PaliRoman Vol.5

[57] Athakho bhagava savatthiyam yathabhirantam viharitva yena rajagaham tena carikam pakkami anupubbena carikam caramano yena rajagaham tadavasari . tatra sudam bhagava rajagahe viharati veluvane kalandakanivape . tena kho pana samayena annatarassa bhikkhuno bhagandalabadho hoti . akasagotto vejjo @Footnote: ¹ Po. paribhunjantassa. Ma. bhuttassa. Satthakammam karoti . athakho bhagava senasanacarikam ahindanto yena tassa bhikkhuno viharo tenupasankami . addasa ^1- kho akasagotto vejjo bhagavantam durato va agacchantam disvana bhagavantam etadavoca agacchatu bhavam gotamo imassa bhikkhuno vaccamaggam passatu seyyathapi godhamukhanti . athakho bhagava mamam ^2- khvayam moghapuriso uppandetiti tato va patinivattitva etasmim nidane etasmim pakarane bhikkhusangham sannipatapetva bhikkhu patipucchi atthi bhikkhave amukasmim vihare bhikkhu gilanoti . Atthi bhagavati . kintassa bhikkhave bhikkhuno abadhoti ^3- . tassa bhante ayasmato bhagandalabadho ^[4]- akasagotto vejjo satthakammam karotiti. {57.1} Vigarahi buddho bhagava ananucchavikam ^5- bhikkhave tassa moghapurisassa ananulomikam appatirupam assamanakam akappiyam akaraniyam katham hi nama so bhikkhave moghapuriso sambadhe satthakammam karapessati ^6- sambadhe bhikkhave sukhuma chavi duropayo vano duppariharam sattham netam bhikkhave appasannanam va pasadaya .pe. Vigarahitva dhammim katham katva bhikkhu amantesi na bhikkhave sambadhe satthakammam karapetabbam yo karapeyya apatti thullaccayassati. {57.2} Tena kho pana samayena chabbaggiya bhikkhu bhagavata satthakammam patikkhittanti vatthikammam karapenti . ye te bhikkhu appiccha .pe. te ujjhayanti khiyanti vipacenti katham hi @Footnote: ¹ Ma. Yu. addasa. ² Ma. so mam. ³ Po. abadho hotiti. ⁴ Po. hoti. @⁵ Ma. Yu. ananucchaviyam. ⁶ Ma. Yu. karapessatiti. Nama chabbaggiya bhikkhu vatthikammam karapessantiti . athakho te bhikkhu bhagavato etamattham arocesum . saccam kira bhikkhave chabbaggiya bhikkhu vatthikammam karapentiti . saccam bhagavati .pe. Vigarahitva dhammim katham katva bhikkhu amantesi na bhikkhave sambadhassa samanta dvangule satthakammam va vatthikammam va karapetabbam yo karapeyya apatti thullaccayassati.

The Pali Tipitaka in Roman Character Volume 5 page 67-69. https://84000.org/tipitaka/read/roman_read.php?B=5&A=1398&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=1398&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=57&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=13 Study Atthakatha :- https://84000.org/tipitaka/attha/attha.php?b=5&i=57 The Pali Atthakatha in Thai :- https://84000.org/tipitaka/atthapali/read_th.php?B=3&A=3955 The Pali Atthakatha in Roman :- https://84000.org/tipitaka/atthapali/read_rm.php?B=3&A=3955 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5