TIPITAKA Volume 6 : PALI ROMAN
Vinaya Pitaka Vol 6 : Vinaya. Culla (1)

                                        Tassuddanam
     [319] Pandukalohitaka bhikkhu          sayam bhandanakaraka
               tadise upasankamma             ussahimsu ca bhandane
               anuppannani 2- jayanti    uppannanipi vaddhare
               appiccha pesala bhikkhu        ujjhayanti parisato 3-
               saddhammatthitiko buddho        sayambhu aggapuggalo
               anapesi tajjaniyam             kammam savatthiyam jino.
@Footnote: 1 Po. patippassambhitam. 2 Ma. Yu. anuppannapi. 3 Ma. padassato. Yu. padassako.
               Asammukhappatipuccha          appatinnaya katanca yam
               anapatti adesane             desitaya katanca yam
               acodetva asaretva        anaropetva ca yam katam
               asammukha adhammena             vaggenapi ca yam katam 1-
               appatipuccha adhammena       vaggenapi ca yam katam 2-
               appatinnaya adhammena     vaggenapi ca yam katam 3-
               anapattiya adhammena        vaggenapi ca yam katam 4-
               adesanagaminiya              adhammavaggameva ca
               desitaya adhammena              vaggenapi tatheva ca
               acodetva adhammena           vaggenapi tatheva ca
               asaretva adhammena           vaggenapi tatheva ca
               anaropetva adhammena       vaggenapi tatheva ca
               kanhavaranayeneva               sukkavaram vijaniya 5-.
               Sangho akankhamano va 6-     yassa tajjaniyam kare
               bhandanam balo samsattho        adhisile ajjhacare
               atiditthiya vipannassa         sangho tajjaniyam kare.
@Footnote: 1 Ma. Yu. vaggena capi yam katam .    2-3-4 Ma. Yu. puna vaggena yam katam.
@5 Ma. Yu. sukkavarampi janiyam .    6 Ma. Yu. ca.
               Buddhadhammassa sanghassa         avannam yo ca bhasati.
               Tinnannampi ca bhikkhunam        sangho tajjaniyam kare
               bhandanakarako eko           balo samsagganissito.
               Adhisile ajjhacare             tatheva atiditthiya
               buddhadhammassa sanghassa         avannam yo ca bhasati.
               Tajjaniyakammakato                evam sammanuvattana
               upasampada nissayo            samaneraupatthana
               bhikkhunovadakasammato 1-     na kare tajjanikato
               napajje tanca apattim       tadisanca tato param
               kammanca kammike ceva 2-     na garahe tathavidho
               uposatham pavaranam                 pakatattassa natthape
               na 3- savacaniyam anuvado 4-  okaso codanena ca
               saranam sampayoganca           na kareyya tathavidho.
               Upasampada nissayo            samaneraupatthana
               ovadakasammatenapi          pancahangehi sammati 5-.
               Tancapajjati apattim 6-    tadisanca tato param
               kammanca kammike capi        garahanto na sammati.
@Footnote: 1 Ma. Yu. ovadasammatenapi .   2 Ma. Yu. capi .  3 Ma. Yu. nasaddo na dissati.
@4 Ma. Yu. savacanianuvado .  5 Yu. pancaango na sammati. Ma. pancaangehi na sammati.
@6 Yu. tam apajjatapattinca.
               Uposatham pavaranam                savacaniyanuvado 1-
               okaso codananceva          sarana sampayojana
               imehatthangehi yo yutto     tajjana nupasammati.
               Kanhavaranayeneva               sukkavaram vijaniya.
               Balo apattibahulo          samsatthopi ca seyyaso
               niyassakammam sambuddho         anapesi mahamuni.
               Kitagirismim dve bhikkhu          assajipunabbasuka 2-
               anacarampi vividham               acarimsu asannata
               pabbajaniyam sambuddho         kammam savatthiyam jino.
               Macchikasande sudhammo        cittassavasiko ahu
               jativadena khumseti               sudhammo cittupasakam
               patisaraniyam kammam               anapesi tathagato.
               Kosambiyam channam bhikkhum           nicchantapatti passitum.
               Adassane ukkhepitum              anapesi jinuttamo.
               Channo tamyeva apattim           patikatum na icchati
               ukkhepanappatikamme          anapesi vinayako.
               Papaditthi aritthassa            asi annananissita
               ditthiappatinissagge           ukkhepam jinabhasitam.
               Niyassakammam pabbajjam 3-      tatheva patisarani.
@Footnote: 1 Ma. ...canovado .    2 Yu. assajipunabbasu .     3 Yu. pabbajam.
               Adassanappatikamme           anissagge ca ditthiya
               davanacarupaghati               micchaajivameva ca
               pabbajaniyakammamhi            atirekapada ime.
               Alabhavanna dve panca    dve pancakatinamaka
               patisaraniyakammamhi            atirekapada ime.
               Tajjaniyam niyassanca             duve kammapi sadisa.
               Pabbajja 1- patisari ca      dvatthaunarittaka 2-
               tayo ukkhepaniyakamma 3-    sadisa te vibhattito
               tajjaniyanayenapi                sesam kammam vijaniyati.
@Footnote: 1 Yu. pabbaja .  2 Ma. Yu. patisari ca atthi padatirittata.
@3 Ma. Yu. ukkhepana kamma.


             The Pali Tipitaka in Roman Character Volume 6 page 123-127.
https://84000.org/tipitaka/read/roman_read.php?B=6&A=2524&modeTY=2
             Compare with The Pali Tipitaka in Thai Character :-
https://84000.org/tipitaka/read/pali_read.php?B=6&A=2524&modeTY=2
             Compare with The Royal Version of Thai Tipitaka :-
https://84000.org/tipitaka/read/byitem.php?book=6&item=319&items=1
             Compare with The MCU Version of Thai Tipitaka :-
https://84000.org/tipitaka/pitaka_item/m_siri.php?B=6&siri=15
             Contents of The Tipitaka Volume 6
https://84000.org/tipitaka/read/?index_6
https://84000.org/tipitaka/english/?index_6