PaliRoman Vol.37

Rupadhatuya ayatanakatha [1221] Atthi salayataniko attabhavo rupadhatuyati. Amanta. Atthi tattha ghanayatananti . amanta . atthi tattha gandhayatananti. Tananti . na hevam vattabbe .pe. atthi tattha jivhayatananti . Amanta . atthi tattha rasayatananti . na hevam vattabbe .pe. Atthi tattha kayayatananti . amanta . atthi tattha photthabbayatananti. Na hevam vattabbe .pe. [1222] Natthi tattha gandhayatananti . amanta . natthi tattha ghanayatananti . na hevam vattabbe .pe. natthi tattha rasayatananti. Amanta . natthi tattha jivhayatananti . na hevam vattabbe .pe. Natthi tattha photthabbayatananti . amanta . natthi tattha kayayatananti. Na hevam vattabbe .pe. [1223] Atthi tattha cakkhayatanam atthi rupayatananti. Amanta. Atthi tattha ghanayatanam atthi gandhayatananti . na hevam vattabbe .pe. atthi tattha cakkhayatanam atthi rupayatananti . amanta . Atthi tattha jivhayatanam atthi rasayatanam .pe. atthi tattha kayayatanam atthi photthabbayatananti. Na hevam vattabbe .pe. [1224] Atthi tattha sotayatanam atthi saddayatanam .pe. Atthi tattha manayatanam atthi dhammayatananti . amanta . atthi tattha ghanayatanam atthi gandhayatananti . na hevam vattabbe .pe. atthi tattha manayatanam atthi dhammayatananti . amanta . Atthi tattha jivhayatanam atthi rasayatananti .pe. atthi tattha kayayatanam atthi photthabbayatananti. Na hevam vattabbe .pe. [1225] Atthi tattha ghanayatanam natthi gandhayatananti . Amanta . atthi tattha cakkhayatanam natthi rupayatananti . na hevam vattabbe .pe. atthi tattha ghanayatanam natthi gandhayatananti . Amanta . atthi tattha sotayatanam natthi saddayatanam .pe. atthi tattha manayatanam natthi dhammayatananti . na hevam vattabbe .pe. [1226] Atthi tattha jivhayatanam natthi rasayatanam .pe. Atthi tattha kayayatanam natthi photthabbayatananti . amanta . Atthi tattha cakkhayatanam natthi rupayatananti . na hevam vattabbe .pe. atthi tattha kayayatanam natthi photthabbayatananti . amanta. Atthi tattha sotayatanam natthi saddayatanam .pe. atthi tattha manayatanam natthi dhammayatananti. Na hevam vattabbe .pe. [1227] Atthi tattha cakkhayatanam atthi rupayatanam tena cakkhuna tam rupam passatiti . amanta . atthi tattha ghanayatanam atthi gandhayatanam tena ghanena tam gandham ghayatiti . na hevam vattabbe .pe. atthi tattha cakkhayatanam atthi rupayatanam tena cakkhuna tam rupam passatiti . amanta . atthi tattha jivhayatanam atthi rasayatanam taya jivhaya tam rasam sayati .pe. atthi tattha kayayatanam atthi photthabbayatanam tena kayena tam photthabbam phusatiti na hevam vattabbe .pe. [1228] Atthi tattha sotayatanam atthi saddayatanam .pe. Atthi tattha manayatanam atthi dhammayatanam tena manena tam dhammam vijanatiti . amanta . atthi tattha ghanayatanam atthi gandhayatanam tena ghanena tam gandham ghayatiti . na hevam vattabbe .pe. Atthi tattha manayatanam atthi dhammayatanam tena manena tam dhammam vijanatiti . Amanta . atthi tattha jivhayatanam atthi rasayatanam .pe. Atthi tattha kayayatanam atthi photthabbayatanam tena kayena tam photthabbam phusatiti. Na hevam vattabbe .pe. [1229] Atthi tattha ghanayatanam atthi gandhayatanam na ca tena ghanena tam gandham ghayatiti . amanta . Atthi tattha cakkhayatanam atthi rupayatanam na ca tena cakkhuna tam rupam passatiti . na hevam vattabbe .pe. atthi tattha ghanayatanam atthi gandhayatanam na ca tena ghanena tam gandham ghayatiti . amanta . atthi tattha sotayatanam atthi saddayatanam .pe. atthi tattha manayatanam atthi dhammayatanam na ca tena manena tam dhammam vijanatiti . na hevam vattabbe .pe. [1230] Atthi tattha jivhayatanam atthi rasayatanam .pe. atthi tattha kayayatanam atthi photthabbayatanam na ca tena kayena tam photthabbam phusatiti . amanta . atthi tattha cakkhayatanam atthi rupayatanam na ca tena cakkhuna tam rupam passatiti . na hevam vattabbe .pe. atthi tattha kayayatanam atthi photthabbayatanam Na ca tena kayena tam photthabbam phusatiti . amanta . atthi tattha sotayatanam atthi saddayatanam .pe. atthi tattha manayatanam atthi dhammayatanam na ca tena manena tam dhammam vijanatiti . na hevam vattabbe .pe. [1231] Atthi tattha ghanayatanam atthi gandhayatanam tena ghanena tam gandham ghayatiti . amanta . atthi tattha mulagandho saragandho tacagandho pattagandho pupphagandho phalagandho amagandho visagandho ^1- sugandho duggandhoti. Na hevam vattabbe .pe. [1232] Atthi tattha jivhayatanam atthi rasayatanam taya jivhaya tam rasam sayatiti . amanta . atthi tattha mularaso khandharaso tacaraso pattaraso puppharaso phalaraso ambilam madhuram tittikam katukam loniyam khariyam lambilam kasavo sadu asaduti . na hevam vattabbe .pe. [1233] Atthi tattha kayayatanam atthi photthabbayatanam tena kayena tam photthabbam phusatiti . amanta . atthi tattha kakkhalam mudukam sanham pharusam sukhasamphassam dukkhasamphassam garukam lahukanti . na hevam vattabbe .pe. [1234] Na vattabbam salayataniko attabhavo rupadhatuyati . Amanta . nanu atthi tattha ghananimittam jivhanimittam kayanimittanti. Amanta . hanci atthi tattha ghananimittam jivhanimittam kayanimittam @Footnote:1. Ma. vissagandho. Tena vata re vattabbe salayataniko attabhavo rupadhatuyati. Rupadhatuya ayatanakatha. --------

The Pali Tipitaka in Roman Character Volume 37 page 402-407. https://84000.org/tipitaka/read/roman_read.php?B=37&A=8038&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=8038&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1221&items=14 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=99 Study Atthakatha :- https://84000.org/tipitaka/attha/attha.php?b=37&i=1221 The Pali Atthakatha in Thai :- https://84000.org/tipitaka/atthapali/read_th.php?B=55&A=5340 The Pali Atthakatha in Roman :- https://84000.org/tipitaka/atthapali/read_rm.php?B=55&A=5340 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37