PaliRoman Vol.37

Avinnatti dussilyantikatha [1430] Avinnatti dussilyanti . amanta . Panatipatoti. Na hevam vattabbe .pe. adinnadananti . na hevam vattabbe .pe. kamesumicchacaroti . na hevam vattabbe .pe. Musavadoti. Na hevam vattabbe .pe. suramerayamajjapamadatthananti . Na hevam vattabbe .pe. papakammam samadiyitva danam dadantassa punnanca apunnanca ubho vaddhantiti . na hevam vattabbe .pe. punnanca apunnanca ubho vaddhantiti . Amanta . dvinnam phassanam .pe. dvinnam cittanam samodhanam hotiti . na hevam vattabbe .pe. dvinnam phassanam .pe. dvinnam cittanam samodhanam hotiti . amanta . kusalakusala savajjanavajja hinappanita kanhasukkasappatibhaga dhamma sammukhibhavam agacchantiti . Na hevam vattabbe .pe. kusalakusala savajjanavajja hinappanita kanhasukkasappatibhaga dhamma sammukhibhavam agacchantiti . Amanta. {1430.1} Nanu vuttam bhagavata cattarimani bhikkhave suviduravidurani. Katamani cattari . nabhanca bhikkhave pathavi ca idam pathamam suviduraviduram .pe. tasma satam dhammo asabbhi arakati attheva suttantoti . Amanta . tena hi na vattabbam kusalakusala savajjanavajja hinappanita kanhasukkasappatibhaga dhamma sammukhibhavam agacchantiti . Papakammam samadiyitva civaram dadantassa pindapatam dadantassa senasanam dadantassa gilanapaccayabhesajjaparikkharam dadantassa abhivadanarahassa abhivadentassa paccutthanarahassa paccutthentassa anjalikammarahassa anjalikammam karontassa samicikammarahassa samicikammam karontassa asanarahassa asanam dadantassa maggarahassa maggam dadantassa punnanca apunnanca ubho vaddhantiti . na hevam vattabbe .pe. punnanca apunnanca ubho vaddhantiti . amanta . dvinnam phassanam .pe. dvinnam cittanam samodhanam hotiti . na hevam vattabbe .pe. dvinnam Phassanam .pe. dvinnam cittanam samodhanam hotiti . amanta . Kusalakusala savajjanavajja hinappanita kanhasukkasappatibhaga dhamma sammukhibhavam agacchantiti . na hevam vattabbe .pe. Kusalakusala savajjanavajja hinappanita kanhasukkasappatibhaga dhamma sammukhibhavam agacchantiti . amanta . nanu vuttam bhagavata cattarimani bhikkhave suviduravidurani . katamani cattari . nabhanca bhikkhave pathavi ca idam pathamam suviduraviduram .pe. Tasma satam dhammo asabbhi arakati attheva suttantoti . amanta . tena hi na vattabbam kusalakusala savajjanavajja hinappanita kanhasukkasappatibhaga dhamma sammukhibhavam agacchantiti. [1431] Na vattabbam avinnatti dussilyanti . amanta . Nanu papakammam samadinno asiti . amanta . hanci papakammam samadinno asi tena vata re vattabbe avinnatti dussilyanti. Avinnatti dussilyantikatha. Dasamo vaggo. Tassa uddanam maggasamangissa rupam maggo pancavinnanasamangissa atthi maggabhavana pancavinnana kusalapi akusalapi pancavinnana sabhoga maggasamangi dvihi silehi samannagato silam acetasikam silam na cittanuparivatti samadanahetukam Silam vaddhati vinnatti silam avinnatti dussilyanti. Dutiyapannasako. Niyamasangahagatanisamsata atthi pancavokarabhavo nirodho maggasamangissa pancavokarabhavoti. ------------

The Pali Tipitaka in Roman Character Volume 37 page 471-474. https://84000.org/tipitaka/read/roman_read.php?B=37&A=9387&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=9387&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1430&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=126 Study Atthakatha :- https://84000.org/tipitaka/attha/attha.php?b=37&i=1430 The Pali Atthakatha in Thai :- https://84000.org/tipitaka/atthapali/read_th.php?B=55&A=5743 The Pali Atthakatha in Roman :- https://84000.org/tipitaka/atthapali/read_rm.php?B=55&A=5743 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37