|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
| ThaiVersion McuVersion PaliThai PaliRoman |
TIPITAKA Volume 38 : PALI ROMAN Sutta Pitaka Vol 30 : Abhi. Yamakaṃ (1)
Pariññāvāro [1017] Yo dukkhasaccaṃ parijānāti so samudayasaccaṃ pajahatīti: āmantā . yo vā pana samudayasaccaṃ pajahati so dukkhasaccaṃ parijānātīti: āmantā . yo dukkhasaccaṃ na parijānāti so samudayasaccaṃ nappajahatīti: āmantā . yo vā pana samudayasaccaṃ nappajahati so dukkhasaccaṃ na parijānātīti: āmantā.--------------------------------------------------------------------------------------------- page357.
[1018] Yo dukkhasaccaṃ parijānittha so samudayasaccaṃ pajahitthāti: āmantā . yo vā pana samudayasaccaṃ pajahittha so dukkhasaccaṃ parijānitthāti: āmantā . yo dukkhasaccaṃ na parijānittha so samudayasaccaṃ nappajahitthāti: āmantā . yo vā pana samudayasaccaṃ nappajahittha so dukkhasaccaṃ na parijānitthāti: āmantā. [1019] Yo dukkhasaccaṃ parijānissati so samudayasaccaṃ pajahissatīti: āmantā . yo vā pana samudayasaccaṃ pajahissati so dukkhasaccaṃ parijānissatīti: āmantā . yo dukkhasaccaṃ na parijānissati so samudayasaccaṃ nappajahissatīti: āmantā . yo vā pana samudayasaccaṃ nappajahissati so dukkhasaccaṃ na parijānissatīti: āmantā. [1020] Yo dukkhasaccaṃ parijānāti so samudayasaccaṃ pajahitthāti: no . yo vā pana samudayasaccaṃ pajahittha so dukkhasaccaṃ parijānātīti: no . yo dukkhasaccaṃ na parijānāti so samudayasaccaṃ nappajahitthāti: arahā dukkhasaccaṃ na parijānāti no ca samudayasaccaṃ nappajahittha aggamaggasamaṅgiñca arahantañca ṭhapetvā avasesā puggalā dukkhasaccañca na parijānanti samudayasaccañca nappajahittha . No vā pana samudayasaccaṃ nappajahittha so dukkhasaccaṃ na parijānātīti: aggamaggasamaṅgī samudayasaccaṃ nappajahittha no ca dukkhasaccaṃ na parijānāti aggamaggasamaṅgiñca arahantañca ṭhapetvā avasesā puggalā samudayasaccañca nappajahittha dukkhasaccañca na parijānanti.--------------------------------------------------------------------------------------------- page358.
[1021] Yo dukkhasaccaṃ parijānāti so samudayasaccaṃ pajahissatīti: no . yo vā pana samudayasaccaṃ pajahissati so dukkhasaccaṃ parijānātīti: no . yo dukkhasaccaṃ na parijānāti so samudayasaccaṃ nappajahissatīti: ye maggaṃ paṭilabhissanti te dukkhasaccaṃ na parijānanti no ca samudayasaccaṃ nappajahissanti arahā ye ca puthujjanā maggaṃ na paṭilabhissanti te dukkhasaccañca na parijānanti samudayasaccañca nappajahissanti . yo vā pana samudayasaccaṃ nappajahissati so dukkhasaccaṃ na parijānātīti: aggamaggasamaṅgī samudayasaccaṃ nappajahissati no ca dukkhasaccaṃ na parijānāti arahā ye ca puthujjanā maggaṃ na paṭilabhissanti te samudayasaccañca nappajahissanti dukkhasaccañca na parijānanti. [1022] Yo dukkhasaccaṃ parijānittha so samudayasaccaṃ pajahissatīti: no . yo vā pana samudayasaccaṃ pajahissati so dukkhasaccaṃ parijānitthāti: no . yo dukkhasaccaṃ na parijānittha so samudayasaccaṃ nappajahissatīti: ye maggaṃ paṭilabhissanti te dukkhasaccaṃ na parijānittha no ca samudayasaccaṃ nappajahissanti aggamaggasamaṅgī ye ca puthujjanā maggaṃ na paṭilabhissanti te dukkhasaccañca na parijānittha samudayasaccañca nappajahissanti . Yo vā pana samudayasaccaṃ nappajahissati so dukkhasaccaṃ na parijānitthāti: arahā samudayasaccaṃ nappajahissati no ca dukkhasaccaṃ na parijānittha aggamaggasamaṅgī ye ca puthujjanā maggaṃ na paṭilabhissanti--------------------------------------------------------------------------------------------- page359.
Te samudayasaccañca nappajahissanti dukkhasaccañca na parijānittha. Pariññāvāraṃ niṭṭhitaṃ. Saccayamakaṃ niṭṭhitaṃ. --------The Pali Tipitaka in Roman Character Volume 38 page 356-359. https://84000.org/tipitaka/read/roman_read.php?B=38&A=7107&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=38&A=7107&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=38&item=1017&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=38&siri=27 Study Atthakatha :- https://84000.org/tipitaka/attha/attha.php?b=38&i=1017 Contents of The Tipitaka Volume 38 https://84000.org/tipitaka/read/?index_38 https://84000.org/tipitaka/english/?index_38
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]