PaliRoman Vol.37

Lakkhanakatha [956] Lakkhanasamannagato bodhisattoti. Amanta. Padesalakkhanehi samannagato padesabodhisattoti. Na hevam vattabbe .pe. [957] Lakkhanasamannagato bodhisattoti. Amanta. Tibhagalakkhanehi samannagato tibhagabodhisattoti. Na hevam vattabbe .pe. [958] Lakkhanasamannagato bodhisattoti. Amanta. Upaddhalakkhanehi samannagato upaddhabodhisattoti. Na hevam vattabbe .pe. [959] Lakkhanasamannagato bodhisattoti. Amanta. Cakkavattisatto lakkhanasamannagato cakkavattisatto bodhisattoti . na hevam vattabbe .pe. [960] Cakkavattisatto lakkhanasamannagato cakkavattisatto bodhisattoti . amanta . yadiso bodhisattassa pubbayogo pubbacariya Dhammakkhanam dhammadesana tadiso cakkavattisattassa pubbayogo pubbacariya dhammakkhanam dhammadesanati. Na hevam vattabbe .pe. [961] Yatha bodhisattassa jayamanassa deva pathamam patigganhanti paccha manussa evameva cakkavattisattassa jayamanassa deva pathamam patigganhanti paccha manussati. Na hevam vattabbe .pe. [962] Yatha bodhisattassa jayamanassa cattaro ^[1]- devaputta patiggahetva matu purato thapenti attamana devi hohi mahesakkho tava putto uppannoti evameva cakkavattisattassa jayamanassa cattaro ^[2]- devaputta patiggahetva matu purato thapenti attamana devi hohi mahesakkho tava putto uppannoti . na hevam vattabbe .pe. [963] Yatha bodhisattassa jayamanassa dve udakassa dhara antalikkha patubhavanti eka sitassa eka unhassa yena bodhisattassa udakakiccam karonti matu ca evameva cakkavattisattassa jayamanassa dve udakassa dhara antalikkha patubhavanti eka sitassa eka unhassa yena cakkavattisattassa udakakiccam karonti matu cati. Na hevam vattabbe .pe. [964] Yatha sampatijato bodhisatto samehi padehi patitthahitva uttarena abhimukho satta padavitihare gacchati setamhi chatte anudhariyamane sabba ca disa viloketi asabhinca vacam bhasati @Footnote:[1]-[2] Ma. etathantare nantipatho atthi. Aggohamasmi lokassa jetthohamasmi lokassa setthohamasmi lokassa ayamantima jati natthidani punabbhavoti evameva sampatijato cakkavattisatto samehi padehi patitthahitva uttarena abhimukho satta padavitihare gacchati setamhi chatte anudhariyamane sabba ca disa viloketi asabhinca vacam bhasati aggohamasmi lokassa jetthohamasmi lokassa setthohamasmi lokassa ayamantima jati natthidani punabbhavoti. Na hevam vattabbe .pe. [965] Yatha bodhisattassa jayamanassa mahato alokassa mahato obhasassa mahato bhumicalassa patubhavo hoti evameva cakkavattisattassa jayamanassa mahato alokassa mahato obhasassa mahato bhumicalassa patubhavo hotiti. Na hevam vattabbe .pe. [966] Yatha bodhisattassa pakatikayo samanta byamam obhasati evameva cakkavattisattassa pakatikayo samanta byamam obhasatiti . Na hevam vattabbe .pe. [967] Yatha bodhisatto mahasupinam passi ^1- evameva cakkavattisatto mahasupinam passatiti. Na hevam vattabbe .pe. [968] Na vattabbam lakkhanasamannagato bodhisattoti. Amanta. Nanu vuttam bhagavata dvattimsimani bhikkhave mahapurisassa mahapurisalakkhanani yehi samannagatassa mahapurisassa dveva gatiyo bhavanti ananna sace agaram ajjhavasati raja hoti cakkavatti dhammiko @Footnote:1. Ma. passati. Dhammaraja caturanto vijitavi janapadatthavariyappatto sattaratanasamannagato tassimani satta ratanani bhavanti seyyathidam cakkaratanam hatthiratanam assaratanam maniratanam itthiratanam gahapatiratanam parinayakaratanameva sattamam parosahassam kho panassa putta bhavanti sura virangarupa parasenappamaddana so imam pathavim sagarapariyantam adandena asatthena dhammena abhivijiya ajjhavasati sace pana kho agarasma anagariyam pabbajjati araham hoti sammasambuddho loke vivatacchadoti ^1- attheva suttantoti . amanta . tena hi lakkhanasamannagato bodhisattoti. Lakkhanakatha. ---------

The Pali Tipitaka in Roman Character Volume 37 page 309-312. https://84000.org/tipitaka/read/roman_read.php?B=37&A=6210&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=6210&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=956&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=59 Study Atthakatha :- https://84000.org/tipitaka/attha/attha.php?b=37&i=956 The Pali Atthakatha in Thai :- https://84000.org/tipitaka/atthapali/read_th.php?B=55&A=4622 The Pali Atthakatha in Roman :- https://84000.org/tipitaka/atthapali/read_rm.php?B=55&A=4622 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37