PaliRoman Vol.5

[39] Tena kho pana samayena ayasmato pilindavacchassa vatabadho hoti . vejja evamahamsu telam pacitabbanti . Bhagavato etamattham arocesum . anujanami bhikkhave telapakanti . Tasmim kho ^[2]- telapake majjam pakkhipitabbam hoti. Bhagavato etamattham arocesum . anujanami bhikkhave telapake majjam pakkhipitunti . @Footnote: ¹ Ma. Yu. kantham. ² Ma. Yu. pana. Tena kho pana samayena chabbaggiya bhikkhu atipakkhittamajjani ^1- telani pacanti tani pivitva majjanti . bhagavato etamattham arocesum . na bhikkhave atipakkhittamajjam telam patabbam yo piveyya yathadhammo karetabbo . anujanami bhikkhave yasmim telapake majjassa na vanno na gandho na raso pannayati evarupam majjapakkhittam telam patunti. {39.1} Tena kho pana samayena bhikkhunam bahum atipakkhittamajjam telam pakkam hoti . athakho bhikkhunam etadahosi kathannu kho atipakkhittamajje tele patipajjitabbanti . bhagavato etamattham arocesum . anujanami bhikkhave abbhanjanam adhitthatunti. {39.2} Tena kho pana samayena ayasmato pilindavacchassa bahum ^2- telam pakkam hoti . telabhajanam na vijjati ^3- . Bhagavato etamattham arocesum . anujanami bhikkhave tini tumbani lohatumbam katthatumbam phalatumbanti. {39.3} Tena kho pana samayena ayasmato pilindavacchassa angavato hoti . bhagavato etamattham arocesum . anujanami bhikkhave sedakammanti . nakkhamaniyo hoti . bhagavato etamattham arocesum . anujanami bhikkhave sambharasedanti . nakkhamaniyo hoti . anujanami bhikkhave mahasedanti . nakkhamaniyo hoti . anujanami bhikkhave bhangodakanti . nakkhamaniyo hoti . Anujanami bhikkhave udakakotthakanti. @Footnote: ¹ Po. Ma. atikkhittamajjani. ² Ma. Yu. bahutaram. ³ Yu. samvijjati. [40] Tena kho pana samayena ayasmato pilindavacchassa pabbavato hoti . bhagavato etamattham arocesum . anujanami bhikkhave lohitam mocetunti . nakkhamaniyo hoti . bhagavato etamattham arocesum . anujanami bhikkhave lohitam mocetva visanena gahetunti ^1-. [41] Tena kho pana samayena ayasmato pilindavacchassa pada phalita honti . bhagavato etamattham arocesum . anujanami bhikkhave padabbhanjananti . nakkhamaniyo hoti . bhagavato etamattham arocesum. Anujanami bhikkhave pajjam abhisankharitunti.

The Pali Tipitaka in Roman Character Volume 5 page 48-50. https://84000.org/tipitaka/read/roman_read.php?B=5&A=1004&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=1004&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=39&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=9 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5