PaliRoman Vol.5

[48] Athakho bhagava savatthiyam yathabhirantam viharitva yena rajagaham tena carikam pakkami . addasa ^1- kho ayasma kankharevato antaramagge gulakaranam okkamitva gule pitthampi charikampi pakkhipante disvana akappiyo gulo samiso na kappati gulo vikale paribhunjitunti kukkuccayanto sapariso gulam na paribhunjati . Yepissa sotabbam mannanti tepi gulam na paribhunjanti . bhagavato etamattham arocesum . kimatthaya bhikkhave gule pitthampi charikampi pakkhipantiti . bandhanatthaya bhagavati . sace bhikkhave bandhanatthaya gule pitthampi charikampi pakkhipanti so ca gulotveva sankhyam ^2- gacchati. Anujanami bhikkhave yathasukham gulam paribhunjitunti. {48.1} Addasa ^3- kho ayasma kankharevato antaramagge vacce muggam jatam passitva akappiya mugga pakkapi mugga jayantiti kukkuccayanto sapariso muggam na paribhunjati . Yepissa sotabbam mannanti tepi muggam na paribhunjanti . Bhagavato etamattham arocesum . sace bhikkhave pakkapi mugga @Footnote: ^1-3 Ma. Yu. addasa. ² Si. Ma. Yu. sankham. Jayanti anujanami bhikkhave yathasukham muggam paribhunjitunti tena kho pana samayena annatarassa bhikkhuno udaravatabadho hoti . so lonasocirakam ^1- apayi . tassa so udaravatabadho patippassambhi . bhagavato etamattham arocesum . anujanami bhikkhave yathasukham ^2- gilanassa lonasocirakam agilanassa udakasambhinnam panaparibhogena paribhunjitunti. [49] Athakho bhagava anupubbena carikam caramano yena rajagaham tadavasari . tatra sudam bhagava rajagahe viharati veluvane kalandakanivape. Tena kho pana samayena bhagavato udaravatabadho hoti . athakho ayasma anando pubbepi bhagavato udaravatabadho tekatulaya yaguya phasu hotiti samam tilampi tandulampi muggampi vinnapetva anto vasetva anto samam pacitva bhagavato upanamesi pivatu bhagava tekatulam yagunti. {49.1} Janantapi tathagata pucchanti janantapi na pucchanti kalam viditva pucchanti kalam viditva na pucchanti atthasanhitam tathagata pucchanti no anatthasanhitam anatthasanhite setughato tathagatanam . dvihakarehi buddha bhagavanto bhikkhu patipucchanti dhammam va desessama savakanam va sikkhapadam pannapessamati . Athakho bhagava ayasmantam anandam amantesi kutayam @Footnote: ¹ Si. Ma. Yu. lonasovirakam. ² Ma. Yu. ayam patho na dissati. Ananda yaguti . athakho ayasma anando bhagavato etamattham arocesi . vigarahi buddho bhagava ananucchavikam ^1- ananda ananulomikam appatirupam assamanakam akappiyam akaraniyam katham hi nama tvam ananda evarupaya bahullaya cetessasi yadapi ananda anto vuttham tadapi akappiyam yadapi anto pakkam tadapi akappiyam yadapi samam pakkam tadapi akappiyam netam ananda appasannanam va pasadaya .pe. vigarahitva dhammim katham katva bhikkhu amantesi na bhikkhave anto vuttham anto pakkam samam pakkam paribhunjitabbam yo paribhunjeyya apatti dukkatassa . Anto ce bhikkhave vuttham anto pakkam samam pakkam tance paribhunjeyya apatti tinnam dukkatanam. {49.2} Anto ce bhikkhave vuttham anto pakkam annehi pakkam tance paribhunjeyya apatti dvinnam dukkatanam . anto ce bhikkhave vuttham bahi pakkam samam pakkam tance paribhunjeyya apatti dvinnam dukkatanam . bahi ce bhikkhave vuttham anto pakkam samam pakkam tance paribhunjeyya apatti dvinnam dukkatanam . anto ce bhikkhave vuttham bahi pakkam annehi pakkam tance paribhunjeyya apatti dukkatassa . bahi ce bhikkhave vuttham anto pakkam annehi pakkam tance paribhunjeyya apatti dukkatassa . bahi ce bhikkhave @Footnote: ¹ Si. Yu. ananucchaviyam. Vuttham bahi pakkam samam pakkam tance paribhunjeyya apatti dukkatassa . bahi ce bhikkhave vuttham bahi pakkam annehi pakkam tance paribhunjeyya anapattiti. [50] Tena kho pana samayena bhikkhu bhagavata samapako ^1- patikkhittoti punapake kukkuccayanti . bhagavato etamattham arocesum. Anujanami bhikkhave punapakam pacitunti. [51] Tena kho pana samayena rajagaham dubbhikkham hoti. Manussa lonampi telampi tandulampi khadaniyampi aramam aharanti . Tani bhikkhu bahi vasenti ukkapindakapi khadanti corapi haranti . bhagavato etamattham arocesum . anujanami bhikkhave anto vasetunti . anto vasetva bahi pacenti damaka parivarenti . bhikkhu avissattha paribhunjanti . bhagavato etamattham arocesum . anujanami bhikkhave anto pacitunti . Dubbhikkhe kappiyakaraka bahutaram haranti appataram bhikkhunam denti . Bhagavato etamattham arocesum . anujanami bhikkhave samam pacitum . Anujanami bhikkhave anto vuttham anto pakkam samam pakkanti. [52] Tena kho pana samayena sambahula bhikkhu kasisu vassam vuttha rajagaham gacchanta bhagavantam dassanaya antaramagge na labhimsu lukhassa va panitassa va bhojanassa yavadattham paripurim bahunca @Footnote: ¹ Ma. Yu. samam pako. Phalakhadaniyam ahosi kappiyakarako ca na ahosi . athakho te bhikkhu kilantarupa yena rajagaham veluvanam kalandakanivapo yena bhagava tenupasankamimsu upasankamitva bhagavantam abhivadetva ekamantam nisidimsu . acinnam kho panetam buddhanam bhagavantanam agantukehi bhikkhuhi saddhim patisammoditum . athakho bhagava te bhikkhu etadavoca kacci bhikkhave khamaniyam kacci yapaniyam kaccittha appakilamathena addhanam agata kuto ca tumhe bhikkhave agacchathati. {52.1} Khamaniyam bhagava yapaniyam bhagava idha mayam bhante kasisu vassam vuttha rajagaham agacchanta bhagavantam dassanaya antaramagge na labhimha lukhassa va panitassa va bhojanassa yavadattham paripurim bahunca phalakhadaniyam ahosi kappiyakarako ca na ahosi tena mayam kilantarupa addhanam agatati . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave yattha phalakhadaniyam passati kappiyakarako ca na hoti samam gahetva haritva kappiyakarakam passitva bhumiyam nikkhipitva patiggahapetva paribhunjitum. Anujanami bhikkhave uggahitam patiggahetunti ^1-. [53] Tena kho pana samayena annatarassa brahmanassa nava ca tila navanca madhu ^2- uppanna honti . Athakho tassa brahmanassa @Footnote: ¹ Si. uggahitapatiggahitakanti. Ma. Yu. uggahitam patiggahitunti. @² Ma. Yu. madhum. Etadahosi yannunaham nave ca tile navanca madhum buddhappamukhassa bhikkhusanghassa dadeyyanti . athakho so brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam atthasi . ekamantam thito kho so brahmano bhagavantam etadavoca adhivasetu me bhante bhavam gotamo svatanaya bhattam saddhim bhikkhusanghenati . adhivasesi bhagava tunhibhavena . athakho so brahmano bhagavato adhivasanam viditva pakkami. {53.1} Athakho so brahmano tassa rattiya accayena panitam khadaniyam bhojaniyam patiyadapetva bhagavato kalam arocapesi kalo bho gotama nitthitam bhattanti . athakho bhagava pubbanhasamayam nivasetva pattacivaramadaya yena tassa brahmanassa nivesanam tenupasankami upasankamitva pannatte asane nisidi saddhim bhikkhusanghena . athakho so brahmano buddhappamukham bhikkhusangham panitena khadaniyena bhojaniyena sahattha santappetva sampavaretva bhagavantam bhuttavim onitapattapanim ekamantam nisidi . ekamantam nisinnam kho tam brahmanam bhagava dhammiya kathaya sandassetva samadapetva samuttejetva sampahamsetva utthayasana pakkami. {53.2} Athakho tassa brahmanassa acirapakkantassa bhagavato etadahosi yesam kho maya atthaya buddhappamukho bhikkhusangho ^1- nimantito nave ca tile navanca madhum @Footnote: ¹ Ma. sangho. Dassamiti te maya pamuttha datum yannunaham nave ca tile navanca madhum kolambehi ca ghatehi ca aramam harapeyyanti . Athakho so brahmano nave ca tile navanca madhum kolambehi ^1- ca ghatehi ca aramam harapetva ^2- yena bhagava tenupasankami upasankamitva ekamantam atthasi . ekamantam thito kho so brahmano bhagavantam etadavoca yesam kho maya bho gotama atthaya buddhappamukho bhikkhusangho nimantito nave ca tile navanca madhum dassamiti te maya pamuttha datum patigganhatu me bhavam gotamo nave ca tile navanca madhunti . tenahi tvam ^3- brahmana bhikkhunam dehiti . tena kho pana samayena bhikkhu dubbhikkhe appamattakepi pavarenti patisankhapi patikkhipanti sabbo ca sangho pavarito hoti . bhikkhu kukkuccayanta na patigganhanti . Patigganhatha bhikkhave paribhunjatha anujanami bhikkhave tato nihatam bhuttavina pavaritena anatirittam paribhunjitunti. [54] Tena kho pana samayena ayasmato upanandassa sakyaputtassa upatthakakulam sanghassa atthaya khadaniyam pahesi ^4- ayyassa upanandassa dassetva sanghassa databbanti . tena kho pana samayena ayasma upanando sakyaputto gamam pindaya pavittho @Footnote: ¹ Po. Ma. kolumbehi. ² Si. Yu. aharapetva. ³ Ma. Yu. ayam patho @natthi. ⁴ Po. ito param imam khadaniyanti pathadvayam. Hoti . athakho te manussa aramam gantva bhikkhu pucchimsu kaham bhante ayyo upanandoti . esavuso ayasma upanando sakyaputto gamam pindaya pavitthoti . idam bhante khadaniyam ayyassa upanandassa dassetva sanghassa databbanti . bhagavato etamattham arocesum . tenahi bhikkhave patiggahetva nikkhipatha yava upanando agacchatiti . athakho ayasma upanando sakyaputto purebhattam kulani payirupasitva diva ^1- agacchati ^2-. Tena kho pana samayena bhikkhu dubbhikkhe appamattakepi pavarenti patisankhapi patikkhipanti sabbo ca sangho pavarito hoti . Bhikkhu kukkuccayanta na patigganhanti . patigganhatha bhikkhave paribhunjatha anujanami bhikkhave purebhattam patiggahitam bhuttavina pavaritena anatirittam paribhunjitunti. [55] Athakho bhagava rajagahe yathabhirantam viharitva yena savatthi ^3- tena carikam pakkami anupubbena carikam caramano yena savatthi tadavasari . tatra sudam bhagava savatthiyam viharati jetavane anathapindikassa arame . tena kho pana samayena ayasmato sariputtassa kayadahabadho hoti . athakho ayasma mahamoggallano yenayasma sariputto tenupasankami upasankamitva ayasmantam sariputtam etadavoca pubbe te avuso sariputta kayadahabadho kena phasu hotiti . bhisehi ca me @Footnote: ¹ Po. atidiva. ² Ma. Yu. agacchi. ³ Ma. Yu. savatthi. Avuso ^1- mulalikahi cati . athakho ayasma mahamoggallano seyyathapi nama balava puriso samminjitam va baham pasareyya pasaritam va baham samminjeyya evameva jetavane antarahito mandakiniya pokkharaniya tire paturahosi. {55.1} Addasa ^2- kho annataro nago ayasmantam mahamoggallanam durato va agacchantam disvana ayasmantam mahamoggallanam etadavoca etu kho bhante ayyo mahamoggallano svagatam bhante ayyassa mahamoggallanassa kena bhante ayyassa attho kim dammiti. Bhisehi ca me avuso attho mulalikahi cati. {55.2} Athakho so nago annataram nagam anapesi tenahi ^3- bhane ayyassa bhise ca mulalikayo ca yavadattham dehiti. Athakho so nago mandakinim pokkharanim ogahetva sondaya bhisamulalikayo ^4- abbahitva suvikkhalitam vikkhaletva bhandikam bandhitva ^5- yenayasma mahamoggallano tenupasankami . athakho ayasma mahamoggallano seyyathapi nama balava puriso samminjitam va baham pasareyya pasaritam va baham samminjeyya evameva mandakiniya pokkharaniya tire antarahito jetavane paturahosi . sopi kho nago mandakiniya pokkharaniya tire antarahito jetavane paturahosi . Athakho so nago ayasmato mahamoggallanassa bhise ca @Footnote: ¹ Po. avuso me. ² Ma. Yu. addasa. ³ Ma. ayam patho natthi. ⁴ Ma. Yu. @bhisanca mulalinca. ⁵ Ma. bhanditva. Mulalikayo ca patiggahapetva jetavane antarahito mandakiniya pokkharaniya tire paturahosi . athakho ayasma mahamoggallano ayasmato sariputtassa bhise ca mulalikayo ca upanamesi . Athakho ayasmato sariputtassa bhise ca mulalikayo ca paribhuttassa ^1- kayadahabadho patippassambhi . bahu bhisa ca mulalikayo ca avasittha honti. {55.3} Tena kho pana samayena bhikkhu dubbhikkhe appamattakepi pavarenti patisankhapi patikkhipanti sabbo ca sangho pavarito hoti. Bhikkhu kukkuccayanta na patigganhanti . patigganhatha bhikkhave paribhunjatha anujanami bhikkhave vanattham pokkharattham bhuttavina pavaritena anatirittam paribhunjitunti. [56] Tena kho pana samayena savatthiyam bahum phalakhadaniyam ussannam hoti kappiyakarako ca na hoti . bhikkhu kukkuccayanta phalam na paribhunjanti . bhagavato etamattham arocesum . anujanami bhikkhave abijam nibbatabijam akatakappam phalam paribhunjitunti.

The Pali Tipitaka in Roman Character Volume 5 page 58-67. https://84000.org/tipitaka/read/roman_read.php?B=5&A=1200&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=1200&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=48&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=12 Study Atthakatha :- https://84000.org/tipitaka/attha/attha.php?b=5&i=48 The Pali Atthakatha in Thai :- https://84000.org/tipitaka/atthapali/read_th.php?B=3&A=3938 The Pali Atthakatha in Roman :- https://84000.org/tipitaka/atthapali/read_rm.php?B=3&A=3938 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5