PaliRoman Vol.37

Parihanikatha [191] Parihayati araha arahattati . amanta . sabbattha araha arahatta parihayatiti . na hevam vattabbe .pe. sabbattha araha arahatta parihayatiti . amanta . sabbattha arahato parihaniti . na hevam vattabbe .pe. parihayati araha arahattati. Amanta . sabbada araha arahatta parihayatiti . na hevam vattabbe .pe. sabbada araha arahatta parihayatiti . Amanta . sabbada arahato parihaniti . na hevam vattabbe .pe. parihayati araha arahattati . amanta . sabbeva arahanto arahatta parihayantiti . na hevam vattabbe .pe. Sabbeva arahanto arahatta parihayantiti . amanta . Sabbesanneva arahantanam parihaniti. Na hevam vattabbe .pe. [192] Parihayati araha arahattati . amanta . araha arahatta parihayamano catuhi phalehi parihayatiti . na hevam vattabbe .pe. catuhi satasahassehi setthi setthittam karento satasahasse parihine setthitta parihino hotiti . amanta . Sabbasapateyya parihino hotiti . na hevam vattabbe . catuhi satasahassehi setthi setthittam karento satasahasse parihine bhabbo sabbasapateyya parihayitunti . amanta . araha arahatta Parihayamano bhabbo catuhi phalehi parihayitunti . na hevam vattabbe .pe. [193] Parihayati araha arahattati . amanta . parihayati sotapanno sotapattiphalati . na hevam vattabbe .pe. parihayati araha arahattati . amanta. Parihayati sakadagami sakadagamiphalati. Na hevam vattabbe .pe. parihayati araha arahattati . Amanta. Parihayati anagami anagamiphalati. Na hevam vattabbe .pe. [194] Parihayati anagami anagamiphalati . amanta . Parihayati sotapanno sotapattiphalati . na hevam vattabbe .pe. Parihayati anagami anagamiphalati . amanta . parihayati sakadagami sakadagamiphalati. Na hevam vattabbe .pe. [195] Parihayati sakadagami sakadagamiphalati . amanta . Parihayati sotapanno sotapattiphalati. Na hevam vattabbe .pe. [196] Na parihayati sotapanno sotapattiphalati. Amanta. Na parihayati araha arahattati . na hevam vattabbe .pe. na parihayati sakadagami sakadagamiphalati . amanta . na parihayati araha arahattati . na hevam vattabbe .pe. na parihayati anagami anagamiphalati . amanta . na parihayati araha arahattati. Na hevam vattabbe .pe. [197] Na parihayati sotapanno sotapattiphalati. Amanta. Na parihayati anagami anagamiphalati . na hevam vattabbe .pe. Na parihayati sakadagami sakadagamiphalati . amanta . na parihayati anagami anagamiphalati. Na hevam vattabbe .pe. [198] Na parihayati sotapanno sotapattiphalati. Amanta. Na parihayati sakadagami sakadagamiphalati. Na hevam vattabbe .pe. [199] Parihayati araha arahattati . amanta . araha arahatta parihayamano kattha santhatiti . anagamiphaleti . Anagami anagamiphala parihayamano kattha santhatiti . Sakadagamiphaleti . sakadagami sakadagami sakadagamiphala parihayamano kattha santhatiti . sotapattiphaleti . sotapanno sotapattiphala parihayamano puthujjanabhumiyam santhatiti . na hevam vattabbe . ajanahi niggaham hanci araha arahatta parihayamano anagamiphale santhati anagami anagamiphala parihayamano sakadagamiphale santhati sakadagami sakadagamiphala parihayamano sotapattiphale santhati tena vata re vattabbe sotapanno sotapattiphala parihayamano puthujjanabhumiyam santhatiti. [200] Araha arahatta parihayamano sotapattiphale santhatiti. Amanta . sotapattiphalassa anantara arahattanneva sacchikarotiti . Na hevam vattabbe .pe. parihayati araha arahattati . Amanta. Parihayati sotapanno sotapattiphalati . na hevam vattabbe . Kassa bahutara kilesa pahina arahato va sotapannassa vati. Arahato. Hanci arahato bahutara kilesa pahina parihayati araha arahatta tena vata re vattabbe parihayati sotapanno sotapattiphalati. [201] Parihayati araha arahattati . amanta . parihayati sakadagami sakadagamiphalati . na hevam vattabbe . kassa bahutara kilesa pahina arahato va sakadagamissa vati . arahato . Hanci arahato bahutara kilesa pahina parihayati araha arahatta tena vata re vattabbe parihayati sakadagami sakadagamiphalati. [202] Parihayati araha arahattati . amanta . parihayati anagami anagamiphalati . na hevam vattabbe . kassa bahutara kilesa pahina arahato va anagamissa vati . arahato . Hanci arahato bahutara kilesa pahina parihayati araha arahatta tena vata re vattabbe parihayati anagami anagamiphalati. [203] Parihayati anagami anagamiphalati . amanta . Parihayati sotapanno sotapattiphalati . na hevam vattabbe . Kassa bahutara kilesa pahina anagamissa va sotapannassa vati. Anagamissa . hanci anagamissa bahutara kilesa pahina parihayati anagami anagamiphala tena vata re vattabbe parihayati sotapanno sotapattiphalati. [204] Parihayati anagami anagamiphalati . amanta . Parihayati sakadagami sakadagamiphalati . na hevam vattabbe . Kassa bahutara kilesa pahina anagamissa va sakadagamissa vati. Anagamissa . hanci anagamissa bahutara kilesa pahina parihayati anagami anagamiphala tena vata re vattabbe parihayati sakadagami sakadagamiphalati. [205] Parihayati sakadagami sakadagamiphalati . amanta . Parihayati sotapanno sotapattiphalati . na hevam vattabbe . Kassa bahutara kilesa pahina sakadagamissa va sotapannassa vati . sakadagamissa . hanci sakadagamissa bahutara kilesa pahina parihayati sakadagami sakadagamiphala tena vata re vattabbe parihayati sotapanno sotapattiphalati. [206] Parihayati araha arahattati . amanta . parihayati sotapanno sotapattiphalati . na hevam vattabbe . kassa adhimatta maggabhavana arahato va sotapannassa vati . arahato . hanci arahato adhimatta maggabhavana parihayati araha arahatta tena vata re vattabbe parihayati sotapanno sotapattiphalati. [207] Parihayati araha arahattati . amanta . parihayati sotapanno sotapattiphalati . na hevam vattabbe . kassa adhimatta satipatthanabhavana .pe. sammappadhanabhavana iddhipadabhavana Indriyabhavana balabhavana bojjhangabhavana arahato va sotapannassa vati . arahato . hanci arahato adhimatta bojjhangabhavana parihayati araha arahatta tena vata re vattabbe parihayati sotapanno sotapattiphalati. [208] Parihayati araha arahattati . amanta . parihayati sakadagami sakadagamiphalati . na hevam vattabbe . kassa adhimatta maggabhavana .pe. bojjhangabhavana arahato va sakadagamissa vati . arahato . hanci arahato adhimatta bojjhangabhavana parihayati araha arahatta tena vata re vattabbe parihayati sakadagami sakadagamiphalati. [209] Parihayati araha arahattati . amanta . parihayati anagami anagamiphalati . na hevam vattabbe . kassa adhimatta maggabhavana .pe. bojjhangabhavana arahato va anagamissa vati . arahato . hanci arahato adhimatta bojjhangabhavana parihayati araha arahatta tena vata re vattabbe parihayati anagami anagamiphalati. [210] Parihayati anagami anagamiphalati . amanta . Parihayati sotapanno sotapattiphalati . na hevam vattabbe . Kassa adhimatta maggabhavana .pe. bojjhangabhavana anagamissa va sotapannassa vati . anagamissa . hanci anagamissa Adhimatta bojjhangabhavana parihayati anagami anagamiphala tena vata re vattabbe parihayati sotapanno sotapattiphalati. [211] Parihayati anagami anagamiphalati . amanta . Parihayati sakadagami sakadagamiphalati . na hevam vattabbe . Kassa adhimatta maggabhavana .pe. bojjhangabhavana anagamissa va sakadagamissa vati . anagamissa . hanci anagamissa adhimatta bojjhangabhavana parihayati anagami anagamiphala tena vata re vattabbe parihayati sakadagami sakadagamiphalati. [212] Parihayati sakadagami sakadagamiphalati . amanta . Parihayati sotapanno sotapattiphalati . na hevam vattabbe . Kassa adhimatta maggabhavana .pe. bojjhangabhavana sakadagamissa va sotapannassa vati . sakadagamissa . hanci sakadagamissa adhimatta bojjhangabhavana parihayati sakadagami sakadagamiphala tena vata re vattabbe parihayati sotapanno sotapattiphalati. [213] Arahata dukkham dittham parihayati araha arahattati . Amanta . sotapannena dukkham dittham parihayati sotapanno sotapattiphalati . na hevam vattabbe .pe. arahata samudayo dittho parihayati araha arahattati . amanta . sotapannena samudayo dittho parihayati sotapanno sotapattiphalati . na hevam vattabbe .pe. arahata nirodho dittho parihayati araha Arahattati . amanta . sotapannena nirodho dittho parihayati sotapanno sotapattiphalati . na hevam vattabbe .pe. arahata maggo dittho parihayati araha arahattati . amanta . Sotapannena maggo dittho parihayati sotapanno sotapattiphalati . Na hevam vattabbe .pe. arahata cattari saccani ditthani parihayati araha arahattati . amanta . sotapannena cattari saccani ditthani parihayati sotapanno sotapattiphalati . na hevam vattabbe .pe. [214] Arahata dukkham dittham parihayati araha arahattati . Amanta . sakadagamina dukkham dittham parihayati sakadagami sakadagamiphalati . na hevam vattabbe .pe. arahata samudayo dittho .pe. nirodho dittho .pe. maggo dittho .pe. Cattari saccani ditthani parihayati araha arahattati . amanta. Sakadagamina cattari saccani ditthani parihayati sakadagami sakadagamiphalati. Na hevam vattabbe .pe. [215] Arahata dukkham dittham parihayati araha arahattati . Amanta . anagamina dukkham dittham parihayati anagami anagamiphalati . na hevam vattabbe .pe. Arahata samudayo dittho .pe. Nirodho dittho .pe. maggo dittho .pe. cattari saccani ditthani parihayati araha arahattati . amanta . anagamina cattari Saccani ditthani parihayati anagami anagamiphalati . na hevam vattabbe .pe. [216] Anagamina dukkham dittham parihayati anagami anagamiphalati . amanta . sotapannena dukkham dittham parihayati sotapanno sotapattiphalati . na hevam vattabbe .pe. Anagamina samudayo dittho .pe. nirodho dittho .pe. maggo dittho .pe. cattari saccani ditthani parihayati anagami anagamiphalati. Amanta . sotapannena cattari saccani ditthani parihayati sotapanno sotapattiphalati . na hevam vattabbe .pe. Anagamina dukkham dittham parihayati anagami anagamiphalati . Amanta . sakadagamina dukkham dittham parihayati sakadagami sakadagamiphalati . na hevam vattabbe .pe. anagamina samudayo dittho .pe. nirodho dittho .pe. maggo dittho .pe. cattari saccani ditthani parihayati anagami anagamiphalati . Amanta . sakadagamina cattari saccani ditthani parihayati sakadagami sakadagamiphalati. Na hevam vattabbe .pe. [217] Sakadagamina dukkham dittham parihayati sakadagami sakadagamiphalati . amanta . sotapannena dukkham dittham parihayati sotapanno sotapattiphalati . na hevam vattabbe .pe. Sakadagamina samudayo dittho .pe. nirodho dittho .pe. maggo dittho .pe. Cattari saccani ditthani parihayati sakadagami sakadagamiphalati . Amanta . sotapannena cattari saccani ditthani parihayati sotapanno sotapattiphalati. Na hevam vattabbe .pe. [218] Sotapannena dukkham dittham na parihayati sotapanno sotapattiphalati . amanta . arahata dukkham dittham na parihayati araha arahattati . na hevam vattabbe .pe. sotapannena samudayo dittho .pe. nirodho dittho .pe. maggo dittho .pe. cattari saccani ditthani na parihayati sotapanno sotapattiphalati . Amanta . arahata cattari saccani ditthani na parihayati araha arahattati. Na hevam vattabbe .pe. [219] Sakadagamina dukkham dittham .pe. cattari saccani ditthani na parihayati sakadagami sakadagamiphalati . amanta . Arahata cattari saccani ditthani na parihayati araha arahattati . Na hevam vattabbe .pe. [220] Anagamina dukkham dittham .pe. cattari saccani ditthani na parihayati anagami anagamiphalati . amanta . Arahata cattari saccani ditthani na parihayati araha arahattati . Na hevam vattabbe .pe. [221] Sotapannena dukkham dittham .pe. Cattari saccani ditthani na parihayati sotapanno sotapattiphalati . amanta . Anagamina Dukkham dittham .pe. cattari saccani ditthani na parihayati anagami anagamiphalati. Na hevam vattabbe .pe. [222] Sakadagamina dukkham dittham .pe. cattari saccani ditthani na parihayati sakadagami sakadagamiphalati . amanta . Anagamina dukkham dittham .pe. cattari saccani ditthani na parihayati anagami anagamiphalati. Na hevam vattabbe .pe. [223] Sotapannena dukkham dittham .pe. Cattari saccani ditthani na parihayati sotapanno sotapattiphalati . amanta. Sakadagamina dukkham dittham .pe. cattari saccani ditthani na parihayati sakadagami sakadagamiphalati. Na hevam vattabbe .pe. [224] Arahato rago pahino parihayati araha arahattati . Amanta . sotapannassa sakkayaditthi pahina parihayati sotapanno sotapattiphalati . na hevam vattabbe .pe. arahato rago pahino parihayati araha arahattati . amanta . sotapannassa vicikiccha pahina .pe. silabbataparamaso pahino .pe. apayagamaniyo rago pahino .pe. apayagamaniyo doso pahino .pe. apayagamaniyo moho pahino parihayati sotapanno sotapattiphalati . na hevam vattabbe .pe. arahato doso pahino .pe. moho pahino mano pahino ditthi pahina vicikiccha pahina thinam pahinam uddhaccam pahinam ahirikam pahinam .pe. anottappam pahinam parihayati araha Arahattati . amanta . sotapannassa sakkayaditthi pahina parihayati sotapanno sotapattiphalati . na hevam vattabbe .pe. Arahato anottappam pahinam parihayati araha arahattati . amanta. Sotapannassa vicikiccha pahina .pe. silabbataparamaso pahino .pe. apayagamaniyo rago pahino .pe. apayagamaniyo doso pahino .pe. apayagamaniyo moho pahino parihayati sotapanno sotapattiphalati. Na hevam vattabbe .pe. [225] Arahato rago pahino parihayati araha arahattati . Amanta . sakadagamissa sakkayaditthi pahina parihayati sakadagami sakadagamiphalati . na hevam vattabbe .pe. arahato rago pahino parihayati araha arahattati . amanta . sakadagamissa vicikiccha pahina .pe. silabbataparamaso pahino .pe. olariko kamarago pahino .pe. olariko byapado pahino parihayati sakadagami sakadagamiphalati . na hevam vattabbe .pe. arahato doso pahino .pe. anottappam pahinam parihayati araha arahattati . amanta . Sakadagamissa sakkayaditthi pahina .pe. olariko byapado pahino parihayati sakadagami sakadagamiphalati. Na hevam vattabbe .pe. [226] Arahato rago pahino parihayati araha arahattati . Amanta . anagamissa sakkayaditthi pahina parihayati anagami anagamiphalati . na hevam vattabbe .pe. arahato rago pahino Parihayati araha arahattati . amanta . anagamissa vicikiccha pahina .pe. silabbataparamaso pahino anusahagato kamarago pahino anusahagato byapado pahino parihayati anagami anagamiphalati . na hevam vattabbe .pe. arahato doso pahino .pe. anottappam pahinam parihayati araha arahattati . amanta . Anagamissa sakkayaditthi pahina .pe. anusahagato byapado pahino parihayati anagami anagamiphalati. Na hevam vattabbe .pe. [227] Anagamissa sakkayaditthi pahina parihayati anagami anagamiphalati . amanta . sotapannassa sakkayaditthi pahina parihayati sotapanno sotapattiphalati . na hevam vattabbe .pe. Anagamissa sakkayaditthi pahina parihayati anagami anagamiphalati . amanta . sotapannassa vicikiccha pahina .pe. apayagamaniyo moho pahino parihayati sotapanno sotapattiphalati . na hevam vattabbe .pe. anagamissa vicikiccha pahina .pe. anusahagato byapado pahino parihayati anagami anagamiphalati . amanta . sotapannassa sakkayaditthi pahina .pe. apayagamaniyo moho pahino parihayati sotapanno sotapattiphalati. Na hevam vattabbe .pe. [228] Anagamissa sakkayaditthi pahina parihayati anagami anagamiphalati . amanta . sakadagamissa sakkayaditthi pahina Parihayati sakadagami sakadagamiphalati . na hevam vattabbe .pe. Anagamissa sakkayaditthi pahina parihayati anagami anagamiphalati . amanta . sakadagamissa vicikiccha pahina .pe. Silabbataparamaso pahino olariko kamarago pahino olariko byapado pahino parihayati sakadagami sakadagamiphalati . na hevam vattabbe .pe. anagamissa vicikiccha pahina .pe. anusahagato byapado pahino parihayati anagami anagamiphalati . amanta . Sakadagamissa sakkayaditthi pahina .pe. olariko byapado pahino parihayati sakadagami sakadagamiphalati. Na hevam vattabbe .pe. [229] Sakadagamissa sakkayaditthi pahina parihayati sakadagami sakadagamiphalati . amanta . sotapannassa sakkayaditthi pahina parihayati sotapanno sotapattiphalati . na hevam vattabbe .pe. Sakadagamissa sakkayaditthi pahina parihayati sakadagami sakadagamiphalati . amanta . sotapannassa vicikiccha pahina .pe. Apayagamaniyo moho pahino parihayati sotapanno sotapattiphalati . Na hevam vattabbe .pe. sakadagamissa vicikiccha pahina .pe. Olariko kamarago pahino olariko byapado pahino parihayati sakadagami sakadagamiphalati . amanta . sotapannassa sakkayaditthi pahina .pe. apayagamaniyo moho pahino parihayati sotapanno sotapattiphalati. Na hevam vattabbe .pe. [230] Sotapannassa sakkayaditthi pahina na parihayati sotapanno sotapattiphalati . amanta . arahato rago pahino na parihayati araha arahattati . na hevam vattabbe .pe. Sotapannassa sakkayaditthi pahina na parihayati sotapanno sotapattiphalati . amanta . arahato doso pahino .pe. Anottappam pahinam na parihayati araha arahattati . na hevam vattabbe .pe. sotapannassa vicikiccha pahina .pe. apayagamaniyo moho pahino na parihayati sotapanno sotapattiphalati . Amanta . arahato rago pahino .pe. anottappam pahinam na parihayati araha arahattati. Na hevam vattabbe .pe. [231] Sakadagamissa sakkayaditthi pahina na parihayati sakadagami sakadagamiphalati . amanta . arahato rago pahino .pe. anottappam pahinam na parihayati araha arahattati . na hevam vattabbe .pe. sakadagamissa vicikiccha pahina .pe. Olariko byapado pahino na parihayati sakadagami sakadagamiphalati . amanta . arahato rago pahino .pe. Anottappam pahinam na parihayati araha arahattati . na hevam vattabbe .pe. [232] Anagamissa sakkayaditthi pahina na parihayati anagami anagamiphalati . amanta . arahato rago pahino .pe. Anottappam pahinam na parihayati araha arahattati . na hevam Vattabbe .pe. anagamissa vicikiccha pahina .pe. anusahagato byapado pahino na parihayati anagami anagamiphalati . Amanta . arahato rago pahino .pe. anottappam pahinam na parihayati araha arahattati. Na hevam vattabbe .pe. [233] Sotapannassa sakkayaditthi pahina na parihayati sotapanno sotapattiphalati . amanta . anagamissa sakkayaditthi pahina .pe. anusahagato byapado pahino na parihayati anagami anagamiphalati . na hevam vattabbe .pe. sotapannassa vicikiccha pahina .pe. apayagamaniyo moho pahino na parihayati sotapanno sotapattiphalati . amanta . anagamissa sakkayaditthi pahina .pe. anusahagato byapado pahino na parihayati anagami anagamiphalati. Na hevam vattabbe .pe. [234] Sakadagamissa sakkayaditthi pahina na parihayati sakadagami sakadagamiphalati . amanta . anagamissa sakkayaditthi pahina .pe. anusahagato byapado pahino na parihayati anagami anagamiphalati . na hevam vattabbe .pe. sakadagamissa vicikiccha pahina .pe. olariko byapado pahino na parihayati sakadagami sakadagamiphalati . amanta . anagamissa sakkayaditthi pahina .pe. anusahagato byapado pahino na parihayati anagami anagamiphalati. Na hevam vattabbe .pe. [235] Sotapannassa sakkayaditthi pahina na parihayati sotapanno sotapattiphalati . amanta . sakadagamissa sakkayaditthi pahina .pe. olariko byapado pahino na parihayati sakadagami sakadagamiphalati . na hevam vattabbe .pe. sotapannassa vicikiccha pahina .pe. apayagamaniyo moho pahino na parihayati sotapanno sotapattiphalati . amanta . sakadagamissa sakkayaditthi pahina .pe. olariko byapado pahino na parihayati sakadagami sakadagamiphalati. Na hevam vattabbe .pe. [236] Parihayati araha arahattati . amanta . nanu arahato rago pahino ucchinnamulo talavatthukato anabhavam kato ayatimanuppadadhammoti . amanta . hanci arahato rago pahino ucchinnamulo talavatthukato anabhavam kato ayatimanuppadadhammo no vata re vattabbe parihayati araha arahattati. [237] Parihayati araha arahattati . amanta. Nanu arahato doso pahino .pe. moho pahino mano pahino ditthi pahina vicikiccha pahina thinam pahinam uddhaccam pahinam ahirikam pahinam anottappam pahinam ucchinnamulam talavatthukatam anabhavam katam ayatim- anuppadadhammanti . amanta . hanci arahato anottappam pahinam ucchinnamulam talavatthukatam anabhavam katam ayatimanuppadadhammam no vata re vattabbe parihayati araha arahattati. [238] Parihayati araha arahattati . amanta . nanu arahato ragappahanaya maggo bhavitoti . amanta . hanci arahato ragappahanaya maggo bhavito no vata re vattabbe parihayati araha arahattati. [239] Parihayati araha arahattati . amanta. Nanu arahato ragappahanaya satipatthana bhavita .pe. sammappadhana bhavita iddhipada bhavita indriya bhavita bala bhavita bojjhanga bhavitati . amanta . hanci arahato ragappahanaya bojjhanga bhavita no vata re vattabbe parihayati araha arahattati. [240] Parihayati araha arahattati . amanta . nanu arahato dosappahanaya .pe. anottappappahanaya maggo bhavito .pe. bojjhanga bhavitati . amanta . hanci arahato anottappappahanaya bojjhanga bhavita no vata re vattabbe parihayati araha arahattati. [241] Parihayati araha arahattati . amanta . nanu araha vitarago vitadoso vitamoho katakaraniyo ohitabharo anuppattasadattho parikkhinabhavasannojano sammadanna vimutto ukkhittapaligho sankinnaparikho abbulhesiko niraggalo ariyo pannaddhajo pannabharo visannutto suvijitavijayo dukkham tassa parinnatam samudayo pahino nirodho sacchikato maggo bhavito Abhinneyyam abhinnatam parinneyyam parinnatam pahatabbam pahinam bhavetabbam bhavitam sacchikatabbam sacchikatanti . amanta . Hanci araha vitarago vitadoso .pe. sacchikatabbam sacchikatam no vata re vattabbe parihayati araha arahattati. [242] Parihayati araha arahattati . samayavimutto araha arahatta parihayati asamayavimutto araha arahatta na parihayatiti . Samayavimutto araha arahatta parihayatiti . amanta . Asamayavimutto araha arahatta parihayatiti . na hevam vattabbe . Asamayavimutto araha arahatta na parihayatiti . amanta . Samayavimutto araha arahatta na parihayatiti. Na hevam vattabbe. [243] Samayavimuttassa arahato rago pahino parihayati samayavimutto araha arahattati . amanta . asamayavimuttassa arahato rago pahino parihayati asamayavimutto araha arahattati . Na hevam vattabbe . samayavimuttassa arahato doso pahino .pe. Anottappam pahinam parihayati samayavimutto araha arahattati . Amanta . asamayavimuttassa arahato doso pahino .pe. anottappam pahinam parihayati asamayavimutto araha arahattati . na hevam vattabbe . samayavimuttassa arahato ragappahanaya maggo bhavito parihayati samayavimutto araha arahattati . amanta. Asamayavimuttassa arahato ragappahanaya maggo bhavito parihayati asamayavimutto Araha arahattati . na hevam vattabbe . samayavimuttassa arahato ragappahanaya satipatthana bhavita .pe. sammappadhana bhavita iddhipada bhavita indriya bhavita bala bhavita bojjhanga bhavita parihayati samayavimutto araha arahattati . amanta . Asamayavimuttassa arahato ragappahanaya satipatthana bhavita .pe. Bojjhanga bhavita parihayati asamayavimutto araha arahattati . Na hevam vattabbe . samayavimuttassa arahato dosappahanaya .pe. Anottappappahanaya maggo bhavito .pe. bojjhanga bhavita parihayati samayavimutto araha arahattati . amanta . Asamayavimuttassa arahato anottappappahanaya maggo bhavito .pe. Bojjhanga bhavita parihayati asamayavimutto araha arahattati . Na hevam vattabbe .pe. [244] Samayavimutto araha vitarago vitadoso vitamoho katakaraniyo ohitabharo anuppattasadattho parikkhinabhavasannojano sammadanna vimutto ukkhittapaligho sankinnaparikho abbulhesiko niraggalo ariyo pannaddhajo pannabharo visannutto suvijitavijayo dukkham tassa parinnatam samudayo pahino nirodho sacchikato maggo bhavito abhinneyyam abhinnatam parinneyyam parinnatam pahatabbam pahinam bhavetabbam bhavitam sacchikatabbam sacchikatam parihayati samayavimutto araha arahattati . amanta . asamayavimutto araha vitarago Vitadoso .pe. sacchikatabbam sacchikatam parihayati asamayavimutto araha arahattati. Na hevam vattabbe .pe. [245] Asamayavimuttassa arahato rago pahino na parihayati asamayavimutto araha arahattati . amanta . samayavimuttassa arahato rago pahino na parihayati samayavimutto araha arahattati. Na hevam vattabbe . asamayavimuttassa arahato doso pahino .pe. anottappam pahinam na parihayati asamayavimutto araha arahattati . amanta . samayavimuttassa arahato anottappam pahinam na parihayati samayavimutto araha arahattati . na hevam vattabbe . asamayavimuttassa arahato ragappahanaya maggo bhavito .pe. bojjhanga bhavita na parihayati asamayavimutto araha arahattati. {245.1} Amanta . samayavimuttassa arahato ragappahanaya maggo bhavito .pe. bojjhanga bhavita na parihayati samayavimutto araha arahattati . na hevam vattabbe . asamayavimuttassa arahato dosappahanaya .pe. anottappappahanaya maggo bhavito .pe. Bojjhanga bhavita na parihayati asamayavimutto araha arahattati . Amanta . samayavimuttassa arahato anottappappahanaya maggo bhavito .pe. bojjhanga bhavita na parihayati samayavimutto araha arahattati . na hevam vattabbe . asamayavimutto araha vitarago vitadoso .pe. sacchikatabbam sacchikatam na parihayati Asamayavimutto araha arahattati . amanta . samayavimutto araha vitarago vitadoso .pe. sacchikatabbam sacchikatam na parihayati samayavimutto araha arahattati. Na hevam vattabbe .pe. [246] Parihayati araha arahattati . amanta . Sariputto thero parihayittha arahattati . na hevam vattabbe. Mahamoggallano thero mahakassapo thero mahakaccayano thero mahakotthiko thero mahapanthako thero parihayittha arahattati . na hevam vattabbe . sariputto thero na parihayittha arahattati . Amanta . hanci sariputto thero na parihayittha arahatta no vata re vattabbe parihayati araha arahattati . mahamoggallano thero ... Mahakassapo thero ... Mahakaccayano thero ... Mahakotthiko thero ... mahapanthako thero na parihayittha arahattati. Amanta. Hanci mahamoggallano thero ... .pe. mahapanthako thero na parihayittha arahatta no vata re vattabbe parihayati araha arahattati. [247] Parihayati araha arahattati . amanta . nanu vuttam bhagavata uccavaca hi patipada samanena pakasita na param digunam yanti nayidam ekagunam mutanti ^1- attheva suttantoti . amanta . tena hi na vattabbam parihayati @Footnote:1. khu. su. 384. Araha arahattati. [248] Parihayati araha arahattati . amanta . atthi chinnassa chediyanti . na hevam vattabbe . atthi chinnassa chediyanti. Amanta. Nanu vuttam bhagavata vitatanho anadano kiccam yassa na vijjati chinnassa chediyam natthi oghapaso samuhatoti attheva suttantoti . amanta . tena hi na vattabbam atthi chinnassa chediyanti. [249] Parihayati araha arahattati . amanta . atthi katassa paticayoti . na hevam vattabbe . atthi katassa paticayoti. Amanta. Nanu vuttam bhagavata tassa sammavimuttassa santacittassa bhikkhuno katassa paticayo natthi karaniyam na vijjati selo yatha ekaghano vatena na samirati evam rupa rasa sadda gandha phassa ca kevala ittha dhamma anittha ca nappavedhenti tadino thitam cittam vippamuttam vayam cassanupassatiti ^1- attheva suttantoti . amanta . tena hi na vattabbam atthi katassa paticayoti. @Footnote: ¹ vi. Ma. 2. 11. [250] Na vattabbam parihayati araha arahattati . Amanta. Nanu vuttam bhagavata pancime bhikkhave dhamma samayavimuttassa bhikkhuno parihanaya samvattanti katame panca kammaramata bhassaramata niddaramata sanganikaramata yatha vimuttam cittam na paccavekkhati ime kho bhikkhave panca dhamma samayavimuttassa bhikkhuno parihanaya samvattantiti ^1- attheva suttantoti . amanta . tena hi parihayati araha arahattati. [251] Atthi arahato kammaramatati. Na hevam vattabbe. Atthi arahato kammaramatati . amanta . atthi arahato rago kamarago kamaragapariyutthanam kamaragasannojanam kamogho kamayogo kamacchanda- nivarananti . na hevam vattabbe . atthi arahato bhassaramata atthi arahato niddaramata atthi arahato sanganikaramatati . Na hevam vattabbe . atthi arahato sanganikaramatati . Amanta. Atthi arahato rago kamarago kamaragapariyutthanam kamaragasannojanam kamogho kamayogo kamacchandanivarananti. Na hevam vattabbe .pe. [252] Parihayati araha arahattati . amanta . araha arahatta parihayamano kim pariyutthito parihayatiti . ragapariyutthito parihayatiti . pariyutthanam kim paticca uppajjatiti . anusayam paticca uppajjatiti . atthi arahato anusayati . na hevam vattabbe .pe. @Footnote: ¹ am. pancaka. 193. Atthi arahato anusayati . amanta . atthi arahato kamaraganusayo patighanusayo mananusayo ditthanusayo vicikicchanusayo bhavaraganusayo avijjanusayoti . na hevam vattabbe .pe. Dosapariyutthito parihayatiti .pe. mohapariyutthito parihayatiti . pariyutthanam kim paticca uppajjatiti . anusayam paticca uppajjatiti . atthi arahato anusayati . na hevam vattabbe .pe. atthi arahato anusayati . amanta . atthi arahato kamaraganusayo .pe. Avijjanusayoti. Na hevam vattabbe .pe. [253] Parihayati araha arahattati . amanta . arahato arahatta parihayamanassa kim upacayam gacchatiti . rago upacayam gacchatiti . sakkayaditthi upacayam gacchatiti . vicikiccha upacayam gacchatiti . silabbataparamaso upacayam gacchatiti . na hevam vattabbe .pe. doso upacayam gacchatiti .pe. moho upacayam gacchatiti . Sakkayaditthi upacayam gacchatiti . vicikiccha upacayam gacchatiti . Silabbataparamaso upacayam gacchatiti. Na hevam vattabbe .pe. [254] Parihayati araha arahattati . amanta . araha acinatiti . na hevam vattabbe .pe. araha apacinatiti . na hevam vattabbe .pe. araha pajahatiti . na hevam vattabbe .pe. Araha upadiyatiti . na hevam vattabbe .pe. araha visinetiti . Na hevam vattabbe .pe. araha ussinetiti . na hevam vattabbe .pe. Araha vidhupetiti . na hevam vattabbe .pe. araha sandhupetiti . na hevam vattabbe .pe. nanu araha nevacinati na apacinati apacinitva thitoti . amanta . hanci araha nevacinati na apacinati apacinitva thito no vata re vattabbe parihayati araha arahattati . nanu araha neva pajahati na upadiyati pajahitva thitoti . amanta . hanci araha neva pajahati na upadiyati pajahitva thito no vata re vattabbe parihayati araha arahattati . nanu araha neva visineti na ussineti visinitva thitoti . amanta . hanci araha neva visineti na ussineti visinitva thito no vata re vattabbe parihayati araha arahattati. Nanu araha neva vidhupeti na sandhupeti vidhupetva thitoti. Amanta. Hanci araha neva vidhupeti na sandhupeti vidhupetva thito no vata re vattabbe parihayati araha arahattati. Parihanikatha. -----

The Pali Tipitaka in Roman Character Volume 37 page 84-109. https://84000.org/tipitaka/read/roman_read.php?B=37&A=1708&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=1708&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=191&items=64 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=21 Study Atthakatha :- https://84000.org/tipitaka/attha/attha.php?b=37&i=191 The Pali Atthakatha in Thai :- https://84000.org/tipitaka/atthapali/read_th.php?B=55&A=3600 The Pali Atthakatha in Roman :- https://84000.org/tipitaka/atthapali/read_rm.php?B=55&A=3600 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37