ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ENGLISH letter
TIPITAKA Volume 40 : PALI ROMAN Sutta Pitaka Vol 32 : Abhi. Pa.(1) Paṭṭhānaṃ

                       Vedanāttikaṃ
                        paṭiccavāro
     [1077]  Sukhāya  vedanāya  sampayuttaṃ  dhammaṃ paṭicca sukhāya vedanāya
sampayutto   dhammo   uppajjati  hetupaccayā  sukhāya  vedanāya  sampayuttaṃ
ekaṃ   khandhaṃ   paṭicca   dve   khandhā   dve   khandhe   paṭicca  eko
khandho    paṭisandhikkhaṇe    sukhāya   vedanāya   sampayuttaṃ   ekaṃ   khandhaṃ
paṭicca dve khandhā dve khandhe paṭicca eko khandho.
     [1078]   Dukkhāya   vedanāya   sampayuttaṃ  dhammaṃ  paṭicca  dukkhāya
vedanāya    sampayutto    dhammo    uppajjati    hetupaccayā   dukkhāya
vedanāya   sampayuttaṃ   ekaṃ   khandhaṃ  paṭicca  dve  khandhā  dve  khandhe
paṭicca eko khandho.
     [1079]    Adukkhamasukhāya   vedanāya   sampayuttaṃ   dhammaṃ   paṭicca
adukkhamasukhāya   vedanāya   sampayutto   dhammo   uppajjati   hetupaccayā
adukkhamasukhāya   vedanāya   sampayuttaṃ   ekaṃ  khandhaṃ  paṭicca  dve  khandhā
dve   khandhe   paṭicca   eko   khandho   paṭisandhikkhaṇe   adukkhamasukhāya
vedanāya   sampayuttaṃ   ekaṃ   khandhaṃ  paṭicca  dve  khandhā  dve  khandhe
paṭicca eko khandho.
     [1080]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya  sampayutto  dhammo  uppajjati ārammaṇapaccayā ... Adhipatipaccayā
...    .    Adhipatiyā   paṭisandhi   natthi   .   ...   anantarapaccayā
samanantarapaccayā     sahajātapaccayā     aññamaññapaccayā    nissayapaccayā
upanissayapaccayā   purejātapaccayā   sukhāya   vedanāya   sampayuttaṃ  ekaṃ
khandhaṃ   paṭicca   dve   khandhā   dve   khandhe   paṭicca  eko  khandho
vatthuṃ purejātapaccayā. Saṅkhittaṃ.
     [1081]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya  sampayutto  dhammo  uppajjati  āsevanapaccayā ... Kammapaccayā
...    vipākapaccayā    sukhāya    vedanāya   sampayuttaṃ   ekaṃ   khandhaṃ
paṭicca  dve  khandhā  dve  khandhe  paṭicca  eko  khandho  paṭisandhikkhaṇe
sukhāya     vedanāya     sampayuttaṃ    ekaṃ    khandhaṃ    paṭicca    dve
khandhā dve khandhe paṭicca eko khandho.
     [1082]   Dukkhāya   vedanāya   sampayuttaṃ  dhammaṃ  paṭicca  dukkhāya
vedanāya    sampayutto   dhammo   uppajjati   vipākapaccayā   dukkhasahagataṃ
kāyaviññāṇasahagataṃ   ekaṃ   khandhaṃ   paṭicca   dve   khandhā  dve  khandhe
paṭicca eko khandho.
     [1083]    Adukkhamasukhāya   vedanāya   sampayuttaṃ   dhammaṃ   paṭicca
adukkhamasukhāya   vedanāya   sampayutto   dhammo   uppajjati  vipākapaccayā
adukkhamasukhāya   vedanāya   sampayuttaṃ   ekaṃ  khandhaṃ  paṭicca  dve  khandhā
dve   khandhe   paṭicca   eko   khandho   paṭisandhikkhaṇe   adukkhamasukhāya
vedanāya   sampayuttaṃ   ekaṃ   khandhaṃ  paṭicca  dve  khandhā  dve  khandhe
Paṭicca eko khandho.
     [1084]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya  sampayutto  dhammo  uppajjati āhārapaccayā ... Indriyapaccayā
jhānapaccayā      maggapaccayā      sampayuttapaccayā     vippayuttapaccayā
sukhāya    vedanāya   sampayuttaṃ   ekaṃ   khandhaṃ   paṭicca   dve   khandhā
dve  khandhe  paṭicca  eko  khandho  vatthuṃ  vippayuttapaccayā paṭisandhikkhaṇe
sukhāya    vedanāya   sampayuttaṃ   ekaṃ   khandhaṃ   paṭicca   dve   khandhā
dve khandhe paṭicca eko khandho vatthuṃ vippayuttapaccayā.
     [1085]   Dukkhāya   vedanāya   sampayuttaṃ  dhammaṃ  paṭicca  dukkhāya
vedanāya    sampayutto   dhammo   uppajjati   vippayuttapaccayā   dukkhāya
vedanāya   sampayuttaṃ   ekaṃ   khandhaṃ  paṭicca  dve  khandhā  dve  khandhe
paṭicca eko khandho vatthuṃ vippayuttapaccayā.
     [1086]    Adukkhamasukhāya   vedanāya   sampayuttaṃ   dhammaṃ   paṭicca
adukkhamasukhāya   vedanāya   sampayutto  dhammo  uppajjati  vippayuttapaccayā
adukkhamasukhāya     vedanāya     sampayuttaṃ     ekaṃ     khandhaṃ    paṭicca
dve  khandhā  dve  khandhe  paṭicca  eko  khandho  vatthuṃ vippayuttapaccayā
paṭisandhikkhaṇe      adukkhamasukhāya      vedanāya     sampayuttaṃ     ekaṃ
khandhaṃ   paṭicca   dve   khandhā   dve   khandhe   paṭicca  eko  khandho
vatthuṃ   vippayuttapaccayā   .   saṅkhittaṃ   .   atthipaccayā   natthipaccayā
vigatapaccayā avigatapaccayā.
     [1087]   Hetuyā   tīṇi   ārammaṇe   tīṇi   .   saṅkhittaṃ  .
...  Avigate  tīṇi  .  hetupaccayā  ārammaṇe  tīṇi  ... Vipāke dve
avigate   tīṇi   .   ārammaṇapaccayā  ...  adhipatipaccayā  hetuyā  tīṇi
...   vipāke   dve  avigate  tīṇi  .  āsevanapaccayā  hetuyā  tīṇi
...  kamme  tīṇi  āhāre  tīṇi  avigate  tīṇi . Vipākapaccayā hetuyā
dve  ...  ārammaṇe  tīṇi  adhipatiyā dve. Saṅkhittaṃ. ... Purejāte
tīṇi  kamme  tīṇi  jhāne  dve  magge  dve  avigate tīṇi. Jhānapaccayā
hetuyā   tīṇi   ...   vipāke   dve   avigate  tīṇi  .  maggapaccayā
hetuyā   tīṇi   ...   vipāke   dve  avigate  tīṇi  .  avigatapaccayā
hetuyā   tīṇi   ...  natthiyā  tīṇi  vigate  tīṇi  .  yathā  kusalattikassa
paccayagaṇanā evaṃ vitthāretabbā.
     [1088]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya    sampayutto    dhammo    uppajjati   nahetupaccayā   ahetukaṃ
sukhāya   vedanāya   sampayuttaṃ   ekaṃ  khandhaṃ  paṭicca  dve  khandhā  dve
khandhe paṭicca eko khandho.
     [1089]   Dukkhāya   vedanāya   sampayuttaṃ  dhammaṃ  paṭicca  dukkhāya
vedanāya    sampayutto   dhammo   uppajjati   nahetupaccayā   dukkhasahagataṃ
kāyaviññāṇasahagataṃ   ekaṃ   khandhaṃ   paṭicca   dve   khandhā  dve  khandhe
paṭicca eko khandho.
     [1090]    Adukkhamasukhāya   vedanāya   sampayuttaṃ   dhammaṃ   paṭicca
Adukkhamasukhāya   vedanāya   sampayutto   dhammo   uppajjati  nahetupaccayā
ahetukaṃ   adukkhamasukhāya   vedanāya  sampayuttaṃ  ekaṃ  khandhaṃ  paṭicca  dve
khandhā   dve   khandhe   paṭicca   eko   khandho   ahetukapaṭisandhikkhaṇe
adukkhamasukhāya   vedanāya   sampayuttaṃ   ekaṃ  khandhaṃ  paṭicca  dve  khandhā
dve   khandhe   paṭicca   eko  khandho  vicikicchāsahagate  uddhaccasahagate
khandhe paṭicca vicikicchāsahagato uddhaccasahagato moho.
     [1091]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya  sampayutto  dhammo  uppajjati  naadhipatipaccayā . Nādhipatiparipuṇṇaṃ
paṭisandhikaṃ.
     [1092]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya   sampayutto   dhammo   uppajjati   napurejātapaccayā  āruppe
sukhāya   vedanāya   sampayuttaṃ   ekaṃ  khandhaṃ  paṭicca  dve  khandhā  dve
khandhe    paṭicca    eko   khandho   paṭisandhikkhaṇe   sukhāya   vedanāya
sampayuttaṃ   ekaṃ   khandhaṃ   paṭicca   dve   khandhā  dve  khandhe  paṭicca
eko khandho.
     [1093]    Adukkhamasukhāya   vedanāya   sampayuttaṃ   dhammaṃ   paṭicca
adukkhamasukhāya   vedanāya  sampayutto  dhammo  uppajjati  napurejātapaccayā
āruppe     adukkhamasukhāya     vedanāya    sampayuttaṃ    ekaṃ    khandhaṃ
paṭicca  dve  khandhā  dve  khandhe  paṭicca  eko  khandho  paṭisandhikkhaṇe
adukkhamasukhāya     vedanāya     sampayuttaṃ     ekaṃ     khandhaṃ    paṭicca
Dve khandhā dve khandhe paṭicca eko khandho.
     [1094]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya    sampayutto   dhammo   uppajjati   napacchājātapaccayā   ...
Naāsevanapaccayā   ...   .   napacchājātampi   naāsevanampi   paripuṇṇaṃ
paṭisandhikaṃ.
     [1095]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya    sampayutto    dhammo    uppajjati    nakammapaccayā   sukhāya
vedanāya   sampayutte   khandhe   paṭicca   sukhāya   vedanāya  sampayuttā
cetanā.
     [1096]   Dukkhāya   vedanāya   sampayuttaṃ  dhammaṃ  paṭicca  dukkhāya
vedanāya    sampayutto    dhammo    uppajjati   nakammapaccayā   dukkhāya
vedanāya   sampayutte   khandhe   paṭicca   dukkhāya  vedanāya  sampayuttā
cetanā.
     [1097]    Adukkhamasukhāya   vedanāya   sampayuttaṃ   dhammaṃ   paṭicca
adukkhamasukhāya   vedanāya   sampayutto   dhammo   uppajjati  nakammapaccayā
adukkhamasukhāya    vedanāya   sampayutte   khandhe   paṭicca   adukkhamasukhāya
vedanāya sampayuttā cetanā.
     [1098]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya  sampayutto  dhammo  uppajjati  navipākapaccayā ... Najhānapaccayā
sukhasahagataṃ       kāyaviññāṇasahagataṃ       ekaṃ       khandhaṃ      paṭicca
Dve khandhā dve khandhe paṭicca eko khandho.
     [1099]   Dukkhāya   vedanāya   sampayuttaṃ  dhammaṃ  paṭicca  dukkhāya
vedanāya    sampayutto   dhammo   uppajjati   najhānapaccayā   dukkhasahagataṃ
kāyaviññāṇasahagataṃ   ekaṃ   khandhaṃ   paṭicca   dve   khandhā  dve  khandhe
paṭicca eko khandho.
     [1100]    Adukkhamasukhāya   vedanāya   sampayuttaṃ   dhammaṃ   paṭicca
adukkhamasukhāya   vedanāya   sampayutto   dhammo   uppajjati  najhānapaccayā
cakkhuviññāṇasahagataṃ   ekaṃ   khandhaṃ   paṭicca   dve   khandhā  dve  khandhe
paṭicca eko khandho.
     [1101]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya    sampayutto    dhammo    uppajjati   namaggapaccayā   ahetukaṃ
sukhāya   vedanāya   sampayuttaṃ   ekaṃ  khandhaṃ  paṭicca  dve  khandhā  dve
khandhe paṭicca eko khandho.
     [1102]   Dukkhāya   vedanāya   sampayuttaṃ  dhammaṃ  paṭicca  dukkhāya
vedanāya    sampayutto   dhammo   uppajjati   namaggapaccayā   dukkhasahagataṃ
kāyaviññāṇasahagataṃ   ekaṃ   khandhaṃ   paṭicca   dve   khandhā  dve  khandhe
paṭicca eko khandho.
     [1103]    Adukkhamasukhāya   vedanāya   sampayuttaṃ   dhammaṃ   paṭicca
adukkhamasukhāya   vedanāya   sampayutto   dhammo   uppajjati  namaggapaccayā
ahetukaṃ   adukkhamasukhāya   vedanāya  sampayuttaṃ  ekaṃ  khandhaṃ  paṭicca  dve
Khandhā   dve   khandhe   paṭicca   eko   khandho   ahetukapaṭisandhikkhaṇe
adukkhamasukhāya   vedanāya   sampayuttaṃ   ekaṃ  khandhaṃ  paṭicca  dve  khandhā
dve khandhe paṭicca eko khandho.
     [1104]   Sukhāya   vedanāya   sampayuttaṃ   dhammaṃ   paṭicca  sukhāya
vedanāya   sampayutto   dhammo   uppajjati   navippayuttapaccayā  āruppe
sukhāya   vedanāya   sampayuttaṃ   ekaṃ  khandhaṃ  paṭicca  dve  khandhā  dve
khandhe paṭicca eko khandho.
     [1105]    Adukkhamasukhāya   vedanāya   sampayuttaṃ   dhammaṃ   paṭicca
adukkhamasukhāya   vedanāya  sampayutto  dhammo  uppajjati  navippayuttapaccayā
āruppe     adukkhamasukhāya     vedanāya    sampayuttaṃ    ekaṃ    khandhaṃ
paṭicca dve khandhā dve khandhe paṭicca eko khandho.
     [1106]   Nahetuyā   tīṇi   naadhipatiyā   tīṇi  napurejāte  dve
napacchājāte    tīṇi    naāsevane    tīṇi   nakamme   tīṇi   navipāke
tīṇi najhāne tīṇi namagge tīṇi navippayutte dve.
     [1107]  Nahetupaccayā  naadhipatiyā  tīṇi  ...  napurejāte  ekaṃ
napacchājāte   tīṇi   naāsevane   tīṇi  nakamme  dve  navipāke  dve
najhāne tīṇi namagge tīṇi navippayutte ekaṃ.
     [1108]     Nahetupaccayā    naadhipatipaccayā    napurejātapaccayā
napacchājāte  ekaṃ  ...  naāsevane  ekaṃ nakamme ekaṃ navipāke ekaṃ
namagge ekaṃ navippayutte ekaṃ.
     [1109]     Nahetupaccayā    naadhipatipaccayā    napurejātapaccayā
napacchājātapaccayā    naāsevanapaccayā    nakammapaccayā   navipākapaccayā
namaggapaccayā navippayutte ekaṃ.
     [1110]  Naadhipatipaccayā  nahetuyā  tīṇi  ...  napurejāte  dve
napacchājāte   tīṇi   naāsevane   tīṇi   nakamme   tīṇi  navipāke  tīṇi
najhāne tīṇi namagge tīṇi navippayutte dve.
     [1111]  Napurejātapaccayā  nahetuyā  ekaṃ  ... Naadhipatiyā dve
napacchājāte   dve  naāsevane  dve  nakamme  dve  navipāke  dve
namagge ekaṃ navippayutte dve.
     [1112]    Napurejātapaccayā   nahetupaccayā   naadhipatiyā   ekaṃ
...  napacchājāte  ekaṃ  naāsevane  ekaṃ nakamme ekaṃ navipāke ekaṃ
namagge ekaṃ navippayutte ekaṃ. Saṅkhittaṃ.
     [1113]    Napacchājātapaccayā   ...   naāsevanapaccayā   ...
Nakammapaccayā  nahetuyā  dve  ...  naadhipatiyā  tīṇi  napurejāte  dve
napacchājāte   tīṇi   naāsevane   tīṇi   navipāke  tīṇi  namagge  dve
navippayutte dve.
     [1114]    Nakammapaccayā    nahetupaccayā    naadhipatiyā    dve
...  napurejāte ekaṃ napacchājāte dve naāsevane dve navipāke dve
namagge dve navippayutte ekaṃ.
     [1115] Nakammapaccayā nahetupaccayā naadhipatipaccayā napurejātapaccayā
Napacchājāte    ekaṃ    ...   naāsevane   ekaṃ   navipāke   ekaṃ
namagge ekaṃ navippayutte ekaṃ. Saṅkhittaṃ.
     [1116]   Navipākapaccayā  nahetuyā  dve  ...  naadhipatiyā  tīṇi
napurejāte   dve   napacchājāte  tīṇi  naāsevane  tīṇi  nakamme  tīṇi
namagge dve navippayutte dve. Navipākapaccayaṃ nakammapaccayasadisaṃ.
     [1117]   Najhānapaccayā   nahetuyā   tīṇi  ...  naadhipatiyā  tīṇi
napacchājāte tīṇi naāsevane tīṇi namagge tīṇi.
     [1118]      Najhānapaccayā     nahetupaccayā     naadhipatipaccayā
napacchājātapaccayā naāsevanapaccayā namagge tīṇi.
     [1119]   Namaggapaccayā   nahetuyā   tīṇi  ...  naadhipatiyā  tīṇi
napurejāte   ekaṃ   napacchājāte   tīṇi   naāsevane   tīṇi   nakamme
dve navipāke dve najhāne tīṇi navippayutte ekaṃ.
     [1120]     Namaggapaccayā    nahetupaccayā    naadhipatiyā    tīṇi
...  napurejāte  ekaṃ  napacchājāte  tīṇi naāsevane tīṇi nakamme dve
navipāke dve najhāne tīṇi navippayutte ekaṃ.
     [1121] Namaggapaccayā nahetupaccayā naadhipatipaccayā napurejātapaccayā
napacchājāte    ekaṃ    ...    naāsevane   ekaṃ   nakamme   ekaṃ
navipāke ekaṃ navippayutte ekaṃ. Saṅkhittaṃ.
     [1122]  Navippayuttapaccayā  nahetuyā  ekaṃ  ... Naadhipatiyā dve
napurejāte  dve  napacchājāte  dve  naāsevane  dve  nakamme dve
Navipāke dve namagge ekaṃ.
     [1123]    Navippayuttapaccayā   nahetupaccayā   naadhipatiyā   ekaṃ
...  napurejāte  ekaṃ  napacchājāte  ekaṃ  naāsevane  ekaṃ nakamme
ekaṃ navipāke ekaṃ namagge ekaṃ.
     [1124]     Navippayuttapaccayā    nahetupaccayā    naadhipatipaccayā
napurejātapaccayā   napacchājātapaccayā   naāsevanapaccayā   nakammapaccayā
navipākapaccayā namagge ekaṃ.
                   Paccanīyagaṇanā niṭṭhitā.
     [1125]   Hetupaccayā  naadhipatiyā  tīṇi  ...  napurejāte  dve
napacchājāte   tīṇi   naāsevane   tīṇi   nakamme   tīṇi  navipāke  tīṇi
navippayutte dve.
     [1126]    Hetupaccayā    ārammaṇapaccayā    naadhipatiyā    tīṇi
...  napurejāte  dve  napacchājāte  tīṇi  naāsevane tīṇi nakamme tīṇi
navipāke tīṇi navippayutte dve. Yathā kusalattikaṃ evaṃ gaṇetabbaṃ.
                   Anulomapaccanīyaṃ niṭṭhitaṃ.
     [1127]   Nahetupaccayā   ārammaṇe   tīṇi  ...  anantare  tīṇi
samanantare    tīṇi   sahajāte   tīṇi   aññamaññe   tīṇi   nissaye   tīṇi
upanissaye   tīṇi   purejāte   tīṇi   āsevane   dve   kamme   tīṇi
vipāke   tīṇi   āhāre   tīṇi   indriye   tīṇi  jhāne  dve  magge
ekaṃ    sampayutte   tīṇi   vippayutte   tīṇi   atthiyā   tīṇi   natthiyā
Tīṇi vigate tīṇi avigate tīṇi.
     [1128]    Nahetupaccayā    naadhipatipaccayā    ārammaṇe    tīṇi
...   anantare   tīṇi   samanantare   tīṇi   sahajāte   tīṇi  aññamaññe
tīṇi   nissaye   tīṇi   upanissaye   tīṇi   purejāte   tīṇi   āsevane
dve   kamme   tīṇi   vipāke   tīṇi   āhāre   tīṇi   indriye  tīṇi
jhāne   dve   magge  ekaṃ  sampayutte  tīṇi  vippayutte  tīṇi  atthiyā
tīṇi natthiyā tīṇi vigate tīṇi avigate tīṇi.
     [1129]     Nahetupaccayā    naadhipatipaccayā    napurejātapaccayā
ārammaṇe   ekaṃ   ...   anantare  ekaṃ  samanantare  ekaṃ  sahajāte
ekaṃ   aññamaññe   ekaṃ   nissaye  ekaṃ  upanissaye  ekaṃ  āsevane
ekaṃ   kamme   ekaṃ   vipāke  ekaṃ  āhāre  ekaṃ  indriye  ekaṃ
jhāne  ekaṃ  magge  ekaṃ  sampayutte  ekaṃ  vippayutte  ekaṃ  atthiyā
ekaṃ natthiyā ekaṃ vigate ekaṃ avigate ekaṃ.
     [1130]     Nahetupaccayā    naadhipatipaccayā    napurejātapaccayā
napacchājātapaccayā   naāsevanapaccayā   nakammapaccayā   ārammaṇe  ekaṃ
...   anantare   ekaṃ   samanantare  ekaṃ  sahajāte  ekaṃ  aññamaññe
ekaṃ  nissaye  ekaṃ  upanissaye  ekaṃ  āhāre  ekaṃ  indriye  ekaṃ
jhāne   ekaṃ   sampayutte  ekaṃ  atthiyā  ekaṃ  natthiyā  ekaṃ  vigate
ekaṃ avigate ekaṃ.
     [1131]  Nahetupaccayā  naadhipatipaccayā . Saṅkhittaṃ. Nakammapaccayā
Navipākapaccayā      namaggapaccayā      navippayuttapaccayā     ārammaṇe
ekaṃ  ...  anantare  ekaṃ  samanantare  ekaṃ  sahajāte ekaṃ aññamaññe
ekaṃ  nissaye  ekaṃ  upanissaye  ekaṃ  āhāre  ekaṃ  indriye  ekaṃ
jhāne   ekaṃ   sampayutte  ekaṃ  atthiyā  ekaṃ  natthiyā  ekaṃ  vigate
ekaṃ avigate ekaṃ.
                    Nahetumūlakaṃ niṭṭhitaṃ.
     [1132]    Naadhipatipaccayā    hetuyā   tīṇi   .   saṅkhittaṃ  .
Napurejātapaccayā   hetuyā   dve   .  saṅkhittaṃ  .  napacchājātapaccayā
naāsevanapaccayā nakammapaccayā navipākapaccayā hetuyā tīṇi .pe.
     [1133]   Najhānapaccayā   ārammaṇe   tīṇi  ...  anantare  tīṇi
samanantare    tīṇi   sahajāte   tīṇi   aññamaññe   tīṇi   nissaye   tīṇi
upanissaye    tīṇi    purejāte    tīṇi   kamme   tīṇi   vipāke   tīṇi
āhāre   tīṇi   indriye   tīṇi   sampayutte   tīṇi   vippayutte   tīṇi
atthiyā  tīṇi  natthiyā  tīṇi  vigate  tīṇi  avigate  tīṇi  .  namaggapaccayā
ārammaṇe tīṇi ... Anantare tīṇi samanantare tīṇi.
     [1134]  Navippayuttapaccayā  hetuyā  dve  ...  ārammaṇe dve
adhipatiyā   dve   anantare   dve   samanantare  dve  sahajāte  dve
aññamaññe   dve   nissaye   dve  upanissaye  dve  āsevane  dve
kamme   dve   vipāke  dve  āhāre  dve  indriye  dve  jhāne
dve   magge   dve   sampayutte  dve  atthiyā  dve  natthiyā  dve
Vigate dve avigate dve.
     [1135]    Navippayuttapaccayā   nahetupaccayā   ārammaṇe   ekaṃ
...   anantare  ekaṃ  samanantare  ekaṃ  sahajāte ekaṃ aññamaññe ekaṃ
nissaye  ekaṃ  upanissaye  ekaṃ āsevane ekaṃ kamme ekaṃ vipāke ekaṃ
āhāre  ekaṃ  indriye  ekaṃ  jhāne ekaṃ magge ekaṃ sampayutte ekaṃ
atthiyā ekaṃ natthiyā ekaṃ vigate ekaṃ avigate ekaṃ.
     [1136]     Navippayuttapaccayā    nahetupaccayā    naadhipatipaccayā
napurejātapaccayā   napacchājātapaccayā   naāsevanapaccayā   nakammapaccayā
navipākapaccayā   napaggapaccayā   ārammaṇe  ekaṃ  ...  anantare  ekaṃ
samanantare   ekaṃ   sahajāte   ekaṃ   aññamaññe  ekaṃ  nissaye  ekaṃ
upanissaye  ekaṃ  āhāre  ekaṃ  indriye  ekaṃ jhāne ekaṃ sampayutte
ekaṃ atthiyā ekaṃ natthiyā ekaṃ vigate ekaṃ avigate ekaṃ.
     [1137]     Navippayuttapaccayā    nahetupaccayā    naadhipatipaccayā
napurejātapaccayā   napacchājātapaccayā   naāsevanapaccayā   nakammapaccayā
navipākapaccayā   namaggapaccayā   ārammaṇe  ekaṃ  ...  anantare  ekaṃ
samanantare   ekaṃ   sahajāte   ekaṃ   aññamaññe  ekaṃ  nissaye  ekaṃ
upanissaye  ekaṃ  āhāre  ekaṃ  indriye  ekaṃ jhāne ekaṃ sampayutte
ekaṃ atthiyā ekaṃ natthiyā ekaṃ vigate ekaṃ avigate ekaṃ.
                   Paccanīyānulomaṃ niṭṭhitaṃ.
                   Paṭiccavāro niṭṭhito.



             The Pali Tipitaka in Roman Character Volume 40 page 359-372. http://84000.org/tipitaka/read/roman_read.php?B=40&A=7254              Compare with The Pali Tipitaka in Thai Character :- http://84000.org/tipitaka/read/pali_read.php?B=40&A=7254              Compare with The Royal Version of Thai Tipitaka :- http://84000.org/tipitaka/read/byitem.php?book=40&item=1077&items=61              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=40&siri=147              Study Atthakatha :- http://84000.org/tipitaka/attha/attha.php?b=40&i=1077              The Pali Atthakatha in Thai :- http://84000.org/tipitaka/atthapali/read_th.php?B=55&A=12533              The Pali Atthakatha in Roman :- http://84000.org/tipitaka/atthapali/read_rm.php?B=55&A=12533              Contents of The Tipitaka Volume 40 http://84000.org/tipitaka/read/?index_40

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ENGLISH letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com