . puggalo asankhatoti . na hevam vattabbe .pe. @Footnote: 1 am. tika. 193 samsandanam. Vuttam bhagavata tinimani bhikkhave asankhatassa asankhatalakkhanani asankhatanam bhikkhave dhammanam na uppado pannayati na vayo pannayati na thitanam annathattam pannayatiti puggalassa na uppado pannayati na vayo pannayati na thitassa annathattam pannayati tena hi puggalo asankhatoti. [176] Parinibbuto puggalo atthatthamhi natthatthamhiti . Atthatthamhiti . parinibbuto puggalo sassatoti . na hevam vattabbe .pe. natthatthamhiti . parinibbuto puggalo ucchinnoti . na hevam vattabbe .pe.The Pali Tipitaka in Roman Character Volume 37 page 70-75. https://84000.org/tipitaka/read/roman_read.php?B=37&A=1423&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=1423&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=166&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=19 Study Atthakatha :- https://84000.org/tipitaka/attha/attha.php?b=37&i=166 The Pali Atthakatha in Thai :- https://84000.org/tipitaka/atthapali/read_th.php?B=55&A=3501 The Pali Atthakatha in Roman :- https://84000.org/tipitaka/atthapali/read_rm.php?B=55&A=3501 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]